Author: News Desk

ചെന്നൈ : തീവണ്ടിയാത്രയിൽ സുരക്ഷ പോരെന്നും ആസ്തിവർധനയ്ക്കനുസരിച്ച് ജീവനക്കാരെ നിയമിക്കണമെന്നും റെയിൽവേ ബോർഡ് ചെയർമാൻ സതീഷ്‌കുമാർ കേന്ദ്ര ധനകാര്യ മന്ത്രാലയത്തോട് ആവശ്യപ്പെട്ടു. റെയിൽവേയുടെ ആസ്തി 2019-20 സാമ്പത്തികവർഷത്തിൽ 1.48 ലക്ഷം കോടി രൂപയായിരുന്നു. 2023-24 സാമ്പത്തികവർഷത്തിലിത് 2.62 ലക്ഷം കോടിയായി ഉയർന്നു. എന്നാൽ, അതിനനുസരിച്ച് സുരക്ഷിത യാത്ര ഉറപ്പാക്കാനാവശ്യമായ ജീവനക്കാരുടെ എണ്ണം വർധിച്ചില്ല. തുടർച്ചയായി വണ്ടികൾ പാളംതെറ്റുന്നതും കൂട്ടിയിടിക്കുന്നതും വർധിക്കുകയാണ്. റെയിൽവേയിൽ സിഗ്നൽസംവിധാനങ്ങളും ട്രാക്കുകൾ നവീകരിക്കുന്നുണ്ടെങ്കിലും അതിനനുസരിച്ച് ആ വകുപ്പുകളിൽ ജീവനക്കാരെ നിയമിക്കുന്നില്ല. എൻജിനിയറിങ്, ഇലക്‌ട്രിക്കൽ, സിഗ്നലിങ്, ട്രാക്ക് അറ്റകുറ്റപ്പണി എന്നീ വകുപ്പുകളിൽ ജീവനക്കാരുടെ…

ചെന്നൈ: ഉത്തരാഖണ്ഡ് ഉരുൾപൊട്ടലിൽ കുടുങ്ങിയ തമിഴരെ സുരക്ഷിതമായി രക്ഷപ്പെടുത്താനുള്ള നടപടികൾ സ്വീകരിച്ചു വരികയാണെന്നും ദുരിതബാധിതർക്ക് സുരക്ഷിതമായി സ്വന്തം നാട്ടിലേക്ക് മടങ്ങാൻ എല്ലാ സഹായവും നൽകുന്നുണ്ടെന്നും തമിഴ്‌നാട് മുഖ്യമന്ത്രി സ്റ്റാലിൻ. ഉത്തരാഖണ്ഡ് ഉരുൾപൊട്ടലിൽ കുടുങ്ങിയ തമിഴരെ രക്ഷിക്കാൻ സ്വീകരിച്ച നടപടികളെക്കുറിച്ച് മുഖ്യമന്ത്രി എം.കെ.സ്റ്റാലിൻ്റെ സോഷ്യൽ മീഡിയയിലൂടെ പോസ്റ്റ് ചെയ്തു “ഉത്തരാഖണ്ഡ് സംസ്ഥാനത്ത് ഉരുൾപൊട്ടലിൽ കുടുങ്ങിയ തമിഴരെ രക്ഷിക്കാൻ ഞങ്ങൾ എല്ലാ നടപടികളും സ്വീകരിക്കുന്നു. അവിടെ സുരക്ഷിതരായ തമിഴരിൽ ഒരാളായ പരാശക്തിയെ ഞാൻ ബന്ധപ്പെട്ടു. ദുരിതബാധിതരായ ആളുകൾക്ക് സുരക്ഷിതമായി അവരുടെ നാട്ടിലേക്ക് മടങ്ങാൻ ഞങ്ങൾ എല്ലാ സഹായവും…

