0
0
മുടങ്ങിക്കിടക്കുന്ന ട്രാഫിക് ഫൈൻ അടയ്ക്കാതെ ബൈക്കിൽ യാത്ര ചെയ്ത യുവാവിനെ ബെംഗളൂരു പൊലീസ് കൈയ്യോടെ പിടികൂടി.
മൊത്തം 46 നിയമലംഘനങ്ങൾക്കുള്ള പിഴ ഇയാളുടെ ബൈക്കിൽ തീർപ്പുകൽപ്പിക്കാത്തതിനാൽ കുടിശ്ശിക തത്സമയം അടയ്ക്കാൻ പോലീസ് നിർബന്ധിച്ചു. 46 നിയമലംഘനങ്ങൾക്കുള്ള പിഴയായി മൊത്തം കുടിശ്ശിക 13,850 രൂപയായിരുന്നുവെന്ന് ബെംഗളൂരു പോലീസ് പറഞ്ഞു.
തള്ളഘട്ടപുര പോലീസ് പരിധിക്ക് സമീപത്ത് നിന്നാണ് ആളെ പിടികൂടിയത്. കൈയിൽ നീണ്ട ചലാൻ പിടിച്ചിരിക്കുന്ന ചിത്രമാണ് പോലീസ് എക്‌സിൽ, പങ്കുവെച്ച ശേഷം ബംഗളൂരു പോലീസ് എഴുതി, “ട്രാഫിക് ലംഘന കേസുകൾ-“46”. പിഴ തുക 13850/- വാഹന നമ്പർ Ka05JF4664. കുടിശ്ശിക അടയ്ക്കുന്നതിൽ നിന്ന് ഒഴിഞ്ഞുമാറുന്നവർക്കെതിരെ ബെംഗളൂരു പൊലീസ് നടപടി തുടങ്ങി.
സമാനമായ സംഭവത്തിൽ അടുത്തിടെ ഇരുചക്രവാഹനത്തിൽ 40 കേസുകൾ കെട്ടിക്കിടക്കുന്ന ഒരാളെ പോലീസ് പിടികൂടിയിരുന്നു. കുറച്ചുകാലമായി കെട്ടിക്കിടക്കുന്ന 12,000 രൂപ പിഴയടയ്ക്കാൻ പോലീസുകാർ നിർബന്ധിക്കുകയും ഇയാളുടെ ചിത്രം സോഷ്യൽ മീഡിയയിൽ പങ്കുവയ്ക്കുകയും ചെയ്തിരുന്നു .
എന്നാൽ ഇത്തരം നിയമലംഘനം നടത്തുന്നവരുടെ ലൈസൻസ് റദ്ദാക്കണമെന്ന് ഉപയോക്താക്കൾ കമന്റ് ചെയ്യുന്നത്. ഒരു ഉപയോക്താവ് എഴുതിയപ്പോൾ, “10 ലംഘനങ്ങൾക്ക് ശേഷം, ഒരു അറസ്റ്റ് വാറണ്ട് ഉണ്ടായിരിക്കണം. അത്തരം ആളുകൾ ഡ്രൈവിംഗ് ചെയ്യരുത്,എന്നും മറ്റൊരു ഉപയോക്താവ് പറഞ്ഞു, “46 നിയമലംഘനങ്ങളും ലൈസൻസ് റദ്ദാക്കിയിട്ടില്ലേ? ഈ സൗമ്യത റോഡുകളിൽ തെമ്മാടികളെ സൃഷ്ടിക്കുന്നു.
ബംഗളൂരു ട്രാഫിക് പോലീസ് അടുത്തിടെ നഗരത്തിൽ ഒരു ഇന്റലിജന്റ് ട്രാഫിക് മാനേജ്‌മെന്റ് സിസ്റ്റം (ഐടിഎംഎസ്) അവതരിപ്പിച്ചിരുന്നു, ട്രാഫിക് നിയമലംഘനങ്ങൾ കണ്ടെത്താനും നിയമലംഘകർക്ക് ചലാൻ നൽകാനും എ.ഐ സംവിധാനം സഹായിക്കും. വേഗപരിധി ലംഘനം, സിഗ്നൽ ചാടുക, ഹെൽമറ്റ് ധരിക്കാതെയുള്ള യാത്ര, ട്രിപ്പിൾ റൈഡിംഗ്, വാഹനമോടിക്കുമ്പോൾ മൊബൈൽ ഫോൺ ഉപയോഗം എന്നിവ AI സംവിധാനം കണ്ടെത്തും.
