Day: 17 July 2024

ചെന്നൈ : തമിഴ്‌നാട്ടിൽ 25 വർഷത്തിനിടെ പോലീസുമായുള്ള ഏറ്റുമുട്ടലിൽ കൊല്ലപ്പെട്ടത് 97 പ്രതികൾ. ഇവരിൽ ഭൂരിഭാഗവും റൗഡികളാണ്. ഇതിൽ 26 പേർ കൊല്ലപ്പെട്ടത് ചെന്നൈ പോലീസ് നടത്തിയ ഏറ്റുമുട്ടലിലാണ്. 1999 മുതൽ ലഭ്യമായ കണക്കുപ്രകാരമാണിത്. ഇതിനുമുൻപും ഏറ്റുമുട്ടൽകൊലപാതകങ്ങൾ നടന്നിട്ടുണ്ട്. ജയലളിതയുടെ നേതൃത്വത്തിലുള്ള അണ്ണാ ഡി.എം.കെ. സർക്കാരിന്റെ കാലത്ത് 2012 ഫെബ്രുവരിയിൽ ചെന്നൈയിൽനടന്ന ഏറ്റുമുട്ടലിൽ അഞ്ചുപേരാണ് കൊല്ലപ്പെട്ടത്. നഗരത്തിലെ രണ്ട് ബാങ്കുകൾ കൊള്ളയടിച്ച കേസിലെ പ്രതികളായ ഉത്തരേന്ത്യൻ സ്വദേശികളാണ് അന്ന് കൊല്ലപ്പെട്ടത്. അതിനുശേഷം 2013മുതൽ 2018വരെയുള്ള കാലത്ത് ചെന്നൈയിൽ ഒരു ഏറ്റുമുട്ടൽകൊലപാതകംപോലും നടന്നിട്ടില്ലായിരുന്നു. 2021-ൽ ഡി.എം.കെ.…

ചെന്നൈ : വിക്രവണ്ടി മണ്ഡലം ഉപതെരഞ്ഞെടുപ്പിൽ വിജയിച്ച അന്നിയൂർ ശിവ മുഖ്യമന്ത്രി എം.കെ.സ്റ്റാലിൻ്റെ സാന്നിധ്യത്തിൽ എംഎൽഎയായി സത്യപ്രതിജ്ഞ ചെയ്തു. വിക്രവണ്ടി നിയോജക മണ്ഡലത്തിൽ നിന്നുള്ള ഡിഎംകെ എംഎൽഎ ആയിരുന്ന ഭുജവെണ്ടി, ഇക്കഴിഞ്ഞ പാർലമെൻ്റ് തിരഞ്ഞെടുപ്പിനിടെ അനാരോഗ്യം മൂലം അന്തരിച്ചു. തുടർന്ന്, വിക്രവണ്ടി മണ്ഡലത്തിലേക്ക് ഉപതെരഞ്ഞെടുപ്പ് പ്രഖ്യാപിക്കുകയും ജൂലൈ 10 ന് വോട്ടെടുപ്പ് നടത്തുകയും ചെയ്തു. 13ന് വോട്ടെണ്ണിയപ്പോൾ ഡിഎംകെയെ പ്രതിനിധീകരിച്ച് മത്സരിച്ച അണിയൂർ ശിവ വിജയിച്ചു. തുടർന്ന്, അടുത്ത ദിവസം ചെന്നൈയിലെത്തിയ അദ്ദേഹം മുഖ്യമന്ത്രി എം.കെ.സ്റ്റാലിൻ ഉൾപ്പെടെയുള്ള ഡിഎംകെ നേതാക്കളിൽ നിന്ന് ആശംസകൾ സ്വീകരിച്ചു.…

