Day: 3 July 2024

ചെന്നൈ : തീവണ്ടികളുടെ സമയനിഷ്ഠ പാലിക്കുന്നതിൽ റെയിൽവേ സോണുകളിൽ ദക്ഷിണ റെയിൽവേ മുൻപിൽ. നടപ്പു സാമ്പത്തിക വർഷത്തിൽ ഏപ്രിൽ – ജൂൺ കാലയളവിൽ 91.6 ശതമാനം തീവണ്ടികളും കൃത്യസമയത്ത് സർവീസ് നടത്തിയെന്ന് അധികൃതർ അറിയിച്ചു. കഴിഞ്ഞവർഷം ഇതേ കാലയളവിൽ ദക്ഷിണ റെയിൽവേയിലെ 90 ശതമാനം വണ്ടികൾ സമയനിഷ്ഠ പാലിച്ചു. ദക്ഷിണ റെയിൽവേ ഒരു മാസം 10,000 തീവണ്ടികളാണ് ഓടിക്കുന്നത്. കഴിഞ്ഞ മൂന്ന് മാസത്തിൽ 27,631 തീവണ്ടികളും കൃത്യ സമയത്ത് ഓടി. ഈസ്റ്റ് സെൻട്രൽ റെയിൽവേയിൽ 82.4 ശതമാനം, സെൻട്രൽ റെയിൽവേയിൽ 78.5 ശതമാനം എന്നിങ്ങനെയാണ്…

ചെന്നൈ : സംസ്ഥാനത്തെ 1,500 പോലീസ് സ്റ്റേഷനുകളിൽ 99 ശതമാനത്തിലും സി.സി.ടി.വി. ക്യാമറകൾ സ്ഥാപിച്ചതായി സംസ്ഥാനസർക്കാർ മദ്രാസ് ഹൈക്കോടതിയിൽ അറിയിച്ചു. സംസ്ഥാനത്തെ എല്ലാ പോലീസ് സ്റ്റേഷനുകളിലും സി.സി.ടി.വി ക്യാമറകൾ സ്ഥാപിക്കണമെന്നാവശ്യപ്പെട്ട് 2020-ൽ അഡ്വ. നിജാമുദ്ദീൻ സമർപ്പിച്ച ഹർജിയിൽ തുടർവാദം കേൾക്കവെ സംസ്ഥാനസർക്കാർചീഫ് ജസ്റ്റിസ് മഹാദേവൻ, ജസ്റ്റിസ് ഷഫീക്ക് എന്നിവരടങ്ങിയ ബെഞ്ചിനുമുമ്പാകെയാണ് അറിയിച്ചത്.

ചെന്നൈ : ഇന്ത്യൻ ശിക്ഷാനിയമത്തിനുപകരമുള്ള ഭാരതീയ ന്യായസംഹിത (ബി.എൻ.എസ്.) പ്രകാരം തമിഴ്‌നാട്ടിൽ ആദ്യത്തെ അറസ്റ്റുരേഖപ്പെടുത്തി. സ്ത്രീയുടെ കുളിമുറിദൃശ്യം പകർത്തിയ 21-കാരനാണ് നിയമം പ്രാബല്യത്തിൽവന്ന ആദ്യദിവസം അറസ്റ്റിലായത്. 25-കാരിയുടെ കുളിമുറിദൃശ്യം പകർത്തുന്നതിനിടെയാണ് ചെന്നൈ ട്രിപ്ലിക്കെയ്നിലെ സാരഥിയെ പുതിയ ക്രിമിനൽനിയമപ്രകാരം ഐസ് ഹൗസ് പോലീസ് അറസ്റ്റുചെയ്തത്. സംസ്ഥാനത്തെ എല്ലാ പോലീസ് സ്റ്റേഷനുകളിലും പുതിയ എഫ്.ഐ.ആർ. ഫോമുകൾ വിതരണംചെയ്തിട്ടുണ്ടെന്ന് ഡി.ജി.പി. ശങ്കർ ജിവാൾ പറഞ്ഞു. പുതിയ നിയമങ്ങൾ ഇംഗ്ലീഷിൽനിന്ന് തമിഴിലേക്ക് വിവർത്തനംചെയ്യുന്നതിനുള്ള ജോലികൾ അതിവേഗം നടക്കുന്നുണ്ടെന്നും അദ്ദേഹം അറിയിച്ചു.

ചെന്നൈ : സ്വകാര്യവാഹനങ്ങളിൽ അനധികൃതമായി ‘അഡ്വക്കേറ്റ്’ സ്റ്റിക്കറുകൾ പതിപ്പിക്കുന്ന അഭിഭാഷകർക്കെതിരേ പോലീസിന് സ്വതന്ത്രമായി നടപടിയെടുക്കാമെന്ന് മദ്രാസ് ഹൈക്കോടതി. ട്രാഫിക് നിയമലംഘനങ്ങളിൽനിന്ന് രക്ഷപ്പെടാനായി അഭിഭാഷകർ തങ്ങളുടെ സ്വകാര്യവാഹനങ്ങളിൽ സ്റ്റിക്കറുകൾ പതിച്ച് ദുരുപയോഗം ചെയ്യുന്നത്‌ തടയണമെന്നാവശ്യപ്പെട്ട് ചെന്നൈ സ്വദേശി എസ്. ദേവദാസ് ഗാന്ധി വിൽസൺ നൽകിയ പൊതുതാത്പര്യ ഹർജി പരിഗണിക്കവെയാണ് ആക്ടിങ് ചീഫ് ജസ്റ്റിസ് ആർ. മഹാദേവൻ, ജസ്റ്റിസ് മുഹമ്മദ് ഷഫീഖ് എന്നിവരടങ്ങിയ ബെഞ്ചിന്റെ ഇടപെടൽ. ‘പോലീസ് ഒന്നിനെയും ഭയപ്പെടേണ്ട കാര്യമില്ല. അനധികൃതമായി സ്റ്റിക്കർ ദുരുപയോഗം ചെയ്യുന്നവർക്കെതിരേ നടപടിയെടുക്കാൻ സുപ്രീംകോടതിതന്നെ ഒന്നിലധികം ഉത്തരവുകൾ പുറപ്പെടുവിച്ചിട്ടുണ്ട്. To advertise…