തമിഴ്‌നാട്ടിൽ പടക്ക യൂണിറ്റ് പൊട്ടിത്തെറിച്ച് തൊഴിലാളി മരിച്ചു

Read Time:1 Minute, 16 Second

ചെന്നൈ : സത്തൂരിന് സമീപമുള്ള പടക്ക നിർമ്മാണ യൂണിറ്റിലുണ്ടായ സ്‌ഫോടനത്തിൽ ഒരു തൊഴിലാളി മരിച്ചു.

വിരുദുനഗർ തമിഴ്‌നാട്ടിലെ ജില്ലയിലാണ് സംഭവം .മരിച്ചയാൾ കണ്ടിയപുരം വില്ലേജിലെ ഷൺമുഖരാജ് (36) ആണെന്ന് തിരിച്ചറിഞ്ഞു.

പനയടിപ്പട്ടി ഗ്രാമത്തിലെ പടക്കശാലയിലാണ് സ്ഫോടനം ഉണ്ടായത്.

വെള്ളിയാഴ്‌ച രാവിലെ, ഷൺമുഖരാജ് ജോലി ചെയ്യുന്ന ഒരു ഷെഡിൽ പടക്ക നിർമാണത്തിനുള്ള രാസവസ്തുക്കൾ കലർത്തുന്നതിനിടെയാണ് സ്‌ഫോടനം ഉണ്ടായി.

ജോലി ചെയ്യുന്ന ഷെഡ് പൂർണമായും തകർന്നു, ഷൺമുഖരാജ് സംഭവസ്ഥലത്ത് തന്നെ മരിച്ചു.

വിവരമറിഞ്ഞ് അഗ്നിശമന സേനാംഗങ്ങൾ സ്ഥലത്തെത്തിയ ശേഷമാണ് തീയണച്ചത്. ഷൺമുഖരാജിന്റെ മൃതദേഹം പുറത്തെടുത്ത് പോസ്റ്റ്‌മോർട്ടത്തിനായി സത്തൂർ സർക്കാർ ആശുപത്രിയിലേക്ക് അയച്ചു.
ഇളയിരമ്പന്നൈ പോലീസ് അന്വേഷണം ആരംഭിച്ചു.