0
0
ബെംഗളൂരു: ഹുബ്ബള്ളിയിൽ നിന്നുള്ള സഞ്ജന ഹിരേമത്ത് എന്ന 23 കാരിയായ യുവതിക്ക് ഒറ്റൊരു ദിവസം ബെംഗളൂരുവിലെ ബ്രിട്ടീഷ് ഡെപ്യൂട്ടി ഹൈക്കമ്മീഷണറുടെ പദവി അലങ്കരിക്കാൻ ആയത് ശ്രദ്ദേയമായി.
ഒരു തൊഴിൽ നയതന്ത്രജ്ഞയുടെ റോളിലാണ് സഞ്ജന തിങ്കളാഴ്ച രംഗത് എത്തിയത്, പ്രവർത്തനത്തിലൂടെ ചലനാത്മകമായ യുകെ-ഇന്ത്യ പങ്കാളിത്തത്തെക്കുറിച്ച് വിലപ്പെട്ട ഉൾക്കാഴ്ചകൾ നേടാനും സഞ്ജനയ്ക്ക് ആയി.
ബംഗളൂരുവിലെ ബ്രിട്ടീഷ് ഡെപ്യൂട്ടി ഹൈക്കമ്മീഷൻ ഓഫീസിൽ ജോലി ചെയ്തിരുന്ന സമയത്ത്, സുസ്ഥിര വികസന ലക്ഷ്യങ്ങൾ (എസ്ഡിജി) മുന്നോട്ട് കൊണ്ടുപോകുന്നതിനുള്ള ആശയങ്ങൾ പങ്കുവെക്കാൻ സഞ്ജനയ്ക്ക് അവസരം ലഭിച്ചു.
ഉച്ചഭക്ഷണ സമയത്ത്, ഓസ്‌ട്രേലിയൻ കോൺസൽ ജനറലായ ഹിലാരി മക്‌ഗെച്ചിയുമായി നേതൃസ്ഥാനത്തുള്ള സ്ത്രീകളെ കുറിച്ച് സംഭാഷണത്തിൽ അവർ ഏർപ്പെട്ടു.
കൂടാതെ ചെവനിംഗ് ഗുരുകുല അഡീഷണൽ ചീഫ് സെക്രട്ടറിയുമായ ഉമാ മഹാദേവനെ (ഐഎഎസ്) കാണാനും സഞ്ജനയ്ക്കവസരമുണ്ടായി.
ലൈബ്രറികളിലൂടെ വിദ്യാഭ്യാസത്തെ ജനാധിപത്യവൽക്കരിക്കൽ, കഴിവുകൾക്ക് വേണ്ട ഉത്തമമായ പരിശീലനം നൽകൽ, ചെവനിംഗ് സ്കോളർഷിപ്പുകളുടെ പ്രാധാന്യം തുടങ്ങിയ വിവിധ വിഷയങ്ങൾ ഉൾക്കൊള്ളുന്ന ഒരു സംഭാഷണത്തിലും അവർ ഏർപ്പെട്ടു.
