Day: 7 June 2024

ചെന്നൈ : ആന്ധ്രാപ്രദേശിൽ വീണ്ടും മുഖ്യമന്ത്രിയാകാനൊരുങ്ങുന്ന ചന്ദ്രബാബു നായിഡുവുമായി തമിഴ്‌നാട് മുഖ്യമന്ത്രി എം.കെ. സ്റ്റാലിൻ കൂടിക്കാഴ്ചനടത്തി. കഴിഞ്ഞദിവസം ഇന്ത്യസഖ്യത്തിന്റെ യോഗത്തിൽ പങ്കെടുക്കാനാണ് സ്റ്റാലിൻ ഡൽഹിയിലെത്തിയത്. എൻ.ഡി.എ. യോഗത്തിൽ പങ്കെടുക്കാൻ നായിഡുവും എത്തി. യോഗങ്ങൾക്കുശേഷം ഇരുവരും തിരികെ സ്വന്തം സംസ്ഥാനങ്ങളിലേക്ക് മടങ്ങുന്നതിനായി ഡൽഹി വിമാനത്താവളത്തിൽ എത്തിയപ്പോഴാണ് കൂടിക്കാഴ്ചനടത്തിത്. വി.ഐ.പി. ലോഞ്ചിലായിരുന്നു സ്റ്റാലിനും നായിഡുവും തമ്മിൽ കണ്ടത്. തിരഞ്ഞെടുപ്പുവിജയത്തിൽ നായിഡുവിനെ അഭിനന്ദിച്ച സ്റ്റാലിൻ ബൊക്കെനൽകി ആദരിക്കുകയുംചെയ്തു. കൂടിക്കാഴ്ചയ്ക്കുശേഷം സാമൂഹിക മാധ്യമത്തിലൂടെ സ്റ്റാലിനാണ് ഇരുവരുംതമ്മിൽ കണ്ടിരുന്നുവെന്ന് വെളിപ്പെടുത്തിയത്. ഒന്നിച്ചുള്ള ചിത്രങ്ങളും പങ്കുവെച്ചു. നായിഡുവിന് ആശംസകൾ അറിയിച്ചുവെന്നും സഹോദരസംസ്ഥാനങ്ങളായ തമിഴ്‌നാടും…

ചെന്നൈ : അസിസ്റ്റന്റ് പ്രൊഫസർമാരാകാനുള്ള തമിഴ്‌നാട് സ്റ്റേറ്റ് എലിജിബിലിറ്റി ടെസ്റ്റ് (ടി.എൻ. സെറ്റ്) പരീക്ഷ മാറ്റിവെച്ചു. ഏഴിനും എട്ടിനും നടത്താനുള്ള പരീക്ഷയാണ് മാറ്റിവെച്ചതായി തിരുനെൽവേലി മനോൻമണീയം സുന്ദനാർ സർവകലാശാല രജിസ്ട്രാർ ആണ് അറിയിച്ചത്. സെറ്റ് പരീക്ഷ നടത്താനുള്ള നോഡൽ എജൻസിയായി സംസ്ഥാന സർക്കാർ മനോൻമണീയം സർവകലാശാലയെയാണ് നിയോഗിച്ചിരിക്കുന്നത്. മാറ്റിവെച്ച സെറ്റ് പരീക്ഷ എന്ന് നടക്കുമെന്ന് അറിയിച്ചിട്ടില്ല.

ചെന്നൈ: കോയമ്പത്തൂരിൽ ബിജെപി സംസ്ഥാന പ്രസിഡൻ്റ് അണ്ണാമലൈ തോറ്റതോടെ തിരുച്ചെന്തൂരിന് സമീപം ബിജെപി എക്‌സിക്യൂട്ടീവ് തല മൊട്ടയടിച്ച് ചന്തയിൽ കറങ്ങിയത് സംഘർഷത്തിനിടയാക്കി. തൂത്തുക്കുടി ജില്ലയിലെ തിരുച്ചെന്തൂരിനടുത്തുള്ള പരമൻകുറിച്ചി മുൻരിത്തോട്ടം ഗ്രാമത്തിൽ നിന്നുള്ളയാളാണ് ജയശങ്കർ. ബിജെപിയുടെ കേന്ദ്ര സർക്കാരിൻ്റെ ക്ഷേമ വിഭാഗമായ യൂണിയൻ സിറ്റിസൺസ് യൂണിയൻ്റെ ജനറൽ സെക്രട്ടറിയാണ്.   ഇക്കഴിഞ്ഞ ലോക്‌സഭാ തിരഞ്ഞെടുപ്പ് വേളയിൽ, തമിഴ്‌നാട് ബി.ജെ.പി നേതാവ് അണ്ണാമലൈ കോയമ്പത്തൂരിൽ തീർച്ചയായും വിജയിക്കുമെന്ന് അദ്ദേഹം അതേ പട്ടണത്തിലെ തൻ്റെ ബദൽ പാർട്ടി സുഹൃത്തുക്കളോട് പറഞ്ഞു. ജയിച്ചില്ലെങ്കിൽ പരമൻകുറിശ്ശി ബസാറിൽ തലവെച്ച് തല മൊട്ടയടിച്ച്…

