Day: 20 June 2024

ചെന്നൈ : കള്ളക്കുറിച്ചിയിൽ വ്യാജമദ്യം കഴിച്ച് ആരോഗ്യപ്രശ്‌നങ്ങൾ നേരിട്ടു സർക്കാർ ആശുപത്രിയിൽ ചികിത്സയിൽ കഴിയുന്നവരെ നടനും തമിഴ്‌നാട് വെട്രി കഴകം പ്രസിഡൻ്റുമായ വിജയ് നേരിട്ട് കണ്ടു. കൊല്ലപ്പെട്ടവരുടെ ബന്ധുക്കൾക്ക് അനുശോചനം രേഖപ്പെടുത്തി. കള്ളക്കുറിച്ചി കരുണാപുരം ഭാഗത്ത് വ്യാജമദ്യം കുടിച്ച് 42 പേർ മരിച്ച സംഭവം പ്രദേശത്ത് ദുരന്തം വിതച്ചു. മദ്യം കഴിച്ചവരിൽ പലർക്കും ഛർദ്ദി, തലകറക്കം, തലവേദന, വയറുവേദന എന്നിവ അനുഭവപ്പെട്ടതിനെ തുടർന്നാണ് കള്ളക്കുറിച്ചി സർക്കാർ ആശുപത്രി, വില്ലുപുരം സർക്കാർ ആശുപത്രി, പുതുച്ചേരി ജിപ്മർ ആശുപത്രി, സേലം സർക്കാർ മെഡിക്കൽ കോളജ് ആശുപത്രി എന്നിവിടങ്ങളിൽ…

ചെന്നൈ : ഇന്ത്യൻ മാജിക് അക്കാദമിയുടെ 2024-ലെ മാന്ത്രികരത്ന പുരസ്കാരത്തിന് തമിഴ്‌നാട്ടിലെ മജീഷ്യൻമാരായ വിഘ്നേഷ് പ്രഭുവും അശോക് മുത്തു സാമിയും അർഹരായി. മുതിർന്ന ജാലവിദ്യക്കാരായ ആർ.കെ. മലയത്ത്, മിത്ര എന്നിവരുടെ നേതൃത്വത്തിലുള്ള പാനലാണ് പുരസ്‌കാരജേതാക്കളെ തിരഞ്ഞെടുത്തത്. സ്വർണമെഡലും ശില്പവും പ്രശസ്തിപത്രവും അടങ്ങുന്ന പുരസ്‌കാരം ചെന്നൈയിൽ നടക്കുന്ന ചടങ്ങിൽ ദേവസ്വംമന്ത്രി പി.കെ. ശേഖർ ബാബു സമ്മാനിക്കും. സംഗീത സംവിധായകൻ ശരത് വിശിഷ്ടാതിഥിയാകും. ഒട്ടേറെ മജിഷ്യൻമാരുടെ ഇന്ദ്രജാലപ്രകടനവും ഉണ്ടായിരിക്കും.

ചെന്നൈ: തമിഴ്‌നാട്ടിലെ കള്ളക്കുറിശ്ശിയിലുണ്ടായ മദ്യദുരന്തത്തിനിരയായത് അനധികൃതമായി നിര്‍മ്മിച്ച പാക്കറ്റ് ചാരായം കുടിച്ചവര്‍. ജില്ലാ കലക്ടര്‍ എം എസ് പ്രശാന്താണ് ഇക്കാര്യം സ്ഥിരീകരിച്ചത്. കരുണാപുരം സ്വദേശി സുരേഷ് ആണ് വ്യാജമദ്യം കഴിച്ച് ആദ്യം മരിച്ചത്. വ്യാജമദ്യം കഴിച്ചാണ് മരണമെന്ന് തിരിച്ചറിഞ്ഞിരുന്നില്ല. സുരേഷിന്റെ സംസ്‌കാര ചടങ്ങിനെത്തിയവരും വ്യാജമദ്യം കഴിച്ചിരുന്നു. കൂലിവേലയെടുച്ച് ഉപജീവനം കഴിച്ചിരുന്നവരാണ് ദുരന്തത്തിനിരയായത്. ചൊവ്വാഴ്ച രാത്രി മദ്യപിച്ച് വീട്ടിലെത്തിയ ചിലര്‍ക്ക് തലകറക്കം, തലവേദന, ഛര്‍ദി, വയറുവേദന തുടങ്ങിയ പ്രശ്‌നങ്ങള്‍ അനുഭവപ്പെടുകയും 4 പേര്‍ മരിക്കുകയും ചെയ്തതോടെയാണ് സംഭവം പുറത്തറിയുന്നത്. ചെന്നൈയില്‍നിന്ന് 250 കിലോമീറ്റര്‍ അകലെയാണ്, മദ്യദുരന്തമുണ്ടായ…

