Day: 28 February 2024

ചെന്നൈ : അണ്ണാ ഡി.എം.കെ.യുമായി സഖ്യമില്ലെങ്കിലും പാർട്ടിനേതാക്കളും മുൻ മുഖ്യമന്ത്രിമാരുമായിരുന്ന എം.ജി.ആറിനെയും ജയലളിതയെയും പ്രശംസിച്ച് പ്രധാനമന്ത്രി നരേന്ദ്രമോദി. പാവപ്പെട്ടവർക്ക്‌ മെച്ചപ്പെട്ട ചികിത്സാസൗകര്യവും വിദ്യാഭ്യാസവും ലഭ്യമാക്കിയത് എം.ജി.ആർ. ആയിരുന്നെന്ന്‌ പ്രധാനമന്ത്രി പറഞ്ഞു. ‘പല്ലടത്തെ പരിപാടിയിലേക്ക്‌ വരുമ്പോൾ ആദ്യം മനസ്സിലെത്തിയത് എം.ജി.ആറിനെക്കുറിച്ചായിരുന്നു. അതുകൊണ്ടാണ് എം.ജി.ആറിനെ തമിഴ് മക്കൾ ഇത്രയധികം ആരാധിക്കുന്നതും സ്നേഹിക്കുന്നതും. ഡി.എം.കെ. മുന്നണി അധികാരത്തിൽ വന്നതോടെ എം.ജി.ആർ. അപമാനിക്കപ്പെടുന്ന അവസ്ഥയാണുണ്ടായത്. എം.ജി.ആറും ജയലളിതയും ജനങ്ങളുടെ മനസ്സിലാണുള്ളത്. തമിഴ്‌നാട്ടിൽ ഏറ്റവുംമികച്ച ഭരണം കാഴ്ചവെച്ച അവസാന മുഖ്യമന്ത്രി ജയലളിതയായിരുന്നു’ -പ്രധാനമന്ത്രി കൂട്ടിച്ചേർത്തു.

ചെന്നൈ സെൻട്രലിനുസമീപം മെട്രോ റെയിൽവേ നിർമിച്ച രണ്ടാമത്തെ സബ്‌വേ മുഖ്യമന്ത്രി എം.കെ. സ്റ്റാലിൻ സെക്രട്ടേറിയറ്റിൽ വെച്ച് വീഡിയോ കോൺഫറൻസ് വഴി ഉദ്ഘാടനം ചെയ്യുന്നു ചെന്നൈ : ഈവനിങ് ബസാറിൽനിന്ന് രാജീവ് ഗാന്ധി ഗവ. ജനറൽ ആശുപത്രിയിലേക്കും മദ്രാസ് മെഡിക്കൽ കോളേജിലേക്കും പോകാവുന്ന രണ്ടാമത്തെ സബ്‌വേ മുഖ്യമന്ത്രി എം.കെ.സ്റ്റാലിൻ ഉദ്ഘാടനം ചെയ്തു. ചെന്നൈ സെൻട്രൽ റെയിൽവേ സ്റ്റേഷനിനുസമീപം പൂനമല്ലി ഹൈറോഡിന് കുറുകെ 9.75 കോടി രൂപയ്ക്കാണ് മെട്രോ റെയിൽവേ അടിപ്പാത നിർമിച്ചത്. ദിവസവും നൂറുകണക്കിനാളുകളാണ് ഈവനിങ് ബസാറിന്റെ ഭാഗത്തുനിന്ന് രാജീവ് ഗാന്ധി ആശുപത്രിയിലേക്കും സമീപത്തെ ബസ്…

