0
0
ചെന്നൈ : സർക്കാർ ഫണ്ട് ദുരുപയോഗം ചെയ്തെന്ന പരാതിയിൽ അറസ്റ്റിലായ സേലം പെരിയാർ സർവകലാശാല വൈസ് ചാൻസലർ ജെഗനാഥന് ഏഴ് ദിവസത്തേക്ക് ഇടക്കാല ജാമ്യം അനുവദിച്ചു.
ഈ 7 ദിവസം സൂറമംഗലം പോലീസ് സ്റ്റേഷനിൽ ഹാജരാകാനും ഒപ്പിടാനും ഉത്തരവിട്ടിട്ടുണ്ട്.
സേലം പെരിയാർ സർവ്വകലാശാലയുടെ വിവിധ പ്രവർത്തനങ്ങൾക്കായി സ്വന്തമായി കമ്പനി ആരംഭിച്ച് സർക്കാർ ഫണ്ട് ദുരുപയോഗം ചെയ്തതായാണ് വൈസ് ചാൻസലർ ജെഗനാഥന് നേരെയുയർന്ന ആരോപണം.
വൈസ് ചാൻസലർ ജഗന്നാഥൻ സർക്കാർ ഉദ്യോഗസ്ഥനായിരിക്കെ ചട്ടങ്ങൾ ലംഘിച്ച് സ്ഥാപനം ആരംഭിച്ചെന്നും സർവകലാശാലാ അധികൃതരുടെ സഹായത്തോടെ സ്ഥാപനം നടത്തിക്കൊണ്ടുപോകുകയും അതുവഴി സർക്കാർ ഫണ്ട് ദുരുപയോഗം ചെയ്യുകയും ചെയ്തതായി അന്വേഷണത്തിൽ കണ്ടെത്തി.
തുടർന്ന് വൈസ് ചാൻസലർ ജഗനാഥനെ ഇന്നലെ രാത്രി കരുപ്പൂർ പൊലീസ് അറസ്റ്റ് ചെയ്തു. തുടർന്ന് അദ്ദേഹത്തെ ചോദ്യം ചെയ്ത് വരികയായിരുന്നു.
തുടർന്ന് ജെഗനാഥനെ ഇന്ന് രാവിലെ സേലം കോടതി മജിസ് ട്രേറ്റിന് മുന്നില് ഹാജരാക്കി.
തുടർന്ന് ഏഴ് ദിവസത്തേക്ക് ജാമ്യം നൽകാൻ ജഡ്ജി ഉത്തരവിട്ടു. ഈ 7 ദിവസം സൂറമംഗലം പോലീസ് സ്റ്റേഷനിൽ ഹാജരാകാനും ഒപ്പിടാനും ജഡ്ജി ഉത്തരവിട്ടു.
