Month: July 2024

ചെന്നൈ : മേട്ടൂർ അണക്കെട്ടിലെത്തുന്ന വെള്ളത്തിൻ്റെ അളവ് സെക്കൻഡിൽ 1,18,296 ഘനയടിയായി ഉയർന്നു. നീരൊഴുക്ക് ഈ നിലയിൽ തുടർന്നാൽ നാല് ദിവസത്തിനകം അണക്കെട്ട് നിറയാൻ സാധ്യതയുണ്ടെന്ന് ജലവിഭവ വകുപ്പ് ഉദ്യോഗസ്ഥർ പറഞ്ഞു. അണക്കെട്ടിൻ്റെ ജലശേഷി 63.69 ടിഎംസിയിൽ നിന്ന് 67.06 ടിഎംസിയായി ഉയർന്നു. കർണാടകയിൽ കനത്ത മഴയെ തുടർന്ന് അണക്കെട്ടുകളിലെ ജലനിരപ്പ് ഉയർന്നു. കബനി, കെആർഎസ് അണക്കെട്ടുകളിൽ നിന്ന് അധികജലം തുറന്നുവിടുന്നതിനാൽ കഴിഞ്ഞ കുറച്ച് ദിവസങ്ങളായി കാവേരിയിലെ നീരൊഴുക്ക് വർധിച്ചുവരികയാണ്. ഇതുമൂലം കാവേരി നദി കരകവിഞ്ഞൊഴുകുകയും മേട്ടൂർ അണക്കെട്ടിലേക്കുള്ള നീരൊഴുക്ക് 10 ദിവസമായി വർധിക്കുകയും…

ചെന്നൈ : സിറ്റി പോലീസിന്റെ നേതൃത്വത്തിൽ റൈഫിൾ ക്ലബ്ബിൽ പോലീസുകാർക്ക് തോക്ക് ഉൾപ്പെടെയുള്ള ആയുധങ്ങൾ ഉപയോഗിക്കുന്നതിൽ പരിശീലനം നൽകി. ഒൻപത് അസിസ്റ്റന്റ് കമ്മിഷണർമാർ, 20 ഇസ്പെക്ടർമാർ, 40 സബ് ഇൻസ്പെക്ടർമാർ തുടങ്ങി 71 പേരാണ് പരിശീലനത്തിൽ പങ്കെടുത്തത്.

ചെന്നൈ : കാഞ്ചീപുരം ജില്ലയിലെ സോമംഗലത്തിനടുത്തുള്ള സ്‌പ്രേ പെയിന്റ് ഫാക്ടറിയിൽ വൻതീപ്പിടിത്തം. ലക്ഷക്കണക്കിനു രൂപയുടെ സാധനങ്ങൾ കത്തിനശിച്ചു. പുകമൂലം പ്രദേശവാസികൾക്ക് ശ്വാസതടസ്സം അനുഭവപ്പെട്ടു. സ്‌പ്രേ പെയിന്റ് കുപ്പികളിൽ നിന്നുള്ള വാതകച്ചോർച്ചയാണ് തീപ്പിടിത്തത്തിനു കാരണമെന്നാണ് നിഗമനം. 30-ലധികം ജീവനക്കാരെ ഉടനടി ഒഴിപ്പിച്ചതിലൂടെ വൻദുരന്തം ഒഴിവാക്കാനായതായി പോലീസ് പറഞ്ഞു. അഗ്നിരക്ഷാ സേനാംഗങ്ങൾ എത്തി മണിക്കൂറുകളെടുത്താണ് തീയണച്ചത്.

ചെന്നൈ : നിതി ആയോഗ് യോഗത്തിൽ ബംഗാൾ മുഖ്യമന്ത്രി മമതാ ബാനർജിയുടെ പ്രസംഗം ഇടയ്ക്ക് നിർത്താൻ ആവശ്യപ്പെട്ടതിൽ തമിഴ്‌നാട് മുഖ്യമന്ത്രി എം.കെ. സ്റ്റാലിൻ പ്രതിഷേധിച്ചു. ഒരു മുഖ്യമന്ത്രിയോട് ഇങ്ങനെയാണോ പെരുമാറേണ്ടതെന്ന് സ്റ്റാലിൻ എക്സിൽ കുറിച്ചു. ജനാധിപത്യത്തിൽ പ്രതിപക്ഷ പാർട്ടികൾക്ക് നിർണായക സ്ഥാനമുണ്ട്. പ്രതിപക്ഷത്തെ ശത്രുക്കളെപ്പോലെ കാണാനും നിശ്ശബ്ദരാക്കാനും പാടില്ല. നിതി ആയോഗ് യോഗത്തിൽ മമതയുടെ പ്രസംഗം തടഞ്ഞതിൽ പ്രതിഷേധം അറിയിച്ച് സ്റ്റാലിൻഫെഡറൽ ഭരണക്രമത്തിൽ ചർച്ചകൾ ആവശ്യമാണെന്നും എല്ലാ അഭിപ്രായങ്ങളെയും മാനിക്കണമെന്നും സ്റ്റാലിൻ അഭിപ്രായപ്പെട്ടു.

ചെന്നൈ : താംബരം റെയിൽവേ യാർഡിലെ അറ്റകുറ്റപ്പണിമൂലം ഓഗസ്റ്റ് ഒന്നുമുതൽ 15 വരെ രണ്ടുതീവണ്ടികൾ റദ്ദാക്കും. 10 തീവണ്ടികൾ വഴിതിരിച്ചുവിടും. 17 തീവണ്ടികൾ ഓഗസ്റ്റ് ഒന്നുമുതൽ 15 വരെ നിശ്ചിതദൂരത്തേക്ക് താത്കാലികമായി റദ്ദാക്കും. എഗ്‌മോർ-മംഗളൂരു സെൻട്രൽ എക്സ്‌പ്രസ് എഗ്‌മോർ-മംഗളൂരു എക്സ്‌പ്രസ് (16159) ഓഗസ്റ്റ് ഒന്നുമുതൽ 14 വരെ സർവീസ് ആരംഭിക്കുക തിരുച്ചിറപ്പള്ളി റെയിൽവേ സ്റ്റേഷനിൽ നിന്നായിരിക്കുമെന്ന് റെയിൽവേ അറിയിച്ചു. എഗ്‌മോറിനും തിരുച്ചിറപ്പള്ളിക്കുമിടയിൽ തീവണ്ടി സർവീസ് നടത്തില്ല. മംഗളൂരു സെൻട്രൽ-എഗ്‌മോർ എക്സ്‌പ്രസ് (16160) ഓഗസ്റ്റ് ഒന്നുമുതൽ 13 വരെ തിരുച്ചിറപ്പള്ളിവരെമാത്രമേ സർവീസ് നടത്തുകയുള്ളു. തിരുച്ചിറപ്പള്ളിക്കും എഗ്‌മോറിനുമിടയിൽ…