ഹൊസൂർ-കൃഷ്ണഗിരി ദേശീയപാതയിൽ 13 വാഹനങ്ങൾ കൂട്ടിയിടിച്ച് ഒരാൾ മരിച്ചു, ഒമ്പത് പേർക്ക് ഗുരുതരമായി പരിക്കേറ്റു

Read Time:1 Minute, 12 Second

ചെന്നൈ: കൃഷ്ണഗിരിയിലെ ഹൊസൂരിൽ ഞായറാഴ്ച 13 വാഹനങ്ങൾ കൂട്ടിയിടിച്ചുണ്ടായ അപകടത്തിൽ ഒരാൾ മരിക്കുകയും ഒമ്പത് പേർക്ക് പരിക്കേൽക്കുകയും ചെയ്തു.

ഹൊസൂർ-കൃഷ്ണഗിരി ദേശീയപാതയിൽ പെരണ്ടപ്പള്ളിക്ക് സമീപം ഹൊസൂരിൽ നിന്ന് കൃഷ്ണഗിരിയിലേക്ക് വരികയായിരുന്ന കരിങ്കല്ല് നിറച്ച ലോറി നിയന്ത്രണം വിട്ട് കാറിൽ ഇടിക്കുകയായിരുന്നു. പുറകിലായിവന്ന എട്ട് കാറുകളും നാല് ലോറികളും ഒരു ലോറിയും TNSTC ബസ് എന്നിവ കൂട്ടിയിടിക്കുകയായിരുന്നു..

പോലീസ് സ്ഥലത്തെത്തി സാരമായി പരിക്കേറ്റ പത്ത് പേരെ ആംബുലൻസിൽ കൃഷ്ണഗിരി സർക്കാർ മെഡിക്കൽ കോളേജ് ആശുപത്രിയിലേക്കും ഹൊസൂർ സർക്കാർ ആശുപത്രിയിലേക്കും അയച്ചു.
ഇവരിൽ കാർ ഡ്രൈവർ ജക്കരപ്പള്ളി സ്വദേശി രവി (45) മരണത്തിന് കീഴടങ്ങി.