ചെന്നൈ : നമ്പർ പ്ലേറ്റിൽ സ്റ്റിക്കർ ഒട്ടിച്ച് ഓടുന്ന എല്ലാവാഹനങ്ങളും പിടിച്ചെടുക്കണമെന്ന് മദ്രാസ് ഹൈക്കോടതി വിധിച്ചു. രാഷ്ട്രീയ പാർട്ടികൾ, അഭിഭാഷകർ, മാധ്യമപ്രവർത്തകർ, ചലച്ചിത്ര താരങ്ങൾ, പരസ്യംഒട്ടിച്ച് വാഹനങ്ങളിൽ യാത്ര ചെയ്യുന്നവർ നമ്പർ പ്ലേറ്റിൽ അതാത് മേഖലകളെ പ്രതിനിധീകരിക്കുന്നതായി വ്യക്തമാക്കികൊണ്ട് സ്റ്റിക്കറുകൾ ഒട്ടിക്കുന്നുണ്ട്. ഇവർ പ്രത്യേക അവകാശമായി കരുതി പലപ്പോഴും റോഡുനിയമങ്ങൾ ലംഘിക്കുന്നതായി കണ്ടെത്തിയിട്ടുമുണ്ട്. വാഹനങ്ങളിലെ ഇത്തരം സ്റ്റിക്കറുകൾ നീക്കംചെയ്യണമെന്ന് മദ്രാസ് ഹൈക്കോടതി ഉത്തരവിട്ടിരുന്നു. എന്നാൽ ഇത് കൃത്യമായി നടപ്പിലാക്കാത്തതിനാൽ ദേവദാസ് എന്നയാൾ സമർപ്പിച്ച പൊതുതാത്പര്യ ഹർജിയിലാണ് മദ്രാസ് ഹൈക്കോടതി ഇത് സംബന്ധിച്ച് ഉത്തരവിട്ടത്. വാഹനങ്ങൾ…

ചെന്നൈ : ലോക്‌സഭാ തിരഞ്ഞെടുപ്പിൽ പരാജയപ്പെട്ടിട്ടും മറ്റു നേതാക്കളുമായി കൂടിയാലോചിക്കാതെ സ്വന്തം തീരുമാനങ്ങളുമായി മുന്നോട്ടുപോകുന്ന തമിഴ്‌നാട് ബി.ജെ.പി. പ്രസിഡന്റ് അണ്ണാമലൈയ്ക്കെതിരേ പ്രവർത്തകരുടെ പ്രതിഷേധം ശക്തമാകുന്നു. പരസ്പരബഹുമാനമില്ലാതെ മറ്റു രാഷ്ട്രീയപ്പാർട്ടികൾക്കും നേതാക്കൾക്കുമെതിരേ ആരോപണങ്ങൾ ഉന്നയിക്കുന്നത് പൊതുജനങ്ങൾക്കിടയിൽ ബി.ജെ.പി.യുടെ സൽപ്പേര് ഇല്ലാതാക്കുമെന്ന് പ്രവർത്തകർ കുറ്റപ്പെടുത്തുന്നു. അണ്ണാ ഡി.എം.കെ. സഖ്യത്തിൽനിന്ന് പുറത്തുവന്ന ബി.ജെ.പി.ക്ക് തിരഞ്ഞെടുപ്പിൽ പ്രതീക്ഷിച്ച നേട്ടമുണ്ടായില്ല. സ്വന്തം തീരുമാനങ്ങൾക്ക് തിരിച്ചടി നേരിട്ടിട്ടും നിലപാട് മാറ്റാത്ത അണ്ണാമലൈ അണ്ണാ ഡി.എം.കെ.യ്ക്കെതിരേ പ്രസ്താവന നടത്തുന്നതിലൂടെ എന്ത് നേട്ടമാണുണ്ടാകുകയെന്ന് പ്രവർത്തകർ ചോദിക്കുന്നു. അണ്ണാമലൈ ഇത്തരത്തിൽ മുന്നോട്ടുപോകുകയാണെങ്കിൽ നേതൃമാറ്റം അനിവാര്യമാണെന്നും പ്രവർത്തകർക്കിടയിൽ സ്വീകാര്യനായ…