ചെന്നൈ : അണ്ണാ ഡി.എം.കെ. നേതാവും മന്ത്രിയുമായിരുന്ന അന്തരിച്ച സി. അരങ്കനായകത്തിന് അഴിമതിക്കേസിൽ വിധിച്ച ശിക്ഷ മദ്രാസ് ഹൈക്കോടതി ശരിവെച്ചു. മുൻമന്ത്രിയുടെ സ്വത്ത് കണ്ടുകെട്ടാൻ നിർദേശിക്കുകയുംചെയ്തു. ജയലളിത മന്ത്രിസഭയിൽ അംഗമായിരിക്കേ 1.15 കോടി രൂപയുടെ അവിഹിതസ്വത്ത് സമ്പാദിച്ചുവെന്നായിരുന്നു അരങ്കനായകത്തിനെതിരേയുള്ള കേസ്. 2006-ൽ കുറ്റപത്രം സമർപ്പിച്ച കേസിൽ 2017-ൽ പ്രത്യേക കോടതി ശിക്ഷവിധിച്ചു. മൂന്നുവർഷം തടവായിരുന്നു ശിക്ഷ. സ്വത്തു കണ്ടുകെട്ടാനും ഉത്തരവിട്ടു. ഈ വിധിക്കെതിരേ അരങ്കനായകം നൽകിയ അപ്പീലിലാണ് ജസ്റ്റിസ് ജി. ജയചന്ദ്രന്റെ ബെഞ്ച് വിധി പറഞ്ഞത്. അപ്പീലിൽ വിധി വരുംമുമ്പ് 2021-ൽ അരങ്കനായകം അന്തരിച്ചു.
Read Moreഅന്തരിച്ച അണ്ണാ ഡി.എം.കെ. നേതാവും മുൻമന്ത്രിയുമായിരുന്ന സി. അരങ്കനായകത്തിന്റെ ശിക്ഷ ഹൈക്കോടതി ശരിവെച്ചു
