Month: January 2024

ചെന്നൈ : തമിഴ്‌നാട്ടിൽ 14 തീരദേശജില്ലകളിലെ മത്സ്യത്തൊഴിലാളികൾ രാഷ്ട്രീയപ്പാർട്ടിയുണ്ടാക്കുന്നു. ‘നമ്മുടെ വോട്ട് നമ്മുടെ സ്വന്തം ആളുകൾക്ക്’ എന്ന മുദ്രാവാക്യമുയർത്തിയാണ് പാർട്ടി രൂപവത്കരിക്കുന്നത്. പ്രാരംഭപ്രവർത്തനങ്ങൾ തുടങ്ങി. 2026-ലെ നിയമസഭാ തിരഞ്ഞെടുപ്പിലൂടെ ആദ്യമായി മത്സരിക്കാനും പദ്ധതിയിടുന്നുണ്ട്. ലഘുലേഖകളും നോട്ടീസുകളും വരുംദിവസങ്ങളിൽ വിതരണംചെയ്യും. സംസ്ഥാനത്തെ പ്രമുഖ രാഷ്ട്രീയപ്പാർട്ടികൾ തങ്ങൾക്ക് അർഹമായ അംഗീകാരം നൽകുന്നില്ലെന്നും പ്രശ്നപരിഹാരത്തിന് നടപടിയെടുക്കുന്നില്ലെന്നും മത്സ്യത്തൊഴിലാളികൾ പറയുന്നു. മത്സ്യത്തൊഴിലാളികളുടെ സംഘടിതശക്തിയെ ആരും തിരിച്ചറിയുന്നില്ലെന്നും ഇവർ പറയുന്നു. ഈ ചിന്തയിൽനിന്നാണ് പുതിയ പാർട്ടിയുടെ പിറവിയെന്ന് പ്രമുഖ മത്സ്യത്തൊഴിലാളി യൂണിയൻ നേതാവ് കെ. ഭാരതി പറഞ്ഞു. പരമ്പരാഗത മത്സ്യത്തൊഴിലാളികൾക്ക് പട്ടയം…

ചെന്നൈ: ഭൂഗർഭ മെട്രോ സ്റ്റേഷൻ നിർമാണവുമായി ബന്ധപ്പെട്ട് ആർകെ ശാല, മൈലാപ്പൂർ, മന്തവെളി എന്നിവിടങ്ങളിൽ ഏർപ്പെടുത്തിയ ഗതാഗത നിയന്ത്രണങ്ങൾ മൂലമുള്ള ഗതാഗതക്കുരുക്ക് പരിഹരിക്കാൻ നടപടികൾ സ്വീകരിക്കുമെന്ന് ചെന്നൈ മെട്രോ റെയിൽ ലിമിറ്റഡ് (സിഎംആർഎൽ) അറിയിച്ചു. ഗതാഗതം തിരിച്ചു വിട്ടിട്ടുള്ള ചെറു റോഡുകളിലെ കയ്യേറ്റങ്ങളും അനധിക‍ൃത പാർക്കിങ്ങും ഒഴിപ്പിക്കാനുള്ള നടപടികൾ പൊലീസുമായി ചേർന്ന് നടപ്പാക്കി വരികയാണ്. ഗതാഗത നിയന്ത്രണം ഏർപ്പെടുത്തിയിട്ടുള്ള ജംക്‌ഷനുകളിൽ വാഹന യാത്രക്കാരെ സഹായിക്കാൻ കൂടുതൽ വൊളന്റിയർമാരെ നിയോഗിക്കും. വൺവേ നിയന്ത്രണങ്ങൾ ഉറപ്പാക്കാനും നടപടികൾ സ്വീകരിക്കും. വലിയ വാഹനങ്ങൾക്കു നിയന്ത്രണം ഏർപ്പെടുത്തിയിട്ടുള്ള റൂട്ടുകളിൽ ചെറിയ…

