0
0
ചെന്നൈ: ഐടി സ്ഥാപനത്തിൽ ജോലി ചെയ്യുന്ന ട്രാൻസ്‌ജെൻഡർ യുവതിയെ പല്ലാവറത്ത് കുട്ടികളെ തട്ടിക്കൊണ്ടു പോയ ആളാണെന്ന് തെറ്റിദ്ധരിച്ച് ആൾക്കൂട്ടം വിളക്ക് പോസ്റ്റിൽ കെട്ടിയിട്ട് അർദ്ധനഗ്നയാക്കി ക്രൂരമായി മർദ്ദിച്ചു.
തുറൈപാക്കത്തെ ഒരു ഐടി കമ്പനിയിൽ ജോലി ചെയ്യുന്ന പമ്മൽ സ്വദേശിയായ ധന ( 25 ) ഒരു ഭക്ഷണശാലയിൽ ഭക്ഷണം കഴിച്ച് വീട്ടിലേക്ക് മടങ്ങുകയായിരുന്നുവെന്ന് പോലീസ് പറഞ്ഞു .
പല്ലാവരത്തിന് സമീപം ട്രാൻസ്‌ജെൻഡറിനെ ചിലർ സമീപിക്കുകയും ഒരു വിളക്ക് തൂണിൽ കെട്ടിയിട്ട്, അവളെ അർദ്ധനഗ്നനാക്കി, കുട്ടികളെ തട്ടിക്കൊണ്ടുപോയ ആളാണെന്ന് ആരോപിച്ച് ഉപദ്രവിക്കുകയുമായിരുന്നു.
ധന കരഞ്ഞുകൊണ്ട് നിരപരാധിത്വം ഏറ്റുപറഞ്ഞെങ്കിലും ജനക്കൂട്ടം നിന്നില്ല. പിന്നീട് പോലീസ് സംഭവസ്ഥലത്തെത്തിയാണ് ധനയെ രക്ഷപ്പെടുത്തിയത്. യുവതിയുടെ പരാതിയുടെ അടിസ്ഥാനത്തിൽ സംഭവവുമായി ബന്ധപ്പെട്ട് നന്ദകുമാറിനെയും മുരുകനെയും പോലീസ് അറസ്റ്റ് ചെയ്തു. കൂടുതൽ അന്വേഷണങ്ങൾ നടന്നുവരികയാണ്.
