0
0
ചെന്നൈ : തമിഴ്‌നാട്ടിലെ കാഞ്ചീപുരം ജില്ലയിലെ സർക്കാർ ഹെഡ്ക്വാർട്ടേഴ്‌സ് ആശുപത്രിയിലെ പനി വാർഡിൽ ഐവി ഫ്ലൂയിഡ് സ്റ്റാൻഡിന് (ഗ്ലൂക്കോസ് സ്റ്റാൻഡ്) പകരം മോപ്പ് സ്റ്റിക്ക് ഉപയോഗിച്ചതായി കാണിക്കുന്ന വീഡിയോ സോഷ്യൽ മീഡിയയിൽ പ്രചരിച്ചതിനെ തുടർന്ന് അധികൃതർ അന്വേഷണത്തിന് ഉത്തരവിട്ടു.
കാഞ്ചീപുരം ജില്ലാ സർക്കാർ ജനറൽ ആശുപത്രിയിൽ പ്രതിദിനം ആയിരത്തിലധികം രോഗികൾ ചികിത്സയ്‌ക്കായി എത്തുന്നുണ്ടെങ്കിലും അവർക്ക് ആവശ്യമായ അടിസ്ഥാന സൗകര്യങ്ങൾ പോലും ആശുപത്രിയിൽ ഇല്ലെന്ന് സംഭവത്തോട് പ്രതികരിച്ച് എഎംഎംകെ ടിടിവി ദിനകരൻ ആരോപിച്ചു.
കാഞ്ചീപുരം സർക്കാർ ആശുപത്രി ഗ്ലൂക്കോസ് സ്റ്റാൻഡായി മോപ്പ് സ്റ്റിക്ക് ഉപയോഗിക്കുന്ന വാർത്ത ഇതിനോടകം തന്നെ പ്രചരിച്ചു.
സംസ്ഥാന സർക്കാർ ആശുപത്രികളിൽ ഡോക്ടർമാരുടെയും നഴ്‌സുമാരുടെയും അഭാവവും മെഡിക്കൽ ഉപകരണങ്ങളുടെ ദൗർലഭ്യവും സംബന്ധിച്ച പരാതികളിൽ നടപടിയെടുക്കാത്തതാണ് മെഡിക്കൽ അവഗണനയുടെ പരമ്പരയ്ക്ക് കാരണമെന്നാണ് ആരോപണം.
ഒഴിവുള്ള ഡോക്ടർമാരുടെയും നഴ്‌സുമാരുടെയും തസ്തികകൾ ഉടൻ നികത്താനും പ്രാഥമികാരോഗ്യ കേന്ദ്രങ്ങൾ മുതൽ എല്ലാ സർക്കാർ ആശുപത്രികളിലും രോഗികളെ ചികിത്സിക്കുന്നതിനുള്ള അടിസ്ഥാന ഉപകരണങ്ങൾ ഉണ്ടെന്ന് ഉറപ്പാക്കാനും തമിഴ്‌നാട് സർക്കാരിനോട് അഭ്യർത്ഥിക്കുന്നുവെന്നും ആളുകൾ പറഞ്ഞു .
ചെന്നൈയിലെ റോയപ്പേട്ട സർക്കാർ ആശുപത്രിയിൽ രോഗികളുടെ ഗ്ലൂക്കോസ് കുപ്പികൾ തൂക്കാൻ സ്റ്റാൻഡുകൾ ഇല്ലാതെ കൈവശം വയ്ക്കുന്ന വീഡിയോ സോഷ്യൽ മീഡിയയിൽ വൈറലായതിന് തൊട്ടുപിന്നാലെയാണ് ഈ സംഭവം പുറത്തുവന്നത്.
എഐഎഡിഎംകെയിലെ മുൻ ആരോഗ്യമന്ത്രി സി വിജയഭാസ്‌കർ സംഭവത്തെ അപലപിക്കുകയും ഡിഎംകെ ഭരണത്തിന് കീഴിലുള്ള ആരോഗ്യവകുപ്പിനെതിരെ രൂക്ഷ വിമർശനം നടത്തുകയും ചെയ്തു,
