ചെന്നൈ – കോട്ടയം സ്പെഷ്യൽ ട്രെയിനും ചെന്നൈ – മൈസൂരു വന്ദേ ഭാരതും സർവീസുകൾ നീട്ടി; ബുക്കിങ്ങിനായി വായിക്കാം

Read Time:3 Minute, 40 Second

ചെന്നൈ: യാത്രക്കാരുടെ അഭ്യർഥന പരിഗണിച്ച് എംജിആർ ചെന്നൈ സെൻട്രൽ – കോട്ടയം സ്പെഷ്യൽ ട്രെയിനിന് സർവീസും ചെന്നൈ – മൈസൂരു സ്പെഷ്യൽ വന്ദേ ഭാരത് സർവീസും ഈ മാസത്തേക്ക് നീട്ടിയിട്ടുണ്ട്.

ശബരിമല തീർഥാടകരുടെ തിരക്ക് പരിഗണിച്ചായിരുന്നു ചെന്നൈയിൽനിന്ന് കോട്ടയത്തേക്ക് റെയിൽവേ സ്പെഷ്യൽ ട്രെയിൻ പ്രഖ്യാപിച്ചത്.

ബുക്കിങ് ആരംഭിച്ചതുമുതൽ മികച്ച പ്രതികരണമാണ് ട്രെയിനിന് ലഭിച്ചത്. ജനുവരിയിലെ ആദ്യ രണ്ട് ഞായറാഴ്ചകളിലാണ് ചെന്നൈ – കോട്ടയം സ്പെഷ്യൽ ട്രെയിൻ സർവീസ്.

ജനുവരി ഏഴിനും 14നും രാത്രി 11:30 നാണ് ശബരി സ്പെഷ്യൽ ട്രെയിൻ ചെന്നൈയിൽനിന്ന് പുറപ്പെടുക.
തിങ്കളാഴ്ച ഉച്ചയ്ക്ക് 1:10ന് ട്രെയിൻ കോട്ടയത്ത് എത്തിച്ചേരും.
മടക്കയാത്ര ജനുവരി എട്ട് തിങ്കളാഴ്ചയും 15 തിങ്കളാഴ്ചയുമാണ് നിശ്ചയിച്ചിരിക്കുന്നത്. കോട്ടയത്തുനിന്ന് രാത്രി 8:45ന് പുറപ്പെടുന്ന ട്രെയിൻ ചൊവ്വാഴ്ച രാവിലെ 10:30ന് ചെന്നൈയിൽ എത്തിച്ചേരും.

ചെന്നൈ – കോട്ടയം സ്പെഷ്യൽ ട്രെയിൻ സർവീസുകളുടെ ബുക്കിങ് ആരംഭിച്ചിട്ടുണ്ട്.

ചെന്നൈ സെൻട്രലിൽനിന്ന് കോട്ടയത്തേക്ക് സ്ലീപ്പർ ക്ലാസിന് 545 രൂപയാണ് ടിക്കറ്റ് നിരക്ക്.
തേർഡ് എസി ഇക്കണോമി (3E) 1330 രൂപ.
തേർഡ് എസി (3A) 1445 രൂപ.
എസി ടു ടയർ (2A) 2015 രൂപ എന്നിങ്ങനെയാണ് ടിക്കറ്റ് നിരക്ക്.
നാല് സർവീസുകളും ഐആർസിടിസി ബുക്കിങ് ആപ്പ് വഴി ഇപ്പോൾ ബുക്ക് ചെയ്യാൻ കഴിയും.

ചെന്നൈ സെൻട്രൽ – മൈസൂരു സ്പെഷ്യൽ വന്ദേ ഭാരത് ഇരുദിശകളിലുമായി 10 സർവീസുകളാണ് ജനുവരിയിൽ നടത്തുക.

എല്ലാ ബുധനാഴ്ചയുമാണ് സർവീസ് ക്രമീകരിച്ചിരിക്കുന്നത്.
രാവിലെ 5:50ന് എംജിആർ – ചെന്നൈ സെൻട്രലിൽനിന്ന് സർവീസ് ആരംഭിക്കുന്ന വന്ദേ ഭാരത് ഉച്ചയ്ക്ക് 12:20ന് മൈസൂരുവിൽ എത്തിച്ചേരും.
മടക്കയാത്ര ഉച്ചയ്ക്ക് 1:05ന് മൈസൂരുവിൽനിന്ന് പുറപ്പെട്ട് രാത്രി 7:20ന് ചെന്നൈയിൽ എത്തുന്ന രീതിയിലാണ് സർവീസ്.

ചെന്നൈ – മൈസൂരു സ്പെഷ്യൽ വന്ദേ ഭാരത് സർവീസുകളുടെ ബുക്കിങ്ങും ആരംഭിച്ചിട്ടുണ്ട്.

ചെയർ കാറിന് 1270 രൂപയും.
ഇക്കണോമി ക്ലാസിന് 2540 രൂപയുമാണ് ചെന്നൈ – മൈസൂരു ടിക്കറ്റ് നിരക്ക്.
രാവിലെ 5:50ന് ചെന്നൈയിൽനിന്ന് പുറപ്പെടുന്ന സെമി ഹൈസ്പീഡ് ട്രെയിൻ 7:13നാണ് കാട്പാടിയിലെത്തുക.
10:10ന് കെഎസ്ആർ ബെംഗളൂരു സിറ്റി ജഗ്ഷനിലും.
മടക്കയാത്രയിൽ 1:05ന് മൈസൂരുവിൽനിന്ന് പുറപ്പെടുന്ന ട്രെയിൻ 2:50ന് ബെംഗളൂരു സിറ്റി ജഗ്ഷനിലും, 5:33ന് കാട്പാടിയിലുമെത്തും.