Day: 14 June 2024

ചെന്നൈ : താംബരം ഫയർഫോഴ്‌സിൽ പ്രായാധിക്യത്തെ തുടർന്ന് ചത്ത സ്‌നിഫർ ഡോഗ് സീനയുടെ മൃതദേഹം സംസ്ഥാന ബഹുമതികളോടെ സംസ്‌കരിച്ചു. താംബരത്ത് പ്രവർത്തിക്കുന്ന തമിഴ്‌നാട് ഫയർ ആൻഡ് റെസ്‌ക്യൂ സർവീസ് വകുപ്പിൻ്റെ സംസ്ഥാന പരിശീലന കേന്ദ്രത്തിൽ സ്നിഫർ ഡോഗ് റെസ്ക്യൂ ടീമും സജീവമാണ്. സീന എന്ന പെൺ സ്നിഫർ നായ കഴിഞ്ഞ 15 വർഷമായി ഇതിൽ ജോലി ചെയ്യുന്നു. വാർദ്ധക്യ സഹജമായ അസുഖത്തെ തുടർന്ന് ഒരു മാസമായി ചികിത്സയിലായിരുന്ന ജീന സൈതാപ്പേട്ട് മൃഗാശുപത്രിയിൽ ചികിത്സയിലിരിക്കെ ഇന്നലെ രാവിലെയാണ് ചത്തത്. ജീനയുടെ മൃതദേഹം സർക്കാർ ആശുപത്രിയിൽ പോസ്റ്റ്‌മോർട്ടത്തിന്…

ചെന്നൈ : ആവശ്യക്കാർ കൂടിയതോടെ നാമക്കലിൽനിന്നുള്ള മുട്ടയുടെ വില കുതിച്ചുയർന്നു. അഞ്ചുദിവസത്തിൽ മൊത്തവിലയിൽ ഒരു രൂപയോളം വർധനയാണുണ്ടായത്. 4.60 രൂപയായിരുന്ന മുട്ടയുടെ വില ഇപ്പോൾ 5.50 രൂപയാണ്. ചില്ലറ വിപണിയിൽ ഏഴുരൂപ വരെയാണ് വില. സംസ്ഥാനത്ത് സ്കൂളുകൾ തുറന്നതും ബക്രീദ് അടുത്തതുമാണ് മുട്ടയുടെ വിൽപന വർധിക്കാൻ കാരണം. സംസ്ഥാനത്തെ സർക്കാർ സ്കൂളുകളിൽ നടപ്പാക്കുന്ന പോഷകാഹാര പദ്ധതിക്കായി പ്രതിദിനം 40 ലക്ഷം മുട്ടകളാണ് നാമക്കലിലുള്ള ഫാമുകളിൽനിന്ന് വാങ്ങുന്നത്. സ്കൂളുകൾ അടച്ചതിനാൽ ഏപ്രിൽ മുതൽ പദ്ധതിക്കായി മുട്ടവാങ്ങുന്നത് നിർത്തിയിരിക്കുകയായിരുന്നു. എന്നാൽ ഇപ്പോൾ സ്കൂൾ തുറന്നതോടെ വീണ്ടും വിൽപന…

