0
0
ചെന്നൈ: ദലിത് യുവാവുമായി വിവാഹം കഴിച്ച തമിഴ്‌നാട്ടിലെ തഞ്ചാവൂർ ജില്ലയിൽ നിന്നുള്ള ഐശ്വര്യ എന്ന 19 കാരിയെ കൊലപ്പെടുത്തിയ കേസിൽ മൂന്ന് പേർ കൂടി അറസ്റ്റിൽ.
ക്രൂരമായ കുറ്റകൃത്യവുമായി ബന്ധപ്പെട്ട് മൂന്ന് പേരെ കൂടി അറസ്റ്റ് ചെയ്തതായി വട്ടത്തിക്കോട്ട പോലീസ് സ്റ്റേഷൻ ഇൻസ്പെക്ടർ അറിയിച്ചു.
മൂന്ന് പേരും ഇരയുടെ ബന്ധുക്കളാണ്. എന്നാൽ, മൂന്ന് പേരുടെ വിവരങ്ങൾ ഇൻസ്പെക്ടർ വെളിപ്പെടുത്തിയിട്ടില്ല.
ഐശ്വര്യയുടെ മാതാപിതാക്കളായ പെരുമാളും റോജയും ഉൾപ്പെടെ അഞ്ച് പേരെ ജനുവരി 11 ന് ക്രൂരമായ കൊലപാതകം പുറത്തുവന്നതിന് ശേഷം ഉടൻ അറസ്റ്റ് ചെയ്തിരുന്നു.
ഇന്ത്യൻ ശിക്ഷാ നിയമത്തിലെ (ഐപിസി) 302 (കൊലപാതകം), 201 (തെളിവ് നശിപ്പിക്കൽ) എന്നീ വകുപ്പുകൾ പ്രകാരമാണ് ഇവർക്കെതിരെ എഫ്‌ഐആർ ഫയൽ ചെയ്തിരിക്കുന്നത്.
പട്ടുകോട്ടയിലെ നെയ്‌വാവിടുത്തി ഗ്രാമത്തിൽ നിന്നുള്ള ഐശ്വര്യ, രാഷ്ട്രീയമായി ശക്തരായ തേവർ ജാതി ക്ലസ്റ്ററിന്റെ ഭാഗമായ കള്ളർ സമുദായത്തിൽ (ഒബിസി) അംഗമായിരുന്നു.
ദേവന്ദ്ര കുല്ല വെള്ളാളർ ജാതികാരനായ (എസ്‌സി) പങ്കാളി നവീനും സ്‌കൂൾ കാലം മുതൽ പരസ്പരം അറിയുകയും ചെയ്തിരുന്നവരാണ്.
തുടർന്ന് വീട്ടുകാരുടെ എതിർപ്പിനെ മറികടന്ന് വിവാഹം കഴിക്കുകയും ചെയ്തു. എന്നാൽ നവീനിന് 19 വയസ്സ് മാത്രം പ്രായമുള്ളതിനാൽ വിവാഹം നിയമപരമായി അസാധുവായി.
ഇന്ത്യയിലെ പുരുഷന്മാർക്ക് വിവാഹത്തിനുള്ള നിയമപരമായ പ്രായം 21 വയസ്സാണ്.
നവീനൊപ്പം ഐശ്വര്യ വീരപാണ്ടി ഗ്രാമത്തിലേക്ക് താമസം മാറിയതിനെ തുടർന്ന് അവളുടെ മാതാപിതാക്കൾ പല്ലടം പോലീസ് സ്റ്റേഷനിൽ ആളെ കാണാനില്ലെന്ന് പരാതി നൽകി.
പല്ലടം പോലീസ് ഐശ്വര്യയെയും നവീനെയും അവരുടെ വീട്ടിലേക്ക് ട്രാക്ക് ചെയ്യുകയും സ്റ്റേഷൻ സന്ദർശിക്കാൻ ആവശ്യപ്പെടുകയും അവിടെ നിന്ന് മാതാപിതാക്കൾ അവരെ നെയ്‌വാവിടുതിയിലേക്ക് തിരികെ കൊണ്ടുപോകുകയും ചെയ്തു.
ജനുവരി 3 ന് ഐശ്വര്യ കൊല്ലപ്പെട്ടു. നവീൻ നൽകിയ പരാതിയുടെ അടിസ്ഥാനത്തിൽ ജനുവരി 7 ന് വട്ടത്തിക്കോട്ട പോലീസ് എഫ്‌ഐആർ രജിസ്റ്റർ ചെയ്തു.
അന്വേഷണത്തിനൊടുവിൽ ദിവസങ്ങൾക്കുള്ളിലാണ് ദാരുണമായ കൊലപാതകം പുറത്തായത്.
