0
0
ചെന്നൈ : തമിഴ്‌നാട്ടിലെ സേലത്ത് ചൊവ്വാഴ്ച സ്വകാര്യ ബസ് നിയന്ത്രണം വിട്ട് താഴ്ചയിലേക്ക് മറിഞ്ഞ് നാല് യാത്രക്കാർ മരിച്ചു.
45 പേർക്ക് പരിക്കേറ്റു. ഏർക്കാട് നിന്ന് സേലത്തേക്ക് പോവുകയായിരുന്ന സ്വകാര്യ ബസ് നിയന്ത്രണം വിട്ട് കുന്നിലേക്ക് മറിഞ്ഞാണ് അപകടമുണ്ടായത്.
പതിമൂന്നാം ഹെയർപിൻ വളവിന് സമീപം ഡ്രൈവർക്ക് വാഹനത്തിൻ്റെ നിയന്ത്രണം നഷ്‌ടമായതായി പ്രാഥമിക റിപ്പോർട്ടുകൾ സൂചിപ്പിക്കുന്നു.
അപകടസ്ഥലത്ത് എത്തിയ രക്ഷാപ്രവർത്തകരും നാട്ടുകാരും ചേർന്ന് പരിക്കേറ്റവരെ ചികിത്സയ്ക്കായി സേലം സർക്കാർ ആശുപത്രിയിലേക്ക് മാറ്റി.
എന്നാൽ നാല് പേർ മരണത്തിന് കീഴടങ്ങി. സേലം പൊലീസ് സൂപ്രണ്ട് അരുൺ കബിലൻ, സേലം എംഎൽഎ ആർ രാജേന്ദ്രൻ എന്നിവർ രക്ഷാപ്രവർത്തനത്തിന് മേൽനോട്ടം വഹിക്കാൻ സ്ഥലത്തുണ്ടായിരുന്നു.
കേന്ദ്ര സഹമന്ത്രി എൽ മുരുകൻ മരണമടഞ്ഞ കുടുംബങ്ങൾക്ക് അനുശോചനം അറിയിച്ചു.
അപകടത്തിൽപ്പെട്ടവർക്കും പരിക്കേറ്റവർക്കും മതിയായ നഷ്ടപരിഹാരം നൽകണമെന്ന് തമിഴ്നാട് സർക്കാരിനോട് മന്ത്രി ആവശ്യപ്പെട്ടു.
