Day: 15 June 2024

ചെന്നൈ : തമിഴ്‌നാട് ഹൈവേകളിൽ തീർഥാടകർക്ക് പ്രത്യേക പാത ഒരുക്കണമെന്ന ആവശ്യത്തിൽ ഉചിതമായ ഉത്തരവ് പുറപ്പെടുവിക്കാൻ ഹൈവേ വകുപ്പിനോട് ഹൈക്കോടതി നിർദേശിച്ചു . തിരുച്ചെന്തൂർ സ്വദേശി രാംകുമാർ ആദിതൻ ആണ് ഹൈക്കോടതി ബ്രാഞ്ചിൽ ഹർജി സമർപ്പിച്ചത്. തമിഴ്‌നാട്ടിലെ ക്ഷേത്രങ്ങളിൽ ഭക്തർ തീർഥാടനം നടത്തുന്നു. പകൽ സമയത്ത് ചൂട് കൂടിയതിനാൽ വൈകുന്നേരവും രാത്രിയും ഭക്തർ പദയാത്ര നടത്തുന്നു. മിക്ക ദേശീയ പാതകളും ജില്ലാ പാതകളും രണ്ടുവരിപ്പാതകളാണ്. ഈ റോഡുകളിൽ ആവശ്യത്തിന് തടയണകളില്ല. വാഹനങ്ങളിൽ ഉപയോഗിക്കുന്ന ഹെഡ്‌ലൈറ്റുകൾ വളരെ തെളിച്ചമുള്ളതാണ്. വാഹനങ്ങളിൽ ഉയർന്ന തെളിച്ചമുള്ള ഹെഡ്‌ലാമ്പുകൾ ഉപയോഗിക്കുന്നതിന്…

ചെന്നൈ : ആയിരത്തിതൊള്ളായിരത്തി എഴുപതുകൾ മുതൽ തൊണ്ണൂറുകൾവരെ സംഗീതസംവിധാനം നിർവഹിച്ച 4,500-ഓളം ചലച്ചിത്രഗാനങ്ങളിൽ സംഗീതജ്ഞൻ ഇളയരാജയ്ക്ക് പകർപ്പവകാശമില്ലെന്ന് സംഗീത നിർമാണ കമ്പനിയായ എക്കോ റെക്കോഡിങ്‌സ് മദ്രാസ് ഹൈക്കോടതിയെ അറിയിച്ചു. എ.ആർ. റഹ്‌മാൻ ചെയ്യുന്നതുപോലെ ഇളയരാജ പകർപ്പവകാശം ഉറപ്പിക്കുന്നതിന് കരാറുകളിൽ ഒപ്പുവെച്ചിട്ടില്ലെന്ന് കമ്പനി ചൂണ്ടിക്കാണിച്ചു. താൻ സംഗീതസംവിധാനം നിർവഹിച്ച പാട്ടുകളുടെ പകർപ്പവകാശം തനിക്കാണെന്ന് സ്ഥാപിക്കുന്നതിനായി ഇളയരാജ നടത്തിവരുന്ന നിയമയുദ്ധത്തിന്റെ വാദത്തിനിടെയാണ് എക്കോ റെക്കോഡിങ്‌സ് എതിർവാദം ഉന്നയിച്ചത്. 1970-കൾ മുതൽ 1990-കൾവരെ പുറത്തിറങ്ങിയ 4,500 ഓളം പാട്ടുകളുടെ ധാർമികാവകാശം ഇളയരാജയ്ക്കാണെന്ന് ഹൈക്കോടതി സിംഗിൾ ബെഞ്ച് 2019-ൽ വിധിച്ചിരുന്നു.…

ചെന്നൈ : ജഡ്ജിമാർക്കെതിരേ അധിക്ഷേപകരമായ പരാമർശങ്ങൾ നടത്തിയ മുൻ റെയിൽവേ ലോക്കോപൈലറ്റിന് മദ്രാസ് ഹൈക്കോടതി ആറുമാസത്തെ തടവുശിക്ഷ വിധിച്ചു. പലതവണ അവസരം നൽകിയിട്ടും പശ്ചാത്താപം പ്രകടിപ്പിക്കാത്ത പ്രതി അധിക്ഷേപം ആവർത്തിച്ച സാഹചര്യത്തിലാണ് സ്വമേധയാ കോടതിയലക്ഷ്യക്കേസെടുത്ത് ശിക്ഷവിധിച്ചതെന്ന് ജസ്റ്റിസ് എം.എസ്. രമേഷും ജസ്റ്റിസ് സുന്ദർ മോഹനുമടങ്ങുന്ന ഡിവിഷൻ ബെഞ്ച് വ്യക്തമാക്കി. ചെന്നൈ മൊഗപ്പെയർ സ്വദേശിയായ പി.യു. വെങ്കടേശനാണ് കോടതിയലക്ഷ്യത്തിനുള്ള പരമാവധി ശിക്ഷനൽകിയത്. 2020-ലാണ് വെങ്കടേശൻ ഫെയ്‌സ്ബുക്ക് പോസ്റ്റ് പ്രചരിപ്പിച്ചത്.

