Day: 29 May 2024

ചെന്നൈ : പുതിയ ബസ്‌ പാസ് ലഭിക്കുന്നതുവരെ സ്കൂൾ വിദ്യാർഥികൾക്ക് പഴയ ബസ് പാസ് ഉപയോഗിച്ച് യാത്രചെയ്യാമെന്ന് ട്രാൻസ്പോർട്ട് വകുപ്പ് അറിയിച്ചു. വിദ്യാർഥികൾക്ക് സൗജന്യയാത്രയ്ക്കായുള്ള പുതിയ ബസ് പാസുകൾ നൽകാനുള്ള നടപടികൾ ദ്രുതഗതിയിൽ നടക്കുന്നു . വിദ്യാർഥികളുടെ മേൽവിലാസം, പഠിക്കുന്ന ക്ലാസ് ഉൾപ്പെടെയുള്ള പൂർണമായ വിവരങ്ങൾ ലഭിച്ചയുടൻ പുതിയ പാസ് നൽകുമെന്നും അറിയിച്ചു.

ചെന്നൈ : നാഗർകോവിൽനിന്ന് ചെന്നൈ എഗ്‌മോറിലേക്ക് പ്രഖ്യാപിച്ചിരുന്ന പ്രത്യേക തീവണ്ടിസർവീസ് ജൂൺമാസവും തുടരും. ജൂൺ രണ്ട്, 16, 30 തീയതികളിലാണ് സർവീസ് നടത്തുക. നാഗർകോവിൽനിന്ന് രാത്രി 11.15-ന് പുറപ്പെടുന്ന തീവണ്ടി (06019) പിറ്റേന്ന് രാവിലെ 11.15-ന് എഗ്‌മോറിലെത്തും. ജൂൺ മൂന്ന്, 17, ജൂലായ് ഒന്ന് എന്നീ തീയതികളിൽ എഗ്‌മോറിൽനിന്ന് ഉച്ചയ്ക്കുശേഷം മൂന്നിനുതിരിക്കുന്ന തീവണ്ടി (06020)പിറ്റേന്ന് രാവിലെ 3.15-ന് നാഗർകോവിൽ എത്തും.

ചെന്നൈ : തിരുപ്പത്തൂരിനടുത്ത് റെയിൽവേപ്പാളത്തിൽ വൈദ്യുതിലൈൻ പൊട്ടിവീണതിനാൽ തീവണ്ടി ഗതാഗതം തടസ്സപ്പെട്ടു. ആറ് തീവണ്ടികൾ ഒരു മണിക്കൂറോളം വൈകി. തിങ്കളാഴ്ച രാത്രി 12-ഓടെയാണ് സംഭവം. ബെംഗളൂരു-കന്യാകുമാരി, ചെന്നൈ സെൻട്രൽ-ആലപ്പുഴ എക്സ്പ്രസ്, ചെന്നൈയിൽനിന്ന് മേട്ടുപ്പാളയത്തിലേക്കു പോകുന്ന നീലഗിരി എക്സ്പ്രസ്, കൊച്ചുവേളി- ഗൊരഖ്പുർ എക്സ്‌പ്രസ് ഉൾപ്പെടെ ഏഴ് തീവണ്ടികൾ ഒരുമണിക്കൂറോളം വൈകി. ഒരു മണിക്കൂറിനുള്ളിൽ വൈദ്യുതിലൈനിലെ തകരാർ പരിഹരിച്ച് തീവണ്ടികൾ യാത്ര തുടർന്നു.

ചെന്നൈ : തമിഴ്‌നാട്ടിലെ നഗരങ്ങളെയും ചെറു പട്ടണങ്ങളെയും കോർത്തിണക്കി ഹെലികോപ്റ്റർ സർവീസ് തുടങ്ങുന്നകാര്യം സംസ്ഥാന സർക്കാർ പരിഗണിക്കുന്നു. സംസ്ഥാനത്ത് വെറുതെക്കിടക്കുന്ന 80 ഹെലിപാഡുകൾ ഉപയോഗപ്പെടുത്തിക്കൊണ്ടാകും പദ്ധതി നടപ്പാക്കുക. വിവിധ സർക്കാർ ഏജൻസികളെയും സ്വകാര്യസംരംഭകരെയും ഏകോപിപ്പിച്ചുകൊണ്ട് തമിഴ്‌നാട് വ്യവസായവികസന കോർപ്പറേഷ (ടിഡ്‌കോ)നാണ് ഹെലികോപ്റ്റർ സർവീസ് യാഥാർഥ്യമാക്കാനൊരുങ്ങുന്നത്. കേന്ദ്രസർക്കാരിന്റെ ആഭ്യന്തര വ്യോമയാന നയവും ഹെലികോപ്റ്റർ നയവും ഇതിന് ഉപയോഗപ്പെടുത്തും. ഹെലികോപ്റ്റർ സർവീസിനുള്ള മാനദണ്ഡങ്ങളടങ്ങിയ ഹെലി ദിശ, ഹെലി സേവ പോർട്ടലുകളും ഉപയോഗിക്കും. ഹെലികോപ്റ്റർ സർവീസ് തുടങ്ങുന്നതുസംബന്ധിച്ച വിവിധ ഏജൻസികളുമായി ടിഡ്‌കോ ചർച്ച തുടങ്ങിക്കഴിഞ്ഞു. അറ്റകുറ്റപ്പണി നടത്തി ഹെലിപാഡുകൾ…

ചെന്നൈ : കാറ്റിന്റെഗതി വടക്ക്ദിശയിൽ തന്നെ തുടരുന്നതിനാൽ തമിഴ്‌നാട്ടിൽ ഇനിയും മൂന്നുദിവസം ചൂടുകൂടിയ നിലയിൽ തുടരുമെന്ന് കാലാവസ്ഥാ നിരീക്ഷണകേന്ദ്രം. കാറ്റിന്റെദിശ വടക്ക് ഭാഗത്തേക്ക് തുടരുന്നതിനാൽ കടലിൽനിന്ന് കരയിലേക്കുള്ള കാറ്റിന്റെ വേഗം കുറഞ്ഞതാണ് ചൂട് കൂടിയ നിലയിൽ തുടരാൻ കാരണമായതെന്നും കാലവസ്ഥാ നിരീക്ഷണ കേന്ദ്രം അറിയിച്ചു. തമിഴ്‌നാട്ടിൽ ചൂട്കൂടിയ തോതിൽ അനുഭവപ്പെടുന്ന ‘കത്തിരിക്കാലം’കഴിഞ്ഞെങ്കിലും ചൂട് തുടരുകയാണ്. നഗരത്തിൽ 40 ഡിഗ്രിയാണ് ചൂട് അനുഭവപ്പെട്ടത്. തമിഴ്‌നാട്ടിൽ ഭൂരിഭാഗം ജില്ലകളിലും ചൂട് 38-നും 39 ഡിഗ്രിക്കും ഇടയിലാണ്. റെമാൽ ചുഴലിക്കാറ്റിനെത്തുടർന്ന് കാറ്റിന്റെ ദിശമാറിയതാണ് ചൂട്കൂടാൻ കാരണം. സാധാരണ കേരളത്തിൽ…