Month: August 2024

ചെന്നൈ : തമിഴ്‌നാടിന് മധുര-ബെംഗളൂരു, ചെന്നൈ-നാഗർകോവിൽ എന്നീ രണ്ട് വന്ദേഭാരത് ചെയർകാർ തീവണ്ടികൾകൂടി. ഈ വണ്ടികളുടെ ഉദ്ഘാടനം 31-ന് പ്രധാനമന്ത്രി നരേന്ദ്രമോദി വീഡിയോ കോൺഫറൻസ് വഴി നിർവഹിക്കും. 16 കോച്ചുകളുള്ള വന്ദേഭാരത് ചെയർകാർ തീവണ്ടികളായിരിക്കും സർവീസ് നടത്തുകയെന്ന് ദക്ഷിണ റെയിൽവേ വൃത്തങ്ങൾ അറിയിച്ചു. മധുര-ബെംഗളൂരു വന്ദേഭാരതിന്റെ ഉദ്ഘാടനം മധുരയിൽ നടക്കും. സംസ്ഥാന ഗവർണർ ആർ.എൻ. രവി മധുരയിൽ നടക്കുന്ന ചടങ്ങിൽ പങ്കെടുക്കുമെന്ന് റെയിൽവേ അധികൃതർ‍ അറിയിച്ചു. ചെന്നൈ-നാഗർകോവിൽ വന്ദേഭാരത് എക്സ്‌പ്രസ് ചെന്നൈയിൽനിന്നുമായിരിക്കും ഉദ്ഘാടന സർവീസ് നടത്തുക.

ചെന്നൈ : ആഗസ്ത് 31, സെപ്റ്റംബർ 1 തീയതികളിൽ ചെന്നൈയിൽ നടക്കാനിരിക്കുന്ന ഫോർമുല 4 കാർ റേസിംഗ് പരിപാടിക്കെതിരെ തമിഴ്‌നാട് ബിജെപി സംസ്ഥാന വക്താവ് എഎൻഎസ് പ്രസാദ് മദ്രാസ് ഹൈക്കോടതിയെ സമീപിച്ചു. കേസ് ചൊവ്വാഴ്ച അടിയന്തരമായി പരിഗണിക്കണമെന്നാണ് ഹർജിക്കാരന്റെ ആവശ്യം. ഫോർമുല 4 കാർ റേസിംഗ് റോഡ് ഉപരോധത്തിലേക്ക് നയിക്കുമെന്നും ഇത് പൊതുജനങ്ങൾക്ക് ബുദ്ധിമുട്ടുണ്ടാക്കുമെന്നും ബിജെപി നേതാവ് തൻ്റെ ഹർജിയിൽ ചൂണ്ടിക്കാട്ടി. ചെന്നൈ ജനറൽ ആശുപത്രിയിലും ചെന്നൈ മൾട്ടിസ്പെഷ്യാലിറ്റി ആശുപത്രിയിലുമെത്തുന്ന ദൈനംദിന യാത്രക്കാർക്കും രോഗികൾക്കും ബുദ്ധിമുട്ടുണ്ടാക്കുന്ന തരത്തിൽ അനധികൃത റോഡ് പണികളും നടക്കുന്നുണ്ടെന്നും അദ്ദേഹം…

ചെന്നൈ : തീർഥാടന കേന്ദ്രമായ വേളാങ്കണ്ണി ആരോഗ്യമാതാ ദേവാലയത്തിലെ പെരുന്നാളിന് വ്യാഴാഴ്ച കൊടിയേറും. വൈകീട്ട് 5.45-ന് പ്രദക്ഷിണത്തിനുശേഷം നടക്കുന്ന കൊടിയേറ്റ് ചടങ്ങിൽ തഞ്ചാവൂർ രൂപത അധ്യക്ഷൻ ബിഷപ്പ് ഡോ. ടി. സഹായരാജ് മുഖ്യകാർമികത്വംവഹിക്കും. സെപ്റ്റംബർ ആറിന് കുശിന്റെ വഴിയും എട്ടിന് മാതാവിന്റെ തിരുനാളാചരണവും നടക്കും. തിരുനാൾദിനത്തിൽ രാവിലെ ആറിന് ആഘോഷമായ കുർബാനയും വൈകീട്ട് ആറിന് കൊടിയിറക്ക് ചടങ്ങും നടക്കും. വെള്ളിയാഴ്ച മുതൽ സെപ്റ്റംബർ ഏഴുവരെ ദിവസവും രാവിലെ ഒൻപതിന് മോണിങ് സ്റ്റാർ ദേവാലയത്തിൽ മലയാളത്തിൽ കുർബാനയുണ്ടാകും. ലോവർ ബസിലിക്കയിൽ വെള്ളിയാഴ്ച മുതൽ സെപ്റ്റംബർ ആറുവരെ…

ചെന്നൈ: പതിവ് അറ്റകുറ്റപ്പണികൾ നടത്തുന്നതിനാൽ ചെന്നൈയിലെ ചില പ്രദേശങ്ങളിൽ വൈദ്യുതി മുടങ്ങുമെന്ന് തമിഴ്‌നാട് ജനറേഷൻ ആൻഡ് ഡിസ്ട്രിബ്യൂഷൻ കോർപ്പറേഷൻ (ടാംഗഡ്‌കോ), അറിയിച്ചു. താഴെപ്പറയുന്ന പ്രദേശങ്ങളിൽ രാവിലെ 9 മുതൽ ഉച്ചയ്ക്ക് 2 വരെ വൈദ്യുതി മുടങ്ങും. എന്നിരുന്നാലും, ഷെഡ്യൂൾ സമയത്തിന് മുമ്പ് അറ്റകുറ്റപ്പണികൾ പൂർത്തിയായാൽ അത് പുനരാരംഭിക്കും. എസ്എ കോയിൽ തിലഗർ നഗർ ആർകെ നഗർ ഇളയമുദലി കൽമണ്ഡപം തൊണ്ടിയാർപേട്ട്വി ഒസി നഗർ തുളസി പഴയ വാഷർമെൻപേട്ട ടിഎച്ച് റോഡ് ഭാഗം ടോൾഗേറ്റ് ഭാഗം തൊണ്ടിയാർപേട്ട് ഏരിയ സ്റ്റാൻലി ഏരിയ

ചെന്നൈ : കഞ്ചാവ് വിൽപ്പന നടത്തിയ അമ്മയും മകനും അടക്കം നാല് പേർ അറസ്റ്റിലായി. മധുര കീരത്തുറൈയിലാണ് സംഭവം. രഹസ്യവിവരത്തിന്റെ അടിസ്ഥാനത്തിൽ പോലീസ് നടത്തിയ അന്വേഷണത്തിൽ ലക്ഷ്മി (50), മകൻ കൃഷ്ണമൂർത്തി (19), കൂട്ടാളികളായ മണികണ്ഠൻ (24), മുനീശ്വരൻ (28) എന്നിവരാണ് അറസ്റ്റിലായത്. ഇവരിൽനിന്ന് രണ്ട് കിലോ കഞ്ചാവും 46,000 രൂപയും മൊബൈൽ ഫോണുകളും പിടിച്ചെടുത്തു.