Author: News Desk

ചെന്നൈ : തമിഴ്‌നാട്ടിൽ മയക്കുമരുന്ന് വ്യാപനമുണ്ടെന്ന കാര്യം നിഷേധിച്ച ഡി.എം.കെ. സർക്കാരിനെതിരേ രൂക്ഷവിമർശനവുമായി ഗവർണർ ആർ.എൻ. രവി. മയക്കുമരുന്ന് ഭീഷണി സംസ്ഥാനത്തെ നാശത്തിലേക്കു നയിക്കുന്ന ഗുരുതരമായ പ്രശ്നമാണെന്നും ഇതിനെയാണ് സർക്കാർ നിഷേധിക്കുന്നതെന്നും അദ്ദേഹം ആരോപിച്ചു. ഒരു പ്രശ്നം നിഷേധിക്കുമ്പോൾ കൂടുതൽ സങ്കീർണമാകും. പ്രശ്‌നം നിഷേധിക്കുന്നുവെന്നതിനർഥം അതിനെ നേരിടാൻ തയ്യാറല്ലയെന്നാണെന്ന് ചെന്നൈയിൽ ഒരു ചടങ്ങിൽ ഗവർണർ പറഞ്ഞു. സംസ്ഥാനത്ത് ഗവർണറായ ദിവസം മുതൽ കോളേജുകളിലെ മയക്കുമരുന്ന് ദുരുപയോഗത്തിന്റെ പ്രശ്നം ഒട്ടേറെ രക്ഷിതാക്കൾ നേരിൽക്കണ്ട് ഉന്നയിച്ചിരുന്നു. അതിനായി എന്തെങ്കിലും ചെയ്യണമെന്നവർ അഭ്യർഥിച്ചു. ഇക്കാര്യം സർക്കാരിനെ അറിയിച്ചപ്പോൾ സംഭവം…

ചെന്നൈ : കാർഷികവിളകൾ നശിപ്പിക്കുന്ന കാട്ടുപന്നികളെ കൊല്ലാൻ തമിഴ്‌നാട്ടിലും അനുമതി. ഇക്കാര്യത്തിൽ കേരളസർക്കാർ പിന്തുടർന്ന മാതൃകഅനുകരിച്ചാണ് നടപടി. കാട്ടുപന്നികളെ കൊല്ലുന്നതുമായിബന്ധപ്പെട്ട് 2018-ലെ തമിഴ്നാട് വനംവകുപ്പുനയത്തിൽ ഉടൻ ഭേദഗതിവരുത്തുമെന്ന് വനംവകുപ്പുമന്ത്രി എം. മതിവേന്ദൻ പറഞ്ഞു. കോയമ്പത്തൂർ, ഈറോഡ്, കൃഷ്ണഗിരി തുടങ്ങി വിവിധജില്ലകളിൽ കാട്ടുപന്നികൾ വ്യാപകമായി വിള നശിപ്പിക്കുന്നതായും അവയെകൊല്ലാൻ അനുവദിക്കണമെന്നും കർഷകർ സർക്കാരിനോട് നിരന്തരം അഭ്യർഥിച്ചിരുന്നു. ഇതേത്തുടർന്നാണ് വന്യമൃഗങ്ങൾ വരുത്തിവെക്കുന്ന കൃഷിനാശത്തിന് പരിഹാരംകാണുന്നതിന് സമിതി രൂപവത്കരിച്ചത്. ചീഫ് വൈൽഡ് ലൈഫ് വാർഡന്റെ നേതൃത്വത്തിൽ വനംവകുപ്പ് ഉദ്യോഗസ്ഥർ, കൃഷിവകുപ്പ് ഉദ്യോഗസ്ഥർ, വന്യജീവി വിദഗ്ധർ എന്നിവരടങ്ങുന്ന സമിതിയിലെ അംഗങ്ങൾ…