ചെന്നൈ: തിരഞ്ഞെടുപ്പ് പങ്കാളിത്തം മെച്ചപ്പെടുത്തുന്നതിനായി നഗരത്തിലെ എല്ലാ പോളിങ് സ്റ്റേഷനുകളിലും ഒരു മാസത്തേക്ക് വോട്ടർമാരുടെ വിദ്യാഭ്യാസ പരിപാടികൾ സംഘടിപ്പിക്കും. ചീഫ് ഇലക്ടറൽ ഓഫീസർ (സിഇഒ) സത്യബ്രത സാഹു തിങ്കളാഴ്ച ഗ്രേറ്റർ ചെന്നൈ കോർപ്പറേഷൻ കമ്മീഷണർ ജെ. രാധാകൃഷ്ണൻ്റെ സാന്നിധ്യത്തിൽ നഗരത്തിലെ മൂന്ന് പാർലമെൻ്റ് മണ്ഡലങ്ങളിൽ അവബോധം സൃഷ്ടിക്കുന്നതിനായി റിപ്പൺ ബിൽഡിംഗിൽ മൂന്ന് വാഹനങ്ങൾ ഫ്ലാഗ് ഓഫ് ചെയ്തു. ചെന്നൈ പോലുള്ള നഗരപ്രദേശങ്ങളിൽ വോട്ടിംഗ് ശതമാനം കുറവാണ്. നഗരത്തിലെ പാർലമെൻ്റ് മണ്ഡലങ്ങളിൽ തിരഞ്ഞെടുപ്പ് സമയത്ത് നഗര അനാസ്ഥയുണ്ട്. വാഹനങ്ങളിൽ ഇലക്‌ട്രോണിക് വോട്ടിംഗ് മെഷീനുകളും (ഇവിഎം) വോട്ടർ…

ചെന്നൈ: പ്രധാനമന്ത്രി നരേന്ദ്രമോദിയുടെ തമിഴ്‌നാട് സന്ദര്‍ശനം തുടരുന്നു. തൂത്തുക്കുടിയിൽ 17,300 കോടി രൂപയുടെ വികസനപദ്ധതികൾ നരേന്ദ്രമോദി ഉദ്ഘാടനം ചെയ്യും. തിരുനെൽവേലിയിലെ പൊതുയോഗത്തിലും പ്രധാനമന്ത്രി പ്രസംഗിക്കും. തെക്കൻ തമിഴ്നാട്ടിലെ പ്രളയത്തിൽ കേന്ദ്രസഹായം ലഭിച്ചില്ലെന്ന പരാതിക്കിടെയാണ് പ്രധാനമന്ത്രി നരേന്ദ്രമോദിയുടെ സന്ദർശനം. ഉച്ചയോടെ തിരുനെൽവേലിയിൽ നിന്ന് പ്രധാനമന്ത്രി മഹാരാഷ്ടയിലേക്ക് പോകും.

ചെന്നൈ: രാജീവ്‌ ഗാന്ധി വധക്കേസിൽ ജയിൽമോചിതനായ ശാന്തൻ മരിച്ചു. ചെന്നൈയിലെ ആശുപത്രിയിൽ തീവ്രപരിചരണവിഭാഗത്തിൽ ചികിത്സയിൽ കഴിയുകയായിരുന്നു ശാന്തൻ. കരൾ രോഗത്തിനുള്ള ചികിത്സയിലാണ് ശാന്തനുണ്ടായിരുന്നതെന്നാണ് ആരോഗ്യമന്ത്രി മാ സുബ്രമണ്യൻ വിശദമാക്കിയത്. ശാന്തന് ശ്രീലങ്കയിലേക്ക് പോകാനുള്ള എക്‌സിറ്റ് പെർമിറ്റ്‌ കേന്ദ്രം നൽകിയിരുന്നു. രാജീവ് ഗാന്ധി വധക്കേസിൽ ശിക്ഷാ കാലാവധി പൂർത്തിയാക്കുന്നതിന് മുമ്പ് വിട്ടയച്ച ഏഴ് പ്രതികളിൽ ഒരാളായിരുന്നു ശാന്തൻ എന്ന സുതേന്ദിര രാജ. ബുധനാഴ്ച രാവിലെ രാജീവ് ഗാന്ധി ഗവൺമെന്റ് ജനറൽ ആശുപത്രിയിലായിരുന്നു അന്ത്യം. പ്രായമായ അമ്മയെ കാണാനായി ശ്രീലങ്കയിലെത്താനും അവിടെ താമസിക്കാനും ശാന്തൻ നേരത്തെ ശ്രീലങ്കൻ…