0
0
ബെംഗളൂരു: നഗരത്തിലെ ഔട്ടർ റിങ് റോഡുകളിൽ പ്രത്യേക സംഘം രൂപീകരിച്ച് വീലിംഗ് നടത്തി വാഹനയാത്രക്കാരെ ശല്യപ്പെടുത്തുന്ന ബൈക്കുകൾക്കെതിരെ പ്രത്യേക ഓപ്പറേഷൻ നടത്തിയ കാമാക്ഷിപാളയ ട്രാഫിക് പോലീസ് 10 കേസുകൾ രജിസ്റ്റർ ചെയ്യുകയും 14 പേരെ അറസ്റ്റ് ചെയ്യുകയും ചെയ്തു.
നാഗരഭാവി – സുമനഹള്ളി സെക്‌ഷനിലെ ഹോർവാർത്തുല റോഡിൽ രാത്രിയിൽ വീലിങ് നടത്തി ജനജീവിതം ദുസ്സഹമാക്കുന്നതായി നാട്ടുകാർ നൽകിയ പരാതിയുടെ അടിസ്ഥാനത്തിൽ ഡിസിപി അർബൻ വെസ്റ്റ് ഡിവിഷൻ (ട്രാഫിക്) അനിത ഹദ്ദന്നവർ, ഇൻസ്‌പെക്ടർ യോഗേഷ് എസ്.ടി. നേതൃത്വത്തിൽ ഒരു സംഘം രൂപീകരിച്ചു.
10 കേസുകൾ രജിസ്റ്റർ ചെയ്യുകയും 14 ഇരുചക്ര വാഹനങ്ങൾ കസ്റ്റഡിയിലെടുക്കുകയും ചെയ്തിട്ടുണ്ട്.
അറസ്റ്റിലായ 14 റൈഡർമാർക്കും പോലീസ് സ്റ്റേഷൻ ജാമ്യം അനുവദിച്ചതായും പോലീസ് പറഞ്ഞു.
സുമനഹള്ളി റിംഗ് റോഡിൽ അപകടകരമായ വീലിംഗ് നടത്തുകയും മറ്റ് വാഹനയാത്രികരെ ശല്യപ്പെടുത്തുകയും ചെയ്തു.
കേടായ സൈലൻസറുകൾ സ്ഥാപിച്ച് ജനങ്ങൾക്ക് ബുദ്ധിമുട്ടുണ്ടാക്കുകയും ചെയ്തു.
ദിവസങ്ങളോളം ഇതു സംബന്ധിച്ച വിവരങ്ങൾ ശേഖരിച്ച് മഫ്തിയിൽ ട്രാഫിക് പോലീസ് നടത്തിയ പരിശോധനയിൽ 14 യാത്രക്കാരെ പിടികൂടുകയായിരുന്നു.