ചെന്നൈ : അറ്റകുറ്റപ്പണികൾ നടക്കുന്നതിനാൽ ഞായറാഴ്ച രാവിലെ ഒൻപത് മുതൽ വൈകീട്ട് ഏഴുവരെ ചെന്നൈ ബീച്ച് മുതൽ താംബരംവരെ സബർബൻ തീവണ്ടി സർവീസ് നടത്തില്ല. പകരം ചെന്നൈ ബീച്ചിൽ നന്ന് പല്ലാവരത്തേക്കും തിരിച്ചുമായി 32 പ്രത്യേക സബർബൻ തീവണ്ടികൾ സർവീസ് നടത്തും. ചെന്നൈ ബീച്ചിൽനിന്ന് ചെങ്കൽപ്പെട്ട്, കാഞ്ചീപുരം, തിരുമാൽപ്പൂർ, ആർക്കോണം എന്നിവിടങ്ങളിലേക്കുള്ള സബർബൻ തീവണ്ടികൾ ഞായറാഴ്ചത്തെ സമയക്രമ പ്രകാരം സർവീസ് നടത്തുമെന്ന് റെയിൽവേ ചെന്നൈ ഡിവിഷൻ അധികൃതർ അറിയിച്ചു. ചെന്നൈ ബീച്ചിൽനിന്ന് രാവിലെ 8.35,9.38, 10.10, 10.40,11.20,12.00, 1.05, 1.30,2.30,3.10,3.45, 4.10,4.30,4.50,5.10, 5.50 പല്ലാവരത്തേക്ക്…

ചെന്നൈ : നഗരത്തിൽ ഓണമാഘോഷിക്കാനുള്ള മലയാളികളുടെ ഒരുക്കങ്ങൾ അവസാനഘട്ടത്തിലേക്ക്. സദ്യ ഒരുക്കുന്നതിനടക്കമുള്ള തയ്യാറെടുപ്പുകളാണ് തകൃതിയിൽ നടക്കുന്നത്. ഉത്രാടദിവസമായ ശനിയാഴ്ച തിരക്ക് ഇനിയും വർധിക്കുമെന്നാണ് കരുതുന്നത്. സ്കൂളുകൾ, കോളേജുകൾ എന്നിവിടങ്ങളിൽ നടന്ന ഓണാഘോഷത്തിന്റെ തിരക്കുകൾ കഴിഞ്ഞതോടെയാണ് പലരും വീടുകളിലെ ഓണാഘോഷത്തിനൊരുങ്ങുന്നത്. വെള്ളിയാഴ്ച വൈകീട്ടുതന്നെ നഗരത്തിലെ വിപണികളിൽ മലയാളികളുടെ തിരക്ക് ദൃശ്യമായിരുന്നു. ഓണക്കോടി വാങ്ങുന്നതിനായി ടി. നഗർ അടക്കമുള്ള വ്യാപാരകേന്ദ്രങ്ങളിൽ ഒട്ടേറെ മലയാളികളെത്തി. തിരുവോണത്തെപ്പോലെ ഉത്രാടദിവസവും പൂക്കളമിടാൻ പലരും താത്പര്യപ്പെടുന്നതിനാൽ പൂവിപണിയിലും ഓണത്തിരക്കുണ്ടായിരുന്നു. ശനിയാഴ്ച കോയമ്പേട് തുടങ്ങിയ ചന്തകളിൽ പച്ചക്കറികൾ വാങ്ങുന്നതിനുള്ള തിരക്ക് പ്രതീക്ഷിക്കുന്നു. മലയാളി സംഘടനകൾ…

ചെന്നൈ : ഓണം അവധിക്കാലത്തെ യാത്രത്തിരക്ക് പരിഗണിച്ച് കൊച്ചുവേളിയിൽനിന്ന് ചെന്നൈയിലേക്ക് ഒരു പ്രത്യേക തീവണ്ടികൂടി അനുവദിച്ചു. സെപ്റ്റംബർ 16-ന് ഉച്ചയ്ക്ക് 12.50-ന് കൊച്ചുവേളിയിൽനിന്ന് പുറപ്പെടുന്ന വണ്ടി (06166) പിറ്റേന്ന് രാവിലെ 9.30-ന് ചെന്നൈ സെൻട്രലിലെത്തും. തിരിച്ച് സെപ്റ്റംബർ 17-ന് വൈകീട്ട് മൂന്നിന് ചെന്നൈ സെൻട്രലിൽനിന്ന് പുറപ്പെട്ട് (06167) പിറ്റേന്ന് രാവിലെ 8.50-ന് കൊച്ചുവേളിയിലെത്തും. കോട്ടയം, തൃശ്ശൂർ, പാലക്കാട് സേലം വഴിയാണ് യാത്ര.