ടാസ്മാക് മദ്യവിൽപ്പന വരുമാനം സർക്കാർ നേടിയത് 45,886 കോടി രൂപ

Read Time:1 Minute, 20 Second

ചെന്നൈ: കഴിഞ്ഞ 2023-24 വർഷത്തിൽ ടാസ്മാക് മദ്യവിൽപ്പനയിലൂടെ തമിഴ്‌നാട് സർക്കാർ നേടിയത് 45,886 കോടി രൂപയെന്ന് നയപ്രഖ്യാപനം.

തമിഴ്‌നാട് സ്റ്റേറ്റ് കൊമേഴ്‌സ് കോർപ്പറേഷൻ (ടാസ്മാക്) ഇന്ത്യൻ നിർമിത വിദേശ മദ്യമാണ് തമിഴ്‌നാട്ടിൽ വിൽക്കുന്നത്. നിലവിൽ തമിഴ്‌നാട്ടിൽ 4,829 റീട്ടെയിൽ മദ്യശാലകളും 2,919 ബാറുകളും പ്രവർത്തിക്കുന്നുണ്ട്. നിലവിൽ 23,986 പേരാണ് ഈ കടകളിൽ ജോലി ചെയ്യുന്നത്.

ടാസ്മാക് വഴി തമിഴ്നാട് സർക്കാരിന് ലഭിച്ച വരുമാനവുമായി ബന്ധപ്പെട്ട വിവരങ്ങളാണ് നിരോധന ഏകോപന വകുപ്പിൻ്റെ നയ വിശദീകരണ കുറിപ്പിൽ പറയുന്നത്.

ഇതനുസരിച്ച് 2003-04ൽ 3639.93 കോടി രൂപയായിരുന്ന ടാസ്മാക് വരുമാനം 2023-24ൽ 12 മടങ്ങ് വർധിച്ച് 45,885.67 കോടി രൂപയായി.

കഴിഞ്ഞ വർഷത്തെ അപേക്ഷിച്ച് ഈ വർഷത്തെ വരുമാനത്തിൽ 1,734.54 കോടി രൂപയുടെ വർധനയുണ്ടായി എന്നത് ശ്രദ്ധേയമാണ്.