0
0
ബെംഗളൂരു: തമിഴ്‌നാടിന് 5,000 ക്യുസെക്‌സ് വെള്ളം വിട്ടുനൽകാൻ കർണാടകയോട് സുപ്രീം കോടതി ഉത്തരവിട്ടതിന് തൊട്ടുപിന്നാലെഅനിഷ്ട സംഭവങ്ങൾ ഒഴിവാക്കാൻ ജാഗ്രതവേണമെന്ന് ബെംഗളൂരു പോലീസ് കമ്മീഷണർ ബി ദയാനന്ദ നഗരത്തിലെ എല്ലാ ഡെപ്യൂട്ടി പോലീസ് കമ്മീഷണർമാർക്കും സർക്കുലർ നൽകി.
കൂടാതെ തമിഴർ കൂടുതലുള്ള സ്ഥലങ്ങളിൽ സുരക്ഷ ശക്തമാക്കാനും ഡിസിപിമാരോട് കമ്മീഷണർ ഉത്തരവിട്ടിട്ടുണ്ട്.
സുപ്രീം കോടതി ഉത്തരവിൽ അസ്വസ്ഥരായ നിരവധി സംഘടനകൾ ബെംഗളൂരുവിൽ പ്രതിഷേധത്തിന് ആഹ്വാനം ചെയ്തിട്ടുണ്ട്, മുൻകരുതൽ നടപടിയെന്ന നിലയിൽ ക്രമസമാധാനപാലനത്തിന് ആവശ്യമായ നടപടികൾ സ്വീകരിക്കാൻ പോലീസ് കമ്മീഷണർ ഡിസിപിമാരോട് ഉത്തരവിട്ടു.
ഇന്റലിജൻസ് റിപ്പോർട്ടിന്റെ അടിസ്ഥാനത്തിലാണ് സുരക്ഷ വർധിപ്പിക്കാൻ ഡിസിപിമാരോട് പോലീസ് കമ്മീഷണർ ഉത്തരവിട്ടത്.
അതത് അധികാരപരിധിയിൽ താഴെപ്പറയുന്ന സാഹചര്യങ്ങളിൽ ജാഗ്രത പാലിക്കാനും ആവശ്യമായ നടപടികൾ കൈക്കൊള്ളാനും ഉന്നത പോലീസ് ഉദ്യോഗസ്ഥർക്ക് നിർദ്ദേശം നൽകി.
1 കർഷക സംഘടനകളും കന്നഡ അനുകൂല സംഘടനകളും വിവിധ സ്ഥലങ്ങളിൽ പ്രതിഷേധ പ്രകടനങ്ങൾ നടത്തുകയും ദേശീയ പാതകളിലും സംസ്ഥാന പാതകളിലും ഗതാഗതം തടസ്സപ്പെടുത്താൻ ശ്രമിക്കുകയും ചെയ്യുമെന്ന് റിപ്പോർട്ടുകൾ
2 തമിഴ്‌നാട് ബസുകൾക്കോ തമിഴ്‌നാട് രജിസ്‌ട്രേഷൻ ഉള്ള സ്വകാര്യ വാഹനങ്ങൾക്കോ കല്ലെറിയുന്നത് ഒഴിവാക്കാൻ നടപടിയെടുക്കണം.
3 നഗരത്തിൽ ഉയർന്ന ജനസാന്ദ്രതയുള്ള തമിഴ് ജനസംഖ്യയുള്ള പ്രദേശങ്ങളിൽ അക്രമത്തിന് സാധ്യതയുണ്ട്.
4 കാവേരി വിഷയത്തിൽ നിരവധി സിനിമാ താരങ്ങൾ പ്രതികരിക്കുന്ന സാഹചര്യത്തിൽ വരും ദിവസങ്ങളിൽ പ്രതിഷേധം ശക്തമായേക്കും.
5 തമിഴ് സംസാരിക്കുന്ന പ്രദേശങ്ങളായ ഡിജെ ഹള്ളി, കെജി ഹള്ളി, ജെസി നഗർ, മഡിവാള, സിറ്റി മാർക്കറ്റ്, ബിടിഎം ലേഔട്ട് ജയനഗർ, മറ്റ് പ്രദേശങ്ങൾ എന്നിവിടങ്ങളിൽ അക്രമം ഒഴിവാക്കാൻ നടപടികൾ കൈക്കൊള്ളണം.
6 തമിഴ് സിനിമകൾ പ്രദർശിപ്പിക്കുന്ന തിയറ്ററുകളിലും മാളുകളിലും പ്രതിഷേധം നടന്നേക്കും.
7 പ്രധാനമന്ത്രി, മുഖ്യമന്ത്രി, മന്ത്രിമാർ, എംപിമാർ, എംഎൽഎമാർ തുടങ്ങിയവരുടെ പരിപാടികളിൽ പ്രതിഷേധം ഉണ്ടായേക്കാം.
കാവേരി നദീജല വിഷയത്തിൽ സുപ്രീം കോടതിയുടെ ഉത്തരവ് പുനഃപരിശോധിക്കണമെന്നാവശ്യപ്പെട്ട് വിവിധ കന്നഡ സംഘടനകൾ പ്രതിഷേധം സംഘടിപ്പിക്കുമെന്ന് പ്രതീക്ഷിക്കുന്നത്.
