Month: May 2024

ചെന്നൈ : വേനൽമഴയെത്തുടർന്ന് ചൂട് കുറഞ്ഞതോടെ സംസ്ഥാനത്ത് നിർമാണ പ്രവർത്തനങ്ങൾക്ക് ഏർപ്പെടുത്തിയിരുന്ന നിയന്ത്രണം നീക്കി. ചെന്നൈയിലും മധുരയിലുമായിരുന്നു തുറസ്സായ സ്ഥലങ്ങളിൽ നിർമാണ പ്രവർത്തനങ്ങൾക്ക് നിയന്ത്രണം ഏർപ്പെടുത്തിയിരുന്നത്.

ചെന്നൈ : ചെന്നൈ പാർക്ക് റെയിൽവേ സ്റ്റേഷനിൽ എൻജിനിയറിങ് ജോലികൾ നടക്കുന്നതിനാൽ 16, 17 തീയതികളിൽ ചെന്നൈ ബീച്ചിൽനിന്ന് ചെങ്കൽപ്പെട്ട് റൂട്ടിലേക്കുള്ള രാത്രികാല തീവണ്ടി സർവീസുകളുകളിൽ നിയന്ത്രണം ഏർപ്പെടുത്തി. ചെന്നൈ ബീച്ചിൽനിന്ന് താംബരത്തേക്ക് 16,17 തീയതികളിൽ രാത്രി 9.30 നുള്ള സർവീസും 11.40-നുള്ള സർവീസും റദ്ദാക്കി. 16, 17, 18 തീയതികളിൽ ചെന്നൈ ബീച്ചിൽനിന്ന് രാവിലെ 4.15-നുള്ള സബർബൻ തീവണ്ടി സർവീസും ഇതേ തീയതികളിൽ താംബരത്ത്നിന്ന് രാവിലെ 4.15-ന് ചെന്നൈ ബീച്ചിലേക്കുള്ള സബർബൻ തീവണ്ടി സർവീസും റദ്ദാക്കി.

ചെന്നൈ: ട്രെയിനില്‍ ടിടിഇക്ക് നേരേ വീണ്ടും ആക്രമണം. ക്ലീനിംഗ് സ്റ്റാഫ് ടിടിഇ യെ കയ്യേറ്റം ചെയ്തു. ബിലാസ്പൂര്‍ -എറണാകുളം എക്‌സ്പ്രസിലാണ് സംഭവം. ഇന്നലെ വൈകീട്ട് ആറ് മണിയോടെ കോയമ്പത്തൂരില്‍ വെച്ചാണ് ആക്രമണം നടന്നത്. പരിക്കേറ്റ ടിടിഇ അരുണ്‍ എറണാകുളം ജനറല്‍ ആശുപത്രിയില്‍ ചികിത്സയിലാണ്. ടിടിഇക്കു നേരെയുള്ള അക്രമണം ഇപ്പോള്‍ പതിവ് സംഭവമായിരിക്കുകയാണ്.

ചെന്നൈ : കോവിൽപട്ടി ജില്ലാ ട്രാൻസ്‌പോർട്ട് ഓഫീസിൽ സ്‌കൂൾ വാഹന പരിശോധനയിൽ തകരാർ കണ്ടെത്തിയ 14 വാഹനങ്ങൾക്ക് നോട്ടീസ് നൽകി. കോവിൽപട്ടി റീജണൽ ട്രാൻസ്‌പോർട്ട് ഓഫീസിൻ്റെ പരിധിയിൽ വരുന്ന സ്‌കൂൾ വാഹനങ്ങളുടെ പരിശോധനയാണ് ഇന്നലെ നടന്നത്. ജില്ലാ ട്രാൻസ്‌പോർട്ട് ഓഫീസ് പരിസരത്ത് നടന്ന പരിശോധനയിൽ ജില്ലാ ട്രാൻസ്‌പോർട്ട് ഓഫീസർ കെ.നെടുഞ്ചെഹിയ പാണ്ഡ്യൻ സ്‌കൂൾ വാഹന ഡ്രൈവർമാർക്കും സഹായികൾക്കും സുരക്ഷിതമായി വാഹനങ്ങൾ ഓടിക്കുന്നതിനെക്കുറിച്ചും മോട്ടോർ വാഹന നിയമങ്ങളെക്കുറിച്ചും വിശദീകരിച്ചു. അഗ്നിശമന സേനാംഗം എം.സുന്ദരരാജിൻ്റെ നേതൃത്വത്തിലുള്ള സംഘം വാഹനത്തിൽ തീപിടിത്തമുണ്ടായാൽ ഉടൻ സ്വീകരിക്കേണ്ട അഗ്നിശമന നടപടികളും സ്‌കൂൾ…