Day: 7 April 2024

ചെന്നൈ : രാജ്യത്ത് തൊഴിലില്ലായ്മ വർധിച്ചെന്ന കോൺഗ്രസിന്റെ ആരോപണത്തെ പരിഹസിച്ച് ബി.ജെ.പി. തമിഴ്നാട് അധ്യക്ഷൻ കെ. അണ്ണാമലൈ. ഇന്ത്യയിൽ ജോലിയില്ലാത്തത് കോൺഗ്രസ് നേതാക്കളായ രാഹുൽ ഗാന്ധിക്കും പി. ചിദംബരത്തിനുമാണെന്ന് പ്രചാരണത്തിനിടെ അണ്ണാമലൈ മാധ്യമപ്രവർത്തകരോട് പറഞ്ഞു. പത്തുവർഷത്തിനിടെ തൊഴിലില്ലായ്മ രൂക്ഷമായി വർധിച്ചെന്ന് കഴിഞ്ഞദിവസം ചിദംബരം ആരോപിച്ചിരുന്നു. യുവാക്കൾക്ക് ജോലിയുണ്ടെന്നും മോദിസർക്കാരിനുകീഴിൽ രാജ്യം വളർച്ച കൈവരിക്കുകയാണെന്നും അണ്ണാമലൈ അവകാശപ്പെട്ടു. രാഹുൽഗാന്ധിക്കും ചിദംബരത്തിനും ഒരു ജോലിയുമില്ലാത്തതിനാൽ മറ്റുള്ളവർക്കും തൊഴിലില്ലെന്നാണ് ഇവർ കരുതുന്നതെന്നും അണ്ണാമലൈ പറഞ്ഞു.

ചെന്നൈ: 2001-ലെ മേൽപ്പാലം അഴിമതിക്കേസിൽ മുൻ മുഖ്യമന്ത്രി എം. കരുണാനിധി, അന്നത്തെ ചെന്നൈ മേയർ എം.കെ. സ്റ്റാലിൻ, കെ. പൊൻമുടി എന്നിവരെ പ്രോസിക്യൂട്ട് ചെയ്യാൻ അനുമതി നിഷേധിച്ച സ്പീക്കറുടെ 2006-ലെ ഉത്തരവ് റദ്ദാക്കാനാവശ്യപ്പെട്ട് പൊതുതാത്പര്യ ഹർജി. കോയമ്പത്തൂരിലെ മാണിക്കം അത്തപ്പ ഗൗണ്ടർ എന്നയാളാണ് മദ്രാസ് ഹൈക്കോടതിയിൽ പൊതുതാത്‌പര്യ ഹർജി നൽകിയത്. ഇതിൽ വാദംകേട്ട ചീഫ് ജസ്റ്റിസ് ഗംഗാപൂർവാല, ജസ്റ്റിസ് സത്യനാരായണ പ്രസാദ് എന്നിവരുടെ ബെഞ്ച് 17 വർഷത്തിനുശേഷം ഹർജിയുമായി എത്തിയതിനുപിന്നിലെ യുക്തിയെ ചോദ്യംചെയ്തു. എന്നാൽ ഹർജിക്കാരന് വേണ്ടി ഹാജരായ അഭിഭാഷകൻ എം.ആർ. വെങ്കിടേഷ് കാലപ്പഴക്കം…

ചെന്നൈ: ലോക്‌സഭാ തെരഞ്ഞെടുപ്പിൽ ആധാർ ഉൾപ്പെടെ 12 രേഖകളിൽ ഒന്ന് മതി, വോട്ടർ ഐഡി കാർഡ് ഇല്ലാത്തവർക്ക് ആധാറും റേഷൻ കാർഡും ഉൾപ്പെടെയുള്ള 12 രേഖകളിൽ ഒന്ന് ഉപയോഗിച്ച് വോട്ട് ചെയ്യാമെന്ന് തിരഞ്ഞെടുപ്പ് കമ്മീഷൻ അറിയിച്ചു. ലോക്‌സഭാ തെരഞ്ഞെടുപ്പിന് മുന്നോടിയായി ബൂത്ത് സ്ലിപ്പ് നൽകുന്നതിനുള്ള നടപടികൾ ഇന്ത്യൻ തിരഞ്ഞെടുപ്പ് കമ്മീഷൻ ഊർജിതമാക്കി. തിരഞ്ഞെടുപ്പ് കമ്മീഷൻ നൽകുന്ന വോട്ടർ ഐഡി കാർഡ് ഉപയോഗിച്ച് വോട്ട് ചെയ്യാമെന്ന് നേരത്തെ അറിയിച്ചിരുന്നു. ഈ സാഹചര്യത്തിൽ, ഒരു വോട്ടറുടെയും ജനാധിപത്യ അവകാശം നിഷേധിക്കപ്പെടാതിരിക്കാൻ തിരഞ്ഞെടുപ്പ് കമ്മീഷൻ കൂടുതൽ ക്രമീകരണങ്ങൾ ഏർപ്പെടുത്തിയിട്ടുണ്ട്.…

ചെന്നൈ : കേന്ദ്ര ധനമന്ത്രി നിർമലാ സീതാരാമൻ ബ്ലേഡ് പലിശക്കാരെപ്പോലെ കള്ളക്കണക്കുകൾ പറയുകയാണെന്ന് തമിഴ്‌നാട് മുഖ്യമന്ത്രി എം.കെ. സ്റ്റാലിൻ. സംസ്ഥാനം അടിയന്തരഘട്ടത്തിൽ കേന്ദ്രസഹായം ചോദിക്കുമ്പോൾ ഒരുബന്ധവുമില്ലാത്ത കണക്കുകളാണ് പറയുന്നത്. ജനങ്ങൾക്ക് ദുരിതാശ്വാസ സഹായം നൽകുന്നതിനെ ഭിക്ഷയെന്നാണ് നിർമലാ സീതാരാമൻ വിശേഷിപ്പിക്കുന്നത്. തമിഴ്‌നാട് സർക്കാർ വിദേശത്തുനിന്ന് സ്വീകരിക്കുന്ന വായ്പയെ ധനമന്ത്രി കേന്ദ്രസഹായമായി ചിത്രീകരിക്കുന്നെന്നും സ്റ്റാലിൻ കുറ്റപ്പെടുത്തി.