ചെന്നൈ : ലോക്‌സഭാ തിരഞ്ഞെടുപ്പിനു പിന്നാലെ തമിഴ്‌നാട് ബി.ജെ.പി.യിൽ പോര് രൂക്ഷമായെന്ന റിപ്പോർട്ടുകൾക്കിടെ പാർട്ടി സംസ്ഥാന അധ്യക്ഷൻ കെ. അണ്ണാമലൈ മുൻ അധ്യക്ഷ തമിഴിസൈ സൗന്ദരരാജനുമായി ചർച്ച നടത്തി. തമിഴിസൈയുടെ രാഷ്ട്രീയപരിചയം ബി.ജെ.പി.ക്ക് മുതൽക്കൂട്ടാണെന്ന് കൂടിക്കാഴ്ചയ്ക്കുശേഷം അണ്ണാമലൈ പറഞ്ഞു. വെള്ളിയാഴ്ച സാലിഗ്രാമിലെ വീട്ടിലെത്തിയാണ് അണ്ണാമലൈ തമിഴിസൈയെ കണ്ടത്. കൂടിക്കാഴ്ചയുടെ ചിത്രം അണ്ണാമലൈ സാമുഹികമാധ്യമങ്ങളിൽ പങ്കുവെച്ചു. തമിഴ്‌നാട്ടിൽ താമര വിരിയുകതന്നെ ചെയ്യുമെന്ന് അണ്ണാമലൈയുടെ കുറിപ്പിൽ പറയുന്നു. അതിനായി ആത്മാർഥപരിശ്രമം നടത്തിയ തമിഴിസൈ അക്കയുടെ പ്രവർത്തനം പാർട്ടിപ്രവർത്തകർക്ക് പ്രചോദനമാണെന്നും അദ്ദേഹം കൂട്ടിച്ചേർത്തു.

ചെന്നൈ : പ്രവേശനപരീക്ഷാവിവാദത്തിന്റെ പശ്ചാത്തലത്തിൽ തമിഴ്‌നാട് സർക്കാർ നീറ്റിനെതിരേയുള്ള നിലപാട് ശക്തമാക്കി. നീറ്റ് എന്ന കാപട്യത്തിന് തമിഴ്‌നാട് ഒരുദിവസം അന്ത്യംകുറിക്കുമെന്ന് മുഖ്യമന്ത്രി എം.കെ. സ്റ്റാലിൻ വെള്ളിയാഴ്ച പ്രഖ്യാപിച്ചു. നീറ്റ് പരീക്ഷയെ ആദ്യംതന്നെ എതിർത്ത സംസ്ഥാനമാണ് തമിഴ്‌നാടെന്ന് ചെന്നൈയിൽ ഒരു ചടങ്ങിൽ സ്റ്റാലിൻ ചൂണ്ടിക്കാണിച്ചു. ക്രമക്കേടുകൾ നിറഞ്ഞതാണ് പരീക്ഷ എന്നതായിരുന്നു എതിർപ്പിനുകാരണം. ഇപ്പോൾ നീറ്റിൽ ക്രമക്കേടുനടന്നതായി കേന്ദ്രസർക്കാർതന്നെ സുപ്രീംകോടതിയിൽ സമ്മതിച്ചിരിക്കുകയാണ്. മെഡിക്കൽകോഴ്‌സുകളിൽ വിദ്യാർഥികളെ പ്രവേശിപ്പിക്കുന്നതിന് സംസ്ഥാനങ്ങൾക്കുണ്ടായിരുന്ന അധികാരം പുനഃസ്ഥാപിക്കുകയാണ് പ്രശ്നപരിഹാരത്തിനുള്ള മാർഗമെന്ന് സ്റ്റാലിൻ പറഞ്ഞു. നീറ്റ് പരീക്ഷ നിലവിൽവന്നതിനുശേഷം തമിഴ്‌നാട്ടിലെ ഡോക്ടർ-രോഗി അനുപാതം തകിടംമറിഞ്ഞതായി ഡി.എം.കെ…

ചെന്നൈ : റേഷൻഷോപ്പുകൾ വഴിയുള്ള തുവരപ്പരിപ്പ്, പാമോയിൽ എന്നിവയുടെ വിതരണം തുടർച്ചയായ രണ്ടാംമാസവും മുടങ്ങി. കഴിഞ്ഞമാസം എല്ലാ കാർഡ് ഉടമകൾക്കും പാമോയിലും തുവരപ്പരിപ്പും നൽകാനായിരുന്നില്ല. അടിയന്തരനടപടി സ്വീകരിക്കണമെന്ന് കാർഡുടമകൾ ആവശ്യപ്പെട്ടു.