Category: POLITICS

ചെന്നൈ : കേരളത്തിലും കർണാടകയിലും തിരഞ്ഞെടുപ്പു പ്രചാരണത്തിൽ സജീവമായി രംഗത്തിറങ്ങി ബി.ജെ.പി. സംസ്ഥാന അധ്യക്ഷൻ കെ. അണ്ണാമലൈ. കോയമ്പത്തൂരിലെ സ്ഥാനാർഥി കൂടിയായ അദ്ദേഹം ബി.ജെ.പി. കേന്ദ്ര നേതൃത്വത്തിന്റെ പ്രത്യേക നിർദേശപ്രകാരമാണ് മറ്റു സംസ്ഥാനങ്ങളിലും സജീവമായി പ്രചാരണത്തിനിറങ്ങുന്നത്. മുൻ ഐ.പി.എസ്. ഓഫീസറെന്ന നിലയിലും മാധ്യമ ഇടപെടലുകളിലൂടെയും വിവാദ പ്രസ്താവനകളിലൂടെയും സാമൂഹിക മാധ്യമങ്ങളിലൂടെയും സജീവ സാന്നിധ്യമറിയിക്കാറുള്ള അണ്ണാമലൈയുടെ ജനപ്രീതി പരമാവധി ഉപയോഗപ്പെടുത്തുകയാണ് ബി.ജെ.പി. കേരളത്തിലും കർണാടകയിലും ആവശ്യമെങ്കിൽ ഉത്തരേന്ത്യയിലും അദ്ദേഹത്തെ പ്രചാരണത്തിനിറക്കാനാണ് തീരുമാനമെന്ന് പാർട്ടി വൃത്തങ്ങൾ അറിയിച്ചു. കർണാടകയിൽ ‘സിംഹം’ എന്ന പേരിലാണ് അണ്ണാമലൈ അറിയപ്പെടുന്നത്. തിരുവനന്തപുരം,…

ചെന്നൈ : തമിഴ്‌നാട്ടിൽ ലോക്‌സഭാ തിരഞ്ഞെടുപ്പിനുള്ള പരസ്യപ്രചാരണം ബുധനാഴ്ച സമാപിക്കാനിരിക്കെ നേതാക്കൾ ആരോപണപ്രത്യാരോപണങ്ങൾ കടുപ്പിച്ചു. പ്രധാനമന്ത്രി നരേന്ദ്രമോദി അടക്കമുള്ള നേതാക്കളാണ് കഴിഞ്ഞ ഏതാനും ദിവസങ്ങളിലായി സംസ്ഥാനത്ത് പ്രചാരണത്തിന് നേതൃത്വം നൽകുന്നത്. തിങ്കളാഴ്ച തിരുനെൽവേലിയിലെ അംബാസമുദ്രത്തിലായിരുന്നു മോദിയുടെ പ്രചാരണം. കോൺഗ്രസ് നേതാവ് രാഹുൽ ഗാന്ധി കഴിഞ്ഞദിവസം തിരുനെൽവേലിയിലും കോയമ്പത്തൂരിലും പ്രചാരണം നടത്തിയിരുന്നു. വെള്ളിയാഴ്ചയാണ് സംസ്ഥാനത്ത് വോട്ടെടുപ്പ് നടക്കുന്നത്. പരസ്യപ്രചാരണം അവസാനഘട്ടത്തിലായപ്പോഴേക്കും ബി.ജെ.പി.യുടെയും കോൺഗ്രസിന്റെയും ദേശീയ നേതാക്കളും കളം നിറയുകയാണ്.

ചെന്നൈ : തിരഞ്ഞെടുപ്പ് പെരുമാറ്റച്ചട്ട ലംഘനം നടത്തിയ മുഖ്യമന്ത്രി എം.കെ. സ്റ്റാലിനെതിരരേ നടപടിയാവശ്യപ്പെട്ട് പ്രതിപക്ഷനേതാവും അണ്ണാ ഡി.എം.കെ. സെക്രട്ടറിയുമായ എടപ്പാടി പളനിസ്വാമി തിരഞ്ഞെടുപ്പ് കമ്മിഷന് കത്തയച്ചു. തിരഞ്ഞെടുപ്പ് പെരുമാറ്റച്ചട്ടം നിലവിൽവന്ന ശേഷം മുഖ്യമന്ത്രി എം.കെ. സ്റ്റാലിൻ കോയമ്പത്തൂരിൽ വൻ ക്രിക്കറ്റ് സ്റ്റേഡിയം പണിയുമെന്ന് അറിയിച്ചു. ഇക്കാര്യം ഡി.എം.കെ.യുടെ പ്രകടനപത്രികയിൽ പറഞ്ഞിട്ടില്ല. പ്രകടനപത്രികയിൽ പറയാത്ത കാര്യം കോയമ്പത്തൂരിൽ പറഞ്ഞത് പെരുമാറ്റച്ചട്ട ലംഘനമാണ്. വോട്ട് നേടുകയെന്ന ലക്ഷ്യം മാത്രമാണ് പ്രഖ്യാപനത്തിന് പിന്നിൽ. എടപ്പാടി പളനിസ്വാമി പറഞ്ഞു. കൂടാതെ ഡി.എം.കെ. ഗൃഹനാഥയ്ക്ക് മാസവും 1000 രൂപ നൽകുന്നുണ്ട്. ഇപ്പോൾ…

