0
0
ചെന്നൈ:റോഡരികിൽ നിർത്തിയിട്ടിരുന്ന ബൈക്കുകൾ നീക്കാൻ ആവശ്യപ്പെട്ടതിന് സർക്കാർ ബസ് ഡ്രൈവറെ ഒരു സംഘം ആളുകൾ മർദിച്ചു. തമിഴ്‌നാട്ടിലെ തഞ്ചാവൂർ ജില്ലയിലാണ് സംഭവം.
നിർത്തിയിട്ട ബൈക്കുകളുമായി ഒരു സംഘം നടുറോഡിൽ തർക്കിക്കുന്നത് കണ്ട് ബസ് ഓടിച്ചിരുന്ന രമേഷ് നിർത്തുകയായിരുന്നു.
തുടർന്ന് ബസ് മാറ്റാൻ രമേശിനോട് ആവശ്യപ്പെട്ട് ഇവർ ബസിനുള്ളിൽ കയറി. ബൈക്കുകൾ നീക്കം ചെയ്യാതെ ബസ് നീക്കാൻ കഴിയില്ലെന്ന് രമേശ് പ്രതികരിച്ചു.
പ്രകോപിതരായ സംഘം രമേശിനെ മർദ്ദിക്കാൻ തുടങ്ങി.
വീഡിയോയിൽ ഒരാൾ രമേശിനെ ബസിൽ നിന്ന് പുറത്തേക്ക് തള്ളുകയും റോഡിൽ വീണ ശേഷം മറ്റുള്ളവർ ചേർന്ന് മർദിക്കുന്നതും കാണാം.
സംഭവം പകർത്താൻ ശ്രമിച്ച പ്രാദേശിക മാധ്യമ പ്രവർത്തകരെയും സംഘം ആക്രമിച്ചു.
രമേഷ്, മാധ്യമപ്രവർത്തകരായ നദിമുത്തു, അരുൺ എന്നിവരെ ചികിത്സയ്ക്കായി സർക്കാർ ആശുപത്രിയിൽ പ്രവേശിപ്പിച്ചു.
അതിനിടെ, സുദർശൻ, ജനാർത്ഥനൻ, ഉദയകുമാർ, കാർത്തികേയൻ, മാരിമുത്തു എന്നീ അഞ്ച് പ്രതികളെ പോലീസ് അറസ്റ്റ് ചെയ്യുകയും മറ്റുള്ളവർക്കായി തിരച്ചിൽ നടത്തുകയും ചെയ്തു.