ചെന്നൈ: ഇതിഹാസ നടനും രാഷ്ട്രീയ നേതാവുമായ വിജയകാന്തിന് മരണാനന്തര ബഹുമതിയായി പത്മഭൂഷൺ നൽകി ആദരിച്ചു. അദ്ദേഹം തമിഴ് സിനിമയ്ക്ക് നൽകിയ സംഭാവനകൾ പരിഗണിച്ചാണ് പുരസ്‌കാരം. നടൻ വിജയകാന്ത് ഡിഎംഡികെ നേതാവും തമിഴ്‌നാട്ടിലെ മുൻ പ്രതിപക്ഷ നേതാവുമായിരുന്നു. കഴിഞ്ഞ കുറച്ച് വർഷങ്ങളായി അനാരോഗ്യം അലട്ടിയിരുന്ന വിജയകാന്ത് 71-ാം വയസ്സിൽ കഴിഞ്ഞ വർഷം ഡിസംബർ 28നാണ് മരിച്ചത്. കഴിഞ്ഞ 5 വർഷമായി അദ്ദേഹം പൊതുപരിപാടികളിൽ പങ്കെടുത്തിരുന്നില്ലെങ്കിലും അദ്ദേഹത്തിൻ്റെ മരണം തമിഴകത്തെ മുഴുവൻ ദുഃഖത്തിലാഴ്ത്തി. അദ്ദേഹത്തിൻ്റെ വിയോഗം സിനിമാലോകത്തിന് മാത്രമല്ല, തമിഴകത്തിനാകെ തീരാനഷ്ടമായി വിലയിരുത്തപ്പെട്ടു.  

ചെന്നൈ : കിലാമ്പാക്കം ബസ് ടെർമിനസിൽ നിന്ന് താംബരം റെയിൽവേ സ്റ്റേഷനിലേക്ക് കൂടുതൽ എംടിസി ബസുകൾ ഏർപ്പെടുത്തുമെന്ന് അധികൃതർ പറഞ്ഞു. കിലാമ്പാക്കത്തിനു സമീപമുള്ള സബേർബൻ സ്റ്റേഷനുകൾ വണ്ടലൂരും ഊരപ്പാക്കവുമാണെങ്കിലും ഇവിടെ ഇറങ്ങിയാൽ, തിരക്കേറിയ ജിഎസ്ടി റോഡ് മുറിച്ചുകടക്കാനും ലഗേജുമായി വളരെയേറെ ദൂരം നടന്ന് ബസ് ടെർമിനസിൽ എത്താനും ബുദ്ധിമുട്ടുകൾ ഏറെയാണ്. ഇതു മുന്നിൽക്കണ്ട് നഗരത്തിൽ നിന്നുള്ള ഒട്ടേറെ യാത്രക്കാർ താംബരം സ്റ്റേഷനിലിറങ്ങി എംടിസി ബസുകളിൽ കിലാമ്പാക്കത്തെത്തുന്നുണ്ട്.‍ റോഡ് മുറിച്ചു കടക്കേണ്ടതില്ല എന്ന സൗകര്യവുമുണ്ട്. യാത്രക്കാരുടെ ആവശ്യം കണക്കിലെടുത്ത് ഈ റൂട്ടിൽ കൂടുതൽ സർവീസുകൾ നടത്തുമെന്ന്…

ചെന്നൈ: മാധ്യമപ്രവർത്തകനും ആൾട്ട് ന്യൂസ് വെബ്‌സൈറ്റിൻ്റെ സഹസ്ഥാപകനുമായ മുഹമ്മദ് സുബൈറിന് റിപ്പബ്ലിക് ദിനാഘോഷത്തിൽ തമിഴ്‌നാട് സർക്കാരിൻ്റെ മതസൗഹാർദ്ദത്തിനുള്ള ഫോർട്ട് അമീർ അവാർഡ്. 75-ാം റിപ്പബ്ലിക് ദിനം ഇന്ന് രാജ്യമെമ്പാടും ആഘോഷിക്കുകയാണ്. ഈ അവസരത്തിൽ ചെന്നൈ മറീന ബീച്ചിലെ കാമരാജർ റോഡിലെ തൊഴിലാളി സ്റ്റാച്യുവിന് സമീപം സ്ഥാപിച്ച കൊടിമരത്തിൽ മുഖ്യമന്ത്രി എം കെ സ്റ്റാലിൻ്റെ സാന്നിധ്യത്തിൽ ഗവർണർ ആർ എൻ രവി ദേശീയ പതാക ഉയർത്തി. തുടർന്ന് മതസൗഹാർദത്തിനുള്ള ഫോർട്ട് അമീർ അവാർഡ്, നവീകരിച്ച നെൽകൃഷിക്കുള്ള അവാർഡുകൾ, മദ്യനിരോധനത്തിനുള്ള ഗാന്ധിജി മെഡലുകൾ, മികച്ച പോലീസ് സ്റ്റേഷൻ…