Day: 4 February 2024

ചെന്നൈ: ദിണ്ടിഗൽ ജില്ലയിലെ പഴനിയിൽ നിന്ന് 14-ാം നൂറ്റാണ്ടിൽ നിന്നുള്ള ചെമ്പ് കണ്ടെത്തി. തിരുമഞ്ജന ബണ്ടാരം ഷൺമുഖം ആണ് നിലവിൽ ചെമ്പ് സൂക്ഷിച്ചിരിക്കുന്നത്. തുടർന്ന് പുരാവസ്തു ഗവേഷകൻ നാരായണമൂർത്തി സ്ഥലത്തെത്തി ചെമ്പ് പരിശോധിച്ചു. ഏകദേശം 3 കിലോ ഭാരവും 49 സെൻ്റീമീറ്റർ ഉയരവും 30 സെൻ്റീമീറ്റർ വീതിയുമുള്ള ഈ ചെമ്പ് പഴനി മുരുകനെ ആരാധിക്കാൻ ചെവ്വന്തി പണ്ടാരത്തിന് നൽകിയ തിരുമഞ്ജന ക്രമത്തെ പരാമർശിക്കുന്നുവെന്നാണ് പുരാവസ്തു ഗവേഷകർ വ്യക്തമാക്കുന്നത് . 1363-ലെ തായ് മാസം 25-ാം തീയതി വ്യാഴാഴ്ച പെരിയനായകി അമ്മൻ ശ്രീകോവിലിനു മുന്നിൽ വച്ചാണ്…

ചെന്നൈ : നാലുവർഷത്തെ ഇടവേളയ്ക്കുശേഷം ചെന്നൈ-ഹോങ്കോങ് വിമാന സർവീസ് വെള്ളിയാഴ്ച പുനരാരംഭിച്ചു. കോവിഡ് വ്യാപനത്തെത്തുടർന്ന് 2020 മാർച്ച് മുതലാണ് ഈ റൂട്ടിൽ നേരിട്ടുള്ള വിമാനസർവീസ് നിർത്തിയത്. ചെന്നൈ വിമാനത്താവളത്തിൽനിന്ന് ബുധൻ, വെള്ളി, ഞായർ ദിവസങ്ങളിലാണ് വിമാന സർവീസ് നടത്തുക.

ചെന്നൈ : തമിഴ്നാട് ട്രാൻസ്പോർട്ട് കോർപ്പറേഷൻ ബസുകളിൽ (എസ്.ഇ.ടി.സി) ഓൺലൈൻ ടിക്കറ്റ് ബുക്കിങ് പ്രോത്സാഹിപ്പിക്കുന്നതിനായി സമ്മാന പദ്ധതിയുമായി ഗതാഗത വകുപ്പ്. പ്രവൃത്തിദിവസങ്ങളിൽ (തിങ്കൾ മുതൽ വ്യാഴം വരെ) ഓൺലൈനായി ടിക്കറ്റ് ബുക്ക് ചെയ്യുന്നവരിൽനിന്ന് എല്ലാ മാസവും നറുക്കെടുത്ത് സമ്മാനം നൽകും. ടിക്കറ്റ് ഓൺലൈനായി ബുക്ക് ചെയ്യുന്ന മൂന്ന് യാത്രക്കാർക്ക് നറുക്കെടുപ്പിലൂടെ 10,000 രൂപ വീതം സമ്മാനം നൽകും. ഓൺലൈനിൽ ടിക്കറ്റ് ബുക്ക് ചെയ്യുന്നവരുടെ എണ്ണം വർധിപ്പിക്കുകയാണ് ലക്ഷ്യം. പ്രവൃത്തിദിവസങ്ങളിൽ 80,000 ബസ് ടിക്കറ്റുകളിൽ 7,000 മുതൽ 8,000 ടിക്കറ്റുകൾ മാത്രമാണ് ഓൺലൈൻ ബുക്കിങ് നടക്കുന്നത്.…

ചെന്നൈ : കാരക്കുടിയിൽ പ്രായപൂർത്തിയാകാത്ത കുട്ടി മോട്ടോർ ബൈക്ക് ഓടിച്ചതിന് രക്ഷിതാവിന് 26,000 രൂപ പിഴ ചുമത്തി പോലീസ്. ശിവഗംഗ ജില്ലയിൽ 18 വയസ്സിൽ താഴെയുള്ള കുട്ടികൾ അമിത വേഗത്തിലും അശ്രദ്ധമായും ബൈക്കുകൾ ഓടിക്കുന്നതായി പരാതി ഉയർന്നിരുന്നു. ഇത് തടയാൻ മോട്ടോർ ബൈക്ക് ഓടിക്കുന്ന കുട്ടികളുടെ രക്ഷിതാക്കൾക്കെതിരെ കേസെടുക്കാൻ ജില്ലാ എസ്പി അരവിന്ദ് ഉത്തരവിട്ടിരുന്നു . തുടർന്ന് കാരക്കുടിയിൽ നടത്തിയ നടത്തിയ വാഹനപരിശോധനയ്ക്കിടെ ബൈക്ക് ഓടിച്ച കുട്ടിയെ കണ്ടെത്തുകയും മാതാപിതാക്കൾക്കെതിരെ കാരക്കുടി പൊലീസ് കേസെടുക്കുകയായിരുന്നു. ഈ കേസിൽ കാരക്കുടി ക്രിമിനൽ ജസ്റ്റിസ് ഡിപ്പാർട്ട്‌മെൻ്റ് മജിസ്‌ട്രേറ്റ്…