ചെന്നൈ : തമിഴ്‌നാട്ടിൽ പൊതുസ്ഥലങ്ങളിൽ ‘ചണ്ഡാളർ’ എന്ന പദം ഉപയോഗിച്ചാൽ നടപടിയെന്ന് സംസ്ഥാന ആദി ദ്രാവിഡ-ഗോത്രവർഗ കമ്മിഷൻ. ‘ചണ്ഡാളർ’ എന്ന വാക്ക് രാഷ്ട്രീയ സദസ്സുകളിലോ, പൊതുവേദികളിലോ അപകീർത്തിപ്പെടുത്തുന്ന വിധമോ തമാശയായോ ഉപയോഗിക്കരുതെന്ന് കമ്മിഷൻ പറഞ്ഞു. അവഹേളിക്കുന്നതരത്തിൽ ഈ വാക്ക് പൊതുസദസ്സിൽ പ്രയോഗിക്കുന്നത് പട്ടികജാതി-പട്ടികവർഗ അതിക്രമങ്ങൾ തടയൽ നിയമപ്രകാരം ശിക്ഷാർഹമാണെന്നും കമ്മിഷൻ ചൂണ്ടിക്കാട്ടി. ഇന്ത്യയിലെ ജാതിഘടനയിൽ ഓരോ ജാതിക്കും വ്യത്യസ്തപേരുകൾ നൽകിയിട്ടുണ്ട്. ജാതിപ്പേരുകൾ പല മേഖലകളിലും ദുരുപയോഗം ചെയ്യപ്പെടാറുമുണ്ട്. ഇത് ദ്രോഹിക്കാൻവേണ്ടി ചെയ്യുന്നതാണ്. പട്ടികജാതി-പട്ടികവർഗ അതിക്രമങ്ങൾ തടയൽ നിയമപ്രകാരം ഇത്തരത്തിൽ പിന്നാക്കജാതിപ്പേരുകൾ അവഹേളിക്കുന്നരീതിയിൽ പൊതുസ്ഥലങ്ങളിൽ ഉപയോഗിക്കുന്നത്…

ചെന്നൈ: ഒരുമ ചാരിറ്റബിൾ ട്രസ്റ്റും നോബൾ എജ്യുകേഷൻ ആൻഡ് സോഷ്യൽ ചാരിറ്റബിൾ ട്രസ്റ്റും സംയുക്തമായി കരിയർ ഗൈഡൻസും മോട്ടിവേഷൻ ക്ലാസ്സും സംഘടിപ്പിച്ചു. തിരുമുൽവയൽ നെസ്റ്റ് ഹാളിൽ നടന്ന പരിപാടിയിൽ ആൾ ഇന്ത്യാ ഐഡിയൽ ടീച്ചേർഡ് അസോസിയേഷൻ തമിഴ്നാട് സംസ്ഥാന സെക്രട്ടറിയും വേളമ്മാൾ  സ്കൂൾ പുഴൽ വൈസ് പ്രിൻസിപ്പലുമായ അനീസ് അഹമ്മദ് മോട്ടിവേഷൻ ക്ലാസ്സ് എടുത്തു. ഒരുമ ചാരിറ്റബിൾ ട്രസ്റ്റ് സർവീസ് വിംഗ് സെക്രട്ടറി കെ. ഷജീർ കരിയർ ഗൈഡൻസ് ക്ലാസ്സും സ്റ്റുഡൻ്റ്സ് ട്രൈനർ നനൂഷ് സർക്കാർ ജോലികളുടെ സാധ്യതകളും ക്ലാസ്സ് എടുത്തു. നോമ്പ്ൾ ട്രസ്റ്റ്…

ചെന്നൈ : ലോക്കോപൈലറ്റുമാർക്ക് വിശ്രമ മുറിയും മിനി ജിംനേഷ്യവും സൗജന്യനിരക്കിൽ ഭക്ഷണവും ഏർപ്പെടുത്തി ദക്ഷിണ റെയിൽവേ. ചെന്നൈയിലും എഗ്‌മോറിലുമാണ് ഈ സൗകര്യമുള്ളത്. ഘട്ടംഘട്ടമായി മറ്റ് പ്രധാന റെയിൽവേ ഡിവിഷൻ ആസ്ഥാനത്തും നടപ്പാക്കും. ചെന്നൈ സെൻട്രലിലും എഗ്‌മോറിലും നിലവിലുള്ള വിശ്രമമുറികൾ എ.സി. ഘടിപ്പിച്ച് നവീകരിക്കുകയായിരുന്നു. ഒപ്പം ട്രെഡ് മിൽ ഉൾപ്പെടെയുള്ള ആധുനിക വ്യായാമ ഉപകരണങ്ങളുള്ള മിനി ജിമ്മും സജ്ജീകരിച്ചു. കാരംസ്, ചെസ്സ് തുടങ്ങിയ ഗെയിംസുമുണ്ട്. ശാരീരികവും മാനസികവുമായ സമ്മർദമില്ലാതാക്കാൻ യോഗ, ധ്യാനം എന്നിവയ്ക്കുള്ള സൗകര്യവും ഏർപ്പെടുത്തിയിട്ടുണ്ട്. വായനമുറിയിൽ മാഗസിനുകളും ദിനപത്രങ്ങളും കൂടാതെ തീവണ്ടിയോട്ടവുമായി ബന്ധപ്പെട്ടുള്ള പ്രസിദ്ധീകരണങ്ങളുമുണ്ട്.…