ഹൈവേയിലെ റെയിൽവേ മേൽപ്പാലത്തിൽ ബൾജ്; ചെന്നൈ-ട്രിച്ചി ദേശീയ പാതയിൽ ഗതാഗതം സ്തംഭിച്ചു

Read Time:1 Minute, 23 Second

ചെന്നൈ : പൊങ്കൽ ആഘോഷിക്കാൻ തമിഴ്‌നാട്ടിലെ മധ്യ-തെക്കൻ ജില്ലകളിലേക്ക് പോകുന്നവർ ചെന്നൈ-ട്രിച്ചി ദേശീയ പാതയിൽ (എൻഎച്ച്) ഗതാഗതക്കുരുക്കിൽ പെട്ടു.

പൊൻമലൈ റെയിൽവേ സ്റ്റേഷന് സമീപമുള്ള ഹൈവേയിലെ റെയിൽവേ മേൽപ്പാലത്തിൽ (RoB) ഒരു ബൾജ് കണ്ടെത്തിയതോടെ തിങ്കളാഴ്ച റോഡിന്റെ ഒരു ഭാഗം നാഷണൽ ഹൈവേ അതോറിറ്റി ഓഫ് ഇന്ത്യ (NHAI) അടച്ചു.

ചെന്നൈ, ട്രിച്ചി, മധുര ഉൾപ്പെടെയുള്ള തെക്കൻ ജില്ലകളുമായി ബന്ധിപ്പിക്കുന്ന എൻഎച്ചിലെ നിർണായക ലിങ്കാണ് ഈ മേൽപാലം.

ഇതോടെ ഹൈവേയിലെ മറ്റൊരു വഴിയിലൂടെ വാഹനങ്ങൾ തിരിച്ചുവിട്ടു. എന്നാലും ഏറെ മണിക്കൂറുകളോളം ദേശീയ പാതയിൽ ഗതാഗതക്കുരുക്ക് തുടർന്നു.

എൻഐടി ട്രിച്ചിയുടെ നിർദേശങ്ങളുടെ അടിസ്ഥാനത്തിൽ ദക്ഷിണ റെയിൽവേയുടെ മേൽനോട്ടത്തിൽ മേൽപ്പാലത്തിന്റെ ബൾജ് മാറ്റുന്നതിനുള്ള പ്രവർത്തനങ്ങൾ ആരംഭിക്കുമെന്ന് എൻഎച്ച്എഐ അറിയിച്ചു.