Day: 13 July 2024

ചെന്നൈ : കള്ളപ്പണക്കേസിൽ റിമാൻഡിൽ കഴിയുന്ന മുൻമന്ത്രി സെന്തിൽ ബാലാജിയുടെ റിമാൻഡ് 16-വരെ നീട്ടി. ഇ.ഡി. കേസിൽനിന്ന് തന്നെ ഒഴിവാക്കണമെന്നാവശ്യപ്പെട്ട് അദ്ദേഹം നൽകിയ ഹർജിയിൽ സെഷൻസ് കോടതി അന്ന് വിധി പറയും. ഹർജിയുടെ വാദം നീട്ടിവെക്കണമെന്ന ആവശ്യം കോടതി തള്ളി. അതേസമയം ബാലാജിയുടെ ജാമ്യാപേക്ഷയിലെ വാദം സുപ്രീംകോടതി 22-ലേക്കു മാറ്റി. പുഴൽ സെൻട്രൽ ജയിലിൽ കഴിയുന്ന ബാലാജിയെ വെള്ളിയാഴ്ച വീഡിയോ കോൺഫറൻസിലൂടെ ഹാജരാക്കിയപ്പോഴാണ് പ്രിൻസിപ്പൽ സെഷൻസ് ജഡ്ജി എസ്. അല്ലി റിമാൻഡ് നീട്ടിയത്. എൻഫോഴ്‌സ്‌മെന്റ് ഡയറക്ടറേറ്റിന്റെ കേസിൽനിന്ന് തന്നെ ഒഴിവാക്കണമെന്നാവശ്യപ്പെട്ട് ബാലാജി നൽകിയ ഹർജിയും…

ചെന്നൈ : സംസ്ഥാനത്തിന് അർഹമായ സഹായധനം നൽകാതെ കേന്ദ്രം തമിഴ്‌നാടിനോട് പകപോക്കുകയാണെന്ന് മുഖ്യമന്ത്രി എം.കെ. സ്റ്റാലിൻ കുറ്റപ്പെടുത്തി. സംസ്ഥാനത്ത് തിരഞ്ഞെടുപ്പുകളിൽ തുടർച്ചയായി പരാജയപ്പെട്ടിട്ടും ബി.ജെ.പി. പാഠംപഠിക്കുന്നില്ലെന്ന് ധർമപുരിയിൽ ഒരു ചടങ്ങിൽ അദ്ദേഹം പറഞ്ഞു. ലോക്‌സഭാ തിരഞ്ഞെടുപ്പിൽ 240 സീറ്റിലേക്ക് ഒതുക്കപ്പെട്ട ബി.ജെ.പി. വിദ്വേഷ പ്രചാരണത്തിനപ്പുറത്തേക്ക് നീങ്ങണമെന്നും എല്ലാവരുടെയും സർക്കാരായി ഭരിക്കണമെന്നും സ്റ്റാലിൻ ആവശ്യപ്പെട്ടു. ‘‘ഞങ്ങൾക്കു വോട്ടുചെയ്തവർക്കു വേണ്ടി മാത്രമല്ല ഡി.എം.കെ. സർക്കാർ പ്രവർത്തിക്കുന്നത്. എതിർത്തു വോട്ടുചെയ്തവർക്കുവേണ്ടിക്കൂടിയാണ് പ്രവർത്തനം. അത്തരമൊരു മഹാമനസ്കത ബി.ജെ.പി.യിൽ നിന്നുണ്ടാവുന്നില്ല. തുടർച്ചയായ പരാജയങ്ങളിൽനിന്ന് അവർ പാഠം പഠിച്ചില്ലെന്നുവേണം മനസ്സിലാക്കാൻ’’ -സ്റ്റാലിൻ പറഞ്ഞു.

ചെന്നൈ : ശിവകാശിയിൽ പടക്കനിർമാണശാലയിലുണ്ടായ സ്ഫോടനത്തിൽ രണ്ടുതൊഴിലാളികൾ മരിച്ചു. രണ്ടുപേർക്ക് പരിക്കേറ്റു. ചൊവ്വാഴ്ച രാവിലെ ഒൻപതോടെ കാളയാർകുറിച്ചിയിലെ പടക്കനിർമാണശാലയിലാണ് അപകടമുണ്ടായത്. മാരിയപ്പൻ, മുത്തുവേൽ എന്നിവരാണ് മരിച്ചത്. സരോജ, ശങ്കരവേൽ എന്നിവരെ സാരമായ പരിക്കുകളോടെ ശിവകാശി സർക്കാർ ആശുപത്രിയിൽ പ്രവേശിപ്പിച്ചു. തങ്കയ്യ എന്നയാളുടെ ഉടമസ്ഥതയിലുള്ള പടക്കനിർമാണശാലയിൽ ദീപാവലിക്കായി ഫാൻസി പടക്കങ്ങൾ ഒരുക്കുകയായിരുന്നു. അറുപതിലധികം മുറികളിലായി നൂറിലധികം തൊഴിലാളികളാണ് ജോലിചെയ്തിരുന്നത്. രാസവസ്തുക്കൾ സൂക്ഷിച്ചിരുന്ന മുറിയിലാണ് പൊട്ടിത്തെറിയുണ്ടായത്. ഇവിടെ ജോലിചെയ്യുകയായിരുന്ന മാരിയപ്പനും മുത്തുവേലും സംഭവസ്ഥലത്തുതന്നെ മരിച്ചു. ഗുരുതരമായി പൊളളലേറ്റ സരോജയെയും ശങ്കരവേലിനെയും ഉടൻതന്നെ ആശുപത്രിയിൽ പ്രവേശിപ്പിച്ചു. സംഭവമറിഞ്ഞ് ശിവകാശി…

ചെന്നൈ : കോടതിയലക്ഷ്യക്കേസുമായി ബന്ധപ്പെട്ട് അണ്ണാ സർവകലാശാല രജിസ്ട്രാർക്കെതിരേ മദ്രാസ് ഹൈക്കോടതി ജാമ്യമില്ലാ വാറന്റ് പുറപ്പെടുവിച്ചു. ജൂലായ് 15-ന് രജിസ്ട്രാറെ കോടതിയിൽ ഹാജരാക്കാനാണ് ആവശ്യം. വിരമിച്ച പ്രൊഫസർക്ക് പെൻഷൻ ഉൾപ്പെടെ ആനുകൂല്യങ്ങൾനിഷേധിച്ചതുസംബന്ധിച്ച മുൻഉത്തരവ് അനുസരിക്കാത്തതിനാണ് ജസ്റ്റിസ് ഡി. കൃഷ്ണകുമാർ, ജസ്റ്റിസ് കെ. കുമരേഷ് ബാബു എന്നിവരടങ്ങിയ ബെഞ്ച് ജാമ്യമില്ലാ വാറന്റ്പുറപ്പെടുവിച്ചത്. വിരമിച്ച അധ്യാപകൻ ഡോ. പി. ദേവദാസ് മനോഹരനാണ് കോടതിയലക്ഷ്യഹർജി നൽകിയത്. പെൻഷനും വിരമിക്കൽ ആനുകൂല്യങ്ങളും വിതരണംചെയ്യാനുള്ള സർവകലാശാലയുടെ ഉത്തരവ് രജിസ്ട്രാർ മന:പൂർവം അനുസരിക്കാത്തതാണെന്ന് ഹർജിയിൽ ചൂണ്ടിക്കാട്ടി. കേസ് ജൂൺ ആറിന് വാദംകേട്ടപ്പോൾ സർവകലാശാലയിൽനിന്ന്…