ചെന്നൈ : വാടക മുടക്കിയതിന്റെപേരിൽ വീട്ടുടമ പടിക്കെട്ടുകൾ തകർത്തതോടെ വാടകക്കാരായ കുടുംബം ഒന്നാംനിലയിൽ കുടുങ്ങി. കാഞ്ചീപുരം വാനവിൽ നഗറിലുള്ള ശ്രീനിവാസന്റെ ഉടമസ്ഥതയിലുള്ള വീടിന്റെ ഒന്നാം നിലയിൽ താമസിച്ചിരുന്ന വേണുഗോപാലും ഭാര്യയും രണ്ടുമക്കളുമാണ് വീട്ടിൽ കുടുങ്ങിയത്. ഇവർ ഫോണിൽ വിളിച്ച്‌ സഹായമഭ്യർഥിച്ചതിനെത്തുടർന്ന് പോലീസ് ഇടപെടുകയും അഗ്നിരക്ഷാസേനയെ വിളിച്ചുവരുത്തി നാലുപേരെയും പുറത്തെത്തിക്കുകയുമായിരുന്നു. പക്ഷാഘാതത്തെത്തുടർന്ന് ജോലിക്കുപോകാൻ സാധിക്കാതെവന്നതോടെ കഴിഞ്ഞ ആറുമാസമായി വേണുഗോപാലൻ വാടകനൽകിയിരുന്നില്ല. വാടക മുടക്കിയതിനാൽ വീടൊഴിയാൻ ശ്രീനിവാസൻ ആവശ്യപ്പെട്ടു. എന്നാൽ കൂടുതൽ സമയംനൽകണമെന്ന് വേണുഗോപാലൻ അഭ്യർഥിച്ചു. തുടർന്നാണ് കഴിഞ്ഞദിവസം പുലർച്ചെ പത്തോളംപേരുമായി എത്തി ശ്രീനിവാസൻ വീടിന്റെ പടിക്കെട്ടുതകർത്തത്.…

ബെംഗളൂരു∙ തമിഴ്നാട്ടിലൂടെയുള്ള അന്തർസംസ്ഥാന ബസ് യാത്ര പ്രശ്നം രൂക്ഷമാകുന്നു. തിരുവനന്തപുരത്തുനിന്നും ബെംഗളൂരുവിലേക്ക് പോയ ബസുകൾ ഇന്നലെ അർധരാത്രി തമിഴ്നാട് തടഞ്ഞു. വൺ ഇന്ത്യ വൺ ടാക്സിനെ ചൊല്ലിയുള്ള തർക്കമാണ് കാരണം. അർധരാത്രി യാത്രക്കാരെ ബസിൽനിന്ന് ഇറക്കിവിട്ടു. തമിഴ്നാട് നാഗർകോവിൽ ഭാഗത്തായാണ് ബസ് തടഞ്ഞത്. വിദ്യാർഥികൾ ഉൾപ്പെടെ നിരവധി മലയാളികളാണ് ഭൂരിഭാഗം യാത്രക്കാരും. മറ്റ് ഏതെങ്കിലും ബസിൽ യാത്ര തുടരാനാണ് തമിഴ്നാട് എംവിഡി ഉദ്യോഗസ്ഥർ ആവശ്യപ്പെട്ടത്. കഴിഞ്ഞദിവസം കേരളത്തിൽനിന്നു തമിഴ്നാട്ടിലേക്കുള്ള അന്തർ സംസ്ഥാന ബസ് സർവീസുകൾ വ്യാപകമായി റദ്ദാക്കിയത് യാത്രക്കാരെ ബുദ്ധിമുട്ടിലാക്കിയിരുന്നു. ബസുകളുടെ നികുതിയുമായി ബന്ധപ്പെട്ട…

ചെന്നൈ : ദേശീയപെൻഷൻ പദ്ധതിയിൽ തമിഴ്നാട്ടിൽനിന്ന് 33 ശതമാനം സ്ത്രീകൾ അംഗങ്ങളായതായി പെൻഷൻ ഫണ്ട് മാനേജ്മെന്റ് ആൻഡ് ഡിവലപ്മെന്റ് അതോറിറ്റി ചെയർമാൻ ദീപക് മൊഹന്തി പറഞ്ഞു. സ്ത്രീകൾക്ക് പെൻഷൻ അത്യാവശ്യമാണ്. ഇന്ത്യയിൽ 25 ശതമാനം സ്ത്രീകൾ മാത്രമാണ് പദ്ധതിയിൽ ചേർന്നിട്ടുള്ളത്. എന്നാൽ തമിഴ്‌നാട്ടിൽ 33 ശതമാനം സ്ത്രീകൾ അംഗങ്ങളായി. തമിഴ്നാട്ടിലെ 2,600 കോർപ്പറേറ്റ് കമ്പനികൾ പദ്ധതിയിൽ ചേർന്നു. ഇതിലൂടെ 56 ലക്ഷം ജീവനക്കാർക്ക് പ്രയോജനം ലഭിക്കും. പെൻഷൻ പദ്ധതി വളരെ ലളിതമാണ്. 500 രൂപ മുതൽ നിക്ഷേപം ആരംഭിക്കാമെന്നും ഇതിലൂടെ ഉയർന്ന വരുമാനം നേടാനാവുമെന്നും…