ചെന്നൈ: മെട്രോ റെയിൽ രണ്ടാംഘട്ട പദ്ധതിയുടെ ഭാഗമായി ലൈറ്റ് ഹൗസിൽനിന്ന് പൂനമല്ലി ബൈപ്പാസിലേക്കുള്ള പാതയിൽ പനഗൽ പാർക്ക് സ്റ്റേഷനിൽനിന്ന് കോടമ്പാക്കം മേൽപ്പാലം വരെ 2.1 ദൂരത്തിൽ ഭൂഗർഭപാതയുടെ നിർമാണം ആരംഭിച്ചു. പനഗൽ പാർക്കിൽനിന്ന് നോർത്ത് ഉസ്മാൻ റോഡ് വഴിയാണ് പാത നിർമിക്കുക. ഈവർഷം തന്നെ നിർമാണം പൂർത്തിയാക്കും. ചെന്നൈ മെട്രോ റെയിൽ ലിമിറ്റഡി(സി.എം.ആർ.എൽ.)ന്റെ പ്രോജക്ട് ഡയറക്ടർ ടി.അർച്ചുനനാണ് ഭൂഗർഭപാതയുടെ നിർമാണ ഉദ്ഘാടനം നിർവഹിച്ചത്. പനഗൽ പാർക്കിൽനിന്ന് ബോട്ട് ക്ലബിലേക്കുള്ള ഭൂഗർഭപ്പാതയുടെ നിർമാണവും ഉടനാരംഭിക്കും. 26.1 കിലോമീറ്റർ ദൈർഘ്യമുള്ള ലൈറ്റ് ഹൗസ് -പൂനമല്ലി ബൈപ്പാസ് മെട്രോ…

ചെന്നൈ : രാമേശ്വരത്തുനിന്ന് ഉത്തർപ്രദേശിലെ വാരാണസിയിലേക്ക് വർഷംതോറും 300 പേർക്ക് സൗജന്യ തീർഥാടനത്തിന് അവസരമൊരുക്കുമെന്ന് തമിഴ്‌നാട് ദേവസ്വംമന്ത്രി പി.കെ. ശേഖർബാബു അറിയിച്ചു. ഇതിന് സംസ്ഥാനസർക്കാർ 75 ലക്ഷം രൂപ അനുവദിക്കും. കാശി തമിഴ് സംഗമവും സൗരാഷ്ട്ര തമിഴ് സംഗമവും സംഘടിപ്പിച്ച് കേന്ദ്രസർക്കാർ തമിഴ്‌നാട്ടിൽനിന്ന് ഉത്തരേന്ത്യയിലേക്കുള്ള യാത്രകൾ പ്രോത്സാഹിപ്പിക്കുന്നതിനിടെയാണ് സംസ്ഥാന സർക്കാരും തീർഥാടനപദ്ധതികൾ നടപ്പാക്കുന്നത്. തമിഴ്‌നാട് സർക്കാർ കഴിഞ്ഞവർഷമാണ് രാമേശ്വരം-കാശി തീർഥാടനപദ്ധതി പ്രഖ്യാപിച്ചത്. 500-ലേറെപ്പേർ അപേക്ഷ നൽകിയെങ്കിലും 200 പേർക്കാണ് അവസരം ലഭിച്ചത്. ഒരാൾക്ക് 25,000 രൂപ വെച്ച് 50 ലക്ഷം രൂപയാണ് സർക്കാർ ഇതിനുവേണ്ടി…

ചെന്നൈ: എഗ്‌മൂർ റെയിൽവേ സ്റ്റേഷനിൽ നടത്തുന്ന നിർമാണ പ്രവർത്തനങ്ങളെ തുടർന്ന് മെട്രോ സ്റ്റേഷനോട് അനുബന്ധിച്ചുള്ള പാർക്കിങ്ങിൽ മാറ്റം ‌വരുത്തിയതായി സിഎംആർഎൽ അറിയിച്ചു. എഗ്‌മൂർ റെയിൽവേ സ്റ്റേഷനിലെ ടിക്കറ്റ് ബുക്കിങ് ഓഫിസിനു സമീപത്തേക്കാണ് പാർക്കിങ് മാറ്റുന്നത്. യാത്രക്കാരുടെ സൗകര്യം കണക്കിലെടുത്താണ് പാർക്കിങ് ഇങ്ങോട്ടു മാറ്റുന്നതെന്ന് അധികൃതർ പറഞ്ഞു. പുതിയ സംവിധാനം തിങ്കളാഴ്ച പ്രവർത്തനക്ഷമമാകും.