ചെന്നൈ : വിഴുപുരം ജില്ലയിലെ വിക്രവാണ്ടിയിൽ ഡി.എം.കെ. എം.എൽ.എ. പുകഴേന്തി (70) മരിച്ചതിനെത്തുടർന്ന് ആറുമാസത്തിനുള്ളിൽ ഉപ തിരഞ്ഞെടുപ്പ് നടത്തുമെന്ന് മുഖ്യ തിരഞ്ഞെടുപ്പ് കമ്മിഷണർ സത്യബ്രദ സാഹു അറിയിച്ചു. ലോക്‌സഭാ തിരഞ്ഞെടുപ്പ് ഏഴ് ഘട്ടങ്ങളായാണ് നടത്തുന്നതെന്നിരിക്കെ ഈ കാലയളവിൽതന്നെ വിക്രവാണ്ടി നിയോജകമണ്ഡലത്തിലേക്ക് ഉപ തിരഞ്ഞെടുപ്പ് നടത്തുമോയെന്ന ചോദ്യത്തിന് മറുപടിപറയുകയായിരുന്നു അദ്ദേഹം.

ചെന്നൈ : തൂത്തുക്കുടി സ്ഥാനാർഥിയും ഡി.എം.കെ. നേതാവുമായ എം. കനിമൊഴിയെക്കുറിച്ച് നാം തമിഴർ കക്ഷി (എൻ.ടി.കെ.) വസ്തുതാവിരുദ്ധമായ കാര്യങ്ങൾ പ്രചരിപ്പിക്കുന്നതിനെതിരേ ഡി.എം.കെ. മുഖ്യതിരഞ്ഞെടുപ്പ് കമ്മിഷണർക്ക് പരാതി നൽകി. നാം തമിഴർ കക്ഷി മൈലാടുതുറൈ സ്ഥാനാർഥി കാളിയമ്മാളിനെതിരേയാണ് കനിമൊഴി പരാതി നൽകിയത്. കനിമൊഴി യുട്യൂബ് ചാനലിനു നൽകിയ അഭിമുഖത്തിൽ പറഞ്ഞ അഭിപ്രായങ്ങളിൽ മാറ്റംവരുത്തി സാമൂഹികമാധ്യമങ്ങളിൽ പ്രചരിപ്പിച്ച് അപകീർത്തിപ്പെടുത്താനാണ് എൻ.ടി.കെ. സ്ഥാനാർഥി ശ്രമിക്കുന്നതെന്ന് പരാതിയിൽ ആരോപിച്ചു. ആരോപണങ്ങൾ അടിസ്ഥാനരഹിതമാണെന്നും സാമൂഹിക മാധ്യമങ്ങളിൽ അപകീർത്തിപ്പെടുത്താനാണ് ശ്രമമെന്നും ഡി.എം.കെ. തിരഞ്ഞെടുപ്പ് കമ്മിഷന് നൽകിയ പരാതിയിൽ പറയുന്നു. തിരഞ്ഞെടുപ്പ് പ്രചാരണവേളയിൽ പൊതുമധ്യത്തിൽ…

ചെന്നൈ: വടക്കൻ ചെന്നൈ ഡിഎംകെ സ്ഥാനാർത്ഥി കലാനിധി വീരസ്വാമിയെ പിന്തുണച്ച് പീപ്പിൾസ് ജസ്റ്റിസ് സെൻ്റർ അധ്യക്ഷൻ കമൽഹാസൻ ചെന്നൈയിലെ ഒട്ടേരിയിൽ പ്രചാരണം നടത്തി. പാർട്ടി ആരംഭിച്ച ദിവസം മുതൽ ഞാൻ ഏറ്റവും കൂടുതൽ സന്ദർശിക്കുന്നത് വടക്കൻ ചെന്നൈയിലാണ്. എന്നെപ്പോലുള്ള പലരും ആവശ്യപ്പെട്ടതനുസരിച്ച് വടക്കൻ ചെന്നൈയുടെ വികസനത്തിന് 1000 കോടി രൂപ വകയിരുത്തിയിട്ടുണ്ട്. അന്തരിച്ച മുൻ മുഖ്യമന്ത്രി കരുണാനിധിയാണ് ചേരി നികത്തൽ ബോർഡ് എന്ന പദം കൊണ്ടുവന്നത്. കുടിൽ മാറ്റണമെന്ന ആശയം വന്നിട്ട് 40 വർഷമായി. ഞങ്ങൾ അത് തുടരുന്നു. പക്ഷേ, കേന്ദ്രത്തിൽ നിന്നോ വിദേശ…