ചെന്നൈ : ലോക്‌സഭയിൽ പ്രതിപക്ഷ നേതാവായി തിരഞ്ഞെടുക്കപ്പെട്ട രാഹുൽഗാന്ധിക്ക് ആശംസ നേർന്ന് നടനും തമിഴക വെട്രി കഴകം നേതാവുമായ വിജയ്. പ്രതിപക്ഷനേതാവായി ഐകകണ്ഠ്യേന തിരഞ്ഞെടുക്കപ്പെട്ട രാഹുലിനെ അഭിനന്ദിക്കുന്നുവെന്ന് എക്സിൽ കുറിച്ച വിജയ്, രാജ്യത്തെ സേവിക്കാൻ എല്ലാആശംസകളും നേരുന്നുവെന്ന്‌ കൂട്ടിച്ചേർത്തു. പ്രധാനമന്ത്രിയായി മൂന്നാംതവണയും പദവിയേറ്റ നരേന്ദ്രമോദിക്കും നേരത്തെ എക്സിലൂടെ വിജയ് ആശംസകൾ നേർന്നിരുന്നു.

ചെന്നൈ : ജാതിസെൻസസ് നടത്താൻ കേന്ദ്രസർക്കാർ നടപടിയെടുക്കണമെന്ന് ആവശ്യപ്പെട്ട് തമിഴ്‌നാട് നിയമസഭ പ്രമേയം പാസാക്കി. വിദ്യാഭ്യാസം, ജോലി തുടങ്ങിയ മേഖലകളിൽ തുല്യത ഉറപ്പാക്കാൻ ജാതിസെൻസസ് അത്യന്താപേക്ഷിതമാണെന്ന് മുഖ്യമന്ത്രി എം.കെ. സ്റ്റാലിൻ അവതരിപ്പിച്ച പ്രമേയത്തിൽ പറയുന്നു. 2021-ൽ നടത്തേണ്ട സെൻസസ് നടപ്പാക്കാനും കേന്ദ്രം ഉടൻ നടപടിയെടുക്കണമെന്നും ആവശ്യപ്പെട്ടു. ഡി.എം.കെയുടെ സഖ്യകക്ഷികളായ കോൺഗ്രസ്, വി.സി.കെ., എം.ഡി.എം.കെ., സി.പി.ഐ., സി.പി.എം., എം.എം.കെ., കെ.എം.ഡി.കെ. തുടങ്ങിയ പാർട്ടികൾ പ്രമേയത്തെ പൂർണമായും പിന്തുണച്ചു. സംസ്ഥാനത്ത് ജാതിസെൻസസ് നടത്താൻ തയ്യാറാകാത്ത ഡി.എം.കെ. സർക്കാർ ഈ വിഷയത്തിൽ നിയമസഭയിൽ പ്രമേയം അവതരിപ്പിക്കുന്നത് അനാവശ്യ നടപടിയാണെന്ന…

ചെന്നൈ : ഇരുപത്തിമൂന്നുപേരുടെ മരണത്തിനിടയാക്കിയ കുരങ്ങണി കാട്ടുതീദുരന്തം നടന്ന് ആറുവർഷത്തിനുശേഷം തമിഴ്‌നാട്ടിൽ ട്രക്കിങ് പുനരാരംഭിക്കുന്നു. സംഭവത്തിനുശേഷം സംസ്ഥാനത്ത് ട്രക്കിങ് പാതകൾ പൂർണമായും അടച്ചിട്ടിരുന്നു. ഇപ്പോൾ നാൽപ്പതു പാതകളാണ് ട്രക്കിങ്ങിനായി തുറന്നു കൊടുക്കുന്നത്. ഈ മേഖലകളുടെ ഭൂപടം തയ്യാറാക്കി നാലുകോടി രൂപ ചെലവിൽ പാതകളിൽ അടിസ്ഥാന സൗകര്യങ്ങളൊരുക്കുകയാണ്. ജൂലായിയിൽ ബുക്കിങ് തുടങ്ങുന്ന രീതിയിലാണ് ജോലികൾ നടക്കുന്നതെന്ന് തമിഴ്‌നാട് വനംവകുപ്പ് അറിയിച്ചു. നീലഗിരി, പൊള്ളാച്ചി, കോയമ്പത്തൂർ, കൊടൈക്കനാൽ തുടങ്ങിയ ഇടങ്ങളിലെ വനപാതകൾ ട്രക്കിങ്ങിന് തുറന്നുകൊടുക്കുന്നവയിൽ ഉൾപ്പെടുമെന്ന് സംസ്ഥാന ചീഫ് വൈൽഡ് ലൈഫ് വാർഡൻ ശ്രീനിവാസ് ആർ. റെഡ്ഡി…