0
0
ബെംഗളൂരു: നഗരത്തിലെ പ്രധാന പോയിന്റുകളിൽ ഗതാഗതക്കുരുക്ക് കുറയ്ക്കുന്നതിനുള്ള മാർഗങ്ങൾ ഫലപ്രദമായി നിരീക്ഷിക്കാനും നിയന്ത്രിക്കാൻ സിറ്റി ട്രാഫിക് പോലീസ് ഡിപ്പാർട്ട്‌മെന്റ് പുതിയ എ ഐ (ആർട്ടിഫിഷ്യൽ ഇന്റലിജൻസ്) പിന്തുണയുള്ള ട്രാഫിക് മാനേജ്‌മെന്റ് ആപ്പ് അവതരിപ്പിക്കാൻ ഒരുങ്ങുന്നു.
ഡിസംബർ 20ന് ആപ്പ് പുറത്തിറക്കാൻ സാധ്യതയുണ്ടെന്ന് ട്രാഫിക് പോലീസ് വൃത്തങ്ങൾ അറിയിച്ചു.
ഇതുവരെ പേരിട്ടിട്ടില്ലാത്ത ആപ്പ് ഇതിനകം തന്നെ പൈലറ്റ് അടിസ്ഥാനത്തിൽ ട്രാഫിക് പോലീസ് വിഭാഗം ഉപയോഗിക്കുന്നുണ്ട് .
ബെംഗളൂരുവിലെ ട്രാഫിക് ചലനങ്ങൾ മനസിലാക്കുന്നതിനും വിശകലനം ചെയ്യുന്നതിനുമായി ഒന്നായി സംയോജിപ്പിച്ചിരിക്കുന്ന വ്യത്യസ്ത ഡിജിറ്റൽ സാങ്കേതികവിദ്യകളുടെ സംയോജനമാണ് ആപ്പ്.
പൈലറ്റ് ഘട്ടത്തിന്റെ ഭാഗമായി, അഗ്രഗേറ്റർ ആപ്പുകൾ, മൊബിലിറ്റി സംബന്ധിയായ വെബ്‌സൈറ്റുകൾ, ഗൂഗിൾ, മറ്റ് പ്ലാറ്റ്‌ഫോമുകൾ തുടങ്ങിയ മൂന്നാം കക്ഷി ഏജൻസികളിൽ നിന്നുള്ള വാഹന ചലനങ്ങൾ, വേഗത, ട്രാഫിക്കിന്റെ ദൈർഘ്യം, വാഹന വിഭാഗങ്ങൾ, എന്നിവയെക്കുറിച്ചുള്ള ഇൻപുട്ടുകൾ ട്രാഫിക് വിഭാഗം ശേഖരിച്ചുവരികയാണ് .
ശേഷം എ ഐ ഉപയോഗിച്ചുള്ള ആപ്പിലേക്ക് ഡാറ്റ പിന്നീട് ഫീഡ് ചെയ്യപ്പെടും , തുടർന്ന് ട്രാഫിക് ചലനത്തിലെ ട്രെൻഡുകൾ ബുദ്ധിപരമായി നിർദ്ദേശിക്കും
