Month: January 2024

ചെന്നൈ : തമിഴ്‌നാട് തെങ്കാശിയിൽ വാഹനാപകടത്തിൽ ആറു മരണം. പുളിയങ്കുടിക്ക് സമീപം കാറും ലോറിയും കൂട്ടിയിടിച്ചാണ് അപകടമുണ്ടായത്. കാറിലുണ്ടായിരുന്ന പുളിയങ്കുടി സ്വദേശികളായ കാർത്തിക്, വേൽ, മനോജ്, പോത്തിരാജ്, സുബ്രഹ്മണ്യൻ, മനോഹരൻ എന്നിവരാണ് മരിച്ചത്. പുന്നയെക്കുളത്ത് പുലർച്ചെ നാല് മണിയോടെ കാർ എതിരെ വന്ന സിമന്റ് ലോറിയുമായി കൂട്ടിയിടിച്ചായിരുന്നു അപകടം. കാറിലുണ്ടായിരുന്നവർ സംഭവസ്ഥലത്ത് തന്നെ മരിച്ചു. 16-30 വയസ്സിനിടയിൽ പ്രായമുള്ളവരാണ് മരിച്ചതെന്നാണ് വിവരം. മൃതദേഹങ്ങൾ പോസ്റ്റ്മോർട്ടത്തിനായി തിരുനെൽവേലി സർക്കാർ മെഡിക്കൽ കോളേജ് ആശുപത്രിയിലേക്ക് മാറ്റി.

ചെന്നൈ : കന്യാകുമാരിയിൽനിന്ന് എഗ്‌മോറിലേക്കും തിരിച്ചും പ്രത്യേക തീവണ്ടികൾ സർവീസ് നടത്തും. കന്യാകുമാരിയിൽനിന്ന് ഞായറാഴ്ച രാത്രി 8.30-ന് പുറപ്പെടുന്ന വണ്ടി (06041) പിറ്റേന്ന് രാവിലെ 10-ന് എഗ്‌മോറിലെത്തും. എഗ്‌മോറിൽനിന്ന് തിങ്കളാഴ്ച ഉച്ചയ്ക്ക് ഒന്നിന് പുറപ്പെടുന്ന വണ്ടി(06042) പിറ്റേന്ന് ഉച്ചയ്ക്ക് 2.45-ന് കന്യാകുമാരിയിലെത്തും. രണ്ട് ടു ടിയർ കോച്ചുകളും ആറ് എ.സി.കോച്ചുകളും ഒരു തേഡ് എ.സി.ഇക്കോണമി കോച്ചുകളും ആറ് സ്ലീപ്പർ കോച്ചുകളുമുണ്ടാകും രണ്ട് സെക്കൻഡ് ക്ലാസ് കോച്ചുകളുമുണ്ടാകും. കോയമ്പത്തൂരിൽ നിന്ന് ഞായറാഴ്ച രാത്രി 11.30-ന് പുറപ്പെടുന്ന തീവണ്ടി(06043) പിറ്റേന്ന് രാവിലെ 8.30-ന് ചെന്നൈ സെൻട്രലിലെത്തും. ചെന്നൈ…

ചെന്നൈ: മധുരയിലെ തിരുമംഗലത്തിനടുത്തുള്ള വടക്കാംപട്ടി ഗ്രാമത്തിൽ സ്ഥിതി ചെയ്യുന്ന ശ്രീമുനിയാണ്ടി സ്വാമി ക്ഷേത്രത്തിൽ തൈ, മാസത്തിലെ രണ്ടാം വെള്ളിയാഴ്ചകളിൽ എല്ലാ വർഷവും നടത്തപെടുന്ന രണ്ട് വ്യത്യസ്ത സമുദായങ്ങൾ ബിരിയാണി ഉത്സവം നടത്തി. 89 വർഷമായി നടക്കുന്ന ബിരിയാണി ഉത്സവത്തിന് കഴിഞ്ഞ ഒരാഴ്ചയായി ഭക്തർ വ്രതമെടുത്തു. ഇതേത്തുടർന്ന് വ്രതാനുഷ്ഠാനം നടത്തിയ ഭക്തർ വെള്ളിയാഴ്ച രാവിലെ പാൽ കുടവുമായി ഘോഷയാത്രയായി എത്തി സ്വാമിക്ക് പാൽ അഭിഷേകം നടത്തി ആരാധന നടത്തി. ഇതേത്തുടർന്ന് വൈകീട്ട് നടന്ന ചടങ്ങിൽ ഗ്രാമത്തിലെ യുവാക്കൾ ക്ഷേത്രത്തിലേക്ക് മാലയിട്ട് ഘോഷയാത്രയായി എത്തി. അതുപോലെ സ്ത്രീ…