ചെന്നൈ: ചെന്നൈ, മധുര ഉൾപ്പെടെയുള്ള പ്രധാന നഗരങ്ങളിൽ ജോലി ചെയ്യുന്ന യുവ അഭിഭാഷകർക്ക് പ്രതിമാസം 20,000 രൂപയും മറ്റ് നഗരങ്ങളിൽ 15,000 രൂപയും സ്റ്റൈപ്പൻഡ് നൽകാൻ മുതിർന്ന അഭിഭാഷകർക്ക് സർക്കുലർ പുറപ്പെടുവിക്കാൻ തമിഴ്‌നാട്, പുതുച്ചേരി ബാർ കൗൺസിലിനോട് ഹൈക്കോടതി ഉത്തരവിട്ടു. കേന്ദ്രഭരണ പ്രദേശമായ പുതുച്ചേരിയിൽ അഭിഭാഷകരുടെ ക്ഷേമനിധി നിയമം നടപ്പാക്കാൻ ഉത്തരവിടണമെന്ന് ആവശ്യപ്പെട്ട് പുതുച്ചേരി സ്വദേശിയായ അഭിഭാഷക ഫരീദാ ബീഗം മദ്രാസ് ഹൈക്കോടതിയിൽ കേസ് ഫയൽ ചെയ്തിരുന്നു. ജസ്റ്റിസുമാരായ എസ്.എം.സുബ്രഹ്മണ്യം, സി.കുമാരപ്പൻ എന്നിവരടങ്ങിയ ബെഞ്ച് ഇന്ന് കേസ് പരിഗണിച്ചു, “തമിഴ്‌നാട്, പുതുച്ചേരി ബാർ കൗൺസിൽ,…

ചെന്നൈ : ഇന്ത്യയിൽനിന്നുള്ള വിദ്യാർഥി വിസ അപേക്ഷകൾ കൈകാര്യം ചെയ്യുന്നതിന് വിപുലമായ സൗകര്യങ്ങൾ ഏർപ്പെടുത്തിയതായി ചെന്നൈയിലെ യു.എസ്. കോൺസുലർ ടീം അറിയിച്ചു. വാർഷിക സ്റ്റുഡന്റ് വിസാ ദിനമായ വ്യാഴാഴ്ച ഇന്ത്യയിൽ 3,900 വിദ്യാർഥി വിസ അപേക്ഷകരുടെ അഭിമുഖമാണ് നടന്നത്. ഉപരിപഠനത്തിനായി യു.എസിലേക്കു പോകുന്നതിന് വിസയ്ക്ക് അപേക്ഷിക്കുന്നവരുടെ എണ്ണം കുതിച്ചുയരുന്ന പശ്ചാത്തലത്തിലാണ് യു.എസ്. കോൺസുലേറ്റ് അധികൃതർ അധിക സൗകര്യങ്ങൾ ഏർപ്പെടുത്തിയത്. 2023-ൽ ഇന്ത്യയിൽനിന്ന് 1,40,000 വിദ്യാർഥി വിസകളാണ് അനുവദിച്ചത്. അതിനു മുമ്പത്തെ മൂന്നു വർഷക്കാലത്തെ മൊത്തം വിദ്യാർഥി വിസയേക്കാൾ കൂടുതലായിരുന്നു അത്. ഈ വർഷം അനുവദിക്കുന്ന…

ചെന്നൈ : യാത്രക്കാരുടെ എണ്ണം വർധിച്ചുവരുന്നതിനാൽ ചെന്നൈ മെട്രോ 28 മെട്രോ തീവണ്ടികൾകൂടി വാങ്ങാൻ തീരുമാനിച്ചു. ഇതിനായി വിദേശ കമ്പനിയുമായി ധാരണയിൽ ഏർപ്പെട്ടതായി ചെന്നൈ മെട്രോ റെയിൽവേ അധികൃതർ അറിയിച്ചു. 2,820 കോടി രൂപയാണ് ഇതിനായി ഒരുക്കിയിരിക്കുന്നത്. ആറ് കോച്ചുകളുള്ള 28 വണ്ടികളാണ് വാങ്ങുക. പുതിയ കോച്ചുകൾ നിർമിക്കാൻ രണ്ടുവർഷമെടുക്കുമെന്നും മെട്രോ റെയിൽവേ അധികൃതർ അറിയിച്ചു. നിലവിൽ വിമാനത്താവളത്തിൽനിന്ന് വിംകോനഗർവരെയും, ചെന്നൈ സെൻട്രൽ മുതൽ സെന്റ് തോമസ് വരെയുമാണ് മെട്രോ സർവീസ് നടത്തുന്നത്. നിലവിൽ പുതിയ മൂന്ന് റെയിൽവേ പാതകളുടെ നിർമാണം നടന്നുകൊണ്ടിരിക്കയാണ്.