0
0
ബെംഗളൂരു : വന്ദേ ഭാരത് എക്‌സ്‌പ്രസ് ട്രെയിനുകളുടെ ശുചീകരണ സമയം 45 മിനിറ്റിൽ നിന്ന് 14 മിനിറ്റായി കുറയ്ക്കുന്നതിനുള്ള പുതിയ സംരംഭമായ ’14 മിനിറ്റ് അത്ഭുതം’ പദ്ധതിക്ക് ഇന്നലെ മൈസൂരു സിറ്റി റെയിൽവേ സ്റ്റേഷനിൽ ഔദ്യോഗികമായി ആരംഭിച്ചു.
ഇന്നലെ ഉച്ചയ്ക്ക് 12.05ന് ട്രെയിൻ വന്ന് യാത്രക്കാർ ഇറങ്ങിയതിന് ശേഷമാണ് ശുചീകരണം ആരംഭിച്ചത്.
ജപ്പാനിലെ ബുള്ളറ്റ് ട്രെയിനുകളിൽ നിന്ന് പ്രചോദനം ഉൾക്കൊണ്ടാണ് ഈ നേട്ടം കൈവരിച്ചത്, വെറും ഏഴ് മിനിറ്റിനുള്ളിൽ വൃത്തിയാക്കപ്പെടുന്നു.
40 ക്ലീനിംഗ് ജീവനക്കാരാണ് ജോലിയിൽ ഉണ്ടായിരുന്നത്, അവർ 13 മിനിറ്റും 53 സെക്കൻഡും കൊണ്ട് ട്രെയിനിന്റെ അകത്തും പുറത്തുമുള്ള ഗ്ലാസുകൾ വൃത്തിയാക്കി.
ശുചിമുറികൾ ഉൾപ്പെടെ ക്ലീൻ ചെയ്യാൻ ഒരു ബോഗിയിൽ മൂന്നുപേർ വീതവും ഉണ്ടായിരുന്നു.
ഡൽഹി കന്റോൺമെന്റ് റെയിൽവേ സ്റ്റേഷനിലും ഒരേസമയം 29-ലധികം വന്ദേ ഭാരത് ട്രെയിനുകളിലും ‘സ്വച്ഛത ഹി സേവ’ കാമ്പെയ്‌നിന്റെ ഭാഗമായി റെയിൽവേ മന്ത്രി അശ്വിനി വൈഷ്ണവ് പദ്ധതി ഉദ്ഘാടനം ചെയ്തു,
ഇത് ദൈനംദിന ദിനചര്യയാക്കി മാറ്റാനാണ് തീരുമാനം. മൈസൂരിൽ ഡിവിഷണൽ റെയിൽവേ മാനേജർ ശിൽപി അഗർവാളും മറ്റ് മുതിർന്ന ഉദ്യോഗസ്ഥരും ചേർന്നാണ് ശുചീകരണ സംവിധാനം ആരംഭിച്ചത്.
’14 മിനിറ്റ് മിറക്കിൾ’ പദ്ധതിക്ക് എംബ്രോയ്ഡറി ചെയ്ത വൃത്തിയുള്ള യൂണിഫോം അണിഞ്ഞ ജീവനക്കാരായിരുന്നു പരിപാടിയുടെ ശ്രദ്ധേയമായ ഘടകം.
കർശനമായ ശുചിത്വ നടപടികൾ പാലിച്ചുകൊണ്ട് ഉപകരണങ്ങളും ഉപയോഗിച്ച് ശുചീകരണ പ്രക്രിയ പ്രദർശിപ്പിച്ചു. ശുചീകരണ തൊഴിലാളികൾ ഒരു മാസത്തിലേറെ പരിശീലനം നേടുകയും ഒന്നിലധികം മോക്ക് ഡ്രില്ലുകൾ നടത്തുകയും ചെയ്തട്ടുള്ളവരാണ്.
വന്ദേ ഭാരത് ട്രെയിനുകൾ വിവിധ ടെർമിനലുകളിൽ എത്തുമ്പോൾ അവയുടെ ശുചീകരണ പ്രക്രിയ നടത്തുക എന്നതാണ് ’14 മിനിറ്റ് മിറക്കിൾ’ പദ്ധതി ലക്ഷ്യമിടുന്നത്.
ഇന്ത്യൻ റെയിൽവേ വികസിപ്പിച്ചെടുത്ത ഈ നൂതനമായ സമീപനം, കേവലം 14 മിനിറ്റിനുള്ളിൽ പൂർണ്ണമായ ശുചീകരണം പൂർത്തിയാക്കുന്നു.
കാര്യക്ഷമത, ശുചിത്വം, യാത്രക്കാരുടെ സംതൃപ്തി എന്നിവയ്ക്കുള്ള ഇന്ത്യൻ റെയിൽവേയുടെ പ്രതിബദ്ധതയാണ് ഇത് പ്രതിഫലിപ്പിക്കുന്നതെന്ന് സൗത്ത് വെസ്റ്റേൺ റെയിൽവേയുടെ കുറിപ്പിൽ പറയുന്നു.
