Month: September 2024

ചെന്നൈ : കനത്തമഴയെത്തുടർന്ന് ചെന്നൈയിൽ വിമാന സർവീസുകൾ വൈകി. ഇവിടെനിന്ന് പുറപ്പെട്ട 20 സർവീസുകളും ഇറങ്ങേണ്ട 15 സർവീസുകളുമാണ്  വൈകിയത്. ബുധനാഴ്ച രാത്രിമുതൽ വ്യാഴാഴ്ച രാവിലെ വരെയുള്ള വിമാനങ്ങൾ രണ്ടു മണിക്കൂറോളമാണ് വൈകിയത്. കൊച്ചി, കോയമ്പത്തൂർ, ഹൈദരാബാദ്, ഡൽഹി, മുംബൈ, കൊൽക്കത്ത, ഇന്ദോർ, സിങ്കപ്പൂർ, അബുദാബി, ക്വലാലംപുർ തുടങ്ങിയയിടങ്ങളിലേക്കുള്ള വിമാനങ്ങളാണ് വൈകിയത്. ഡൽഹി, മുംബൈ, ബെംഗളൂരു, ഭുവനേശ്വർ തുടങ്ങിയയിടങ്ങളിൽനിന്ന് ചെന്നൈയിലെത്തേണ്ട വിമാനങ്ങളും വൈകി. വ്യാഴാഴ്ച രാവിലെയോടെ സർവീസുകൾ സാധാരണ നിലയിലായി.

ചെന്നൈ : മൂന്ന് പഞ്ചലോഹ വിഗ്രഹങ്ങളുമായി മൂന്നുപേർ പിടിയിൽ. ഇർഷിദ് അഹമ്മദ് (48), ആകാശ് എബിനേസർ (27), രാജേഷ് (45) എന്നിവരെയാണ് പോലീസ് വാഹന പരിശോധനയ്ക്കിടയിൽ പിടികൂടിയത്. 150 വർഷം പഴക്കമുള്ള വിഗ്രഹം തമിഴ്‌നാട്ടിലെ ക്ഷേത്രത്തിൽ നിന്ന് മോഷ്ടിച്ചതായിരിക്കാമെന്ന് കരുതുന്നു. വിഗ്രഹങ്ങൾ വൻതുകയ്ക്ക് വിദേശത്ത് വിൽക്കാനായിരുന്നു പദ്ധതിയെന്ന് പോലീസ് പറഞ്ഞു. ഇവരുടെ കൂട്ടാളികളെ പിടികൂടാൻ ശ്രമങ്ങൾ നടന്നു വരുകയാണെന്നും പോലീസ് പറഞ്ഞു. അറസ്റ്റിലായ മൂന്നു പേരെയും പോലീസ് കോടതിയിൽ ഹാജരാക്കി ജുഡീഷ്യൽ കസ്റ്റഡിയിൽ റിമാൻഡ് ചെയ്തു.

ചെന്നൈ : തമിഴ്‌നാട്ടിൽ മൂന്നുവർഷത്തിനിടെ പുതിയവ്യവസായ സംരംഭങ്ങളിലൂടെ എത്തിയത് ആറുലക്ഷം കോടി രൂപയുടെ നിക്ഷേപം. 2021-ൽ ഡി.എം.കെ. സർക്കാർ അധികാരമേറ്റശേഷം ഇതുവരെ 10 ലക്ഷം കോടി രൂപയുടെ നിക്ഷേപത്തിന് ധാരണയായിരുന്നു. ഇതിൽ 60 ശതമാനം നിക്ഷേപവും വന്നുകഴിഞ്ഞെന്ന് മുഖ്യമന്ത്രി സ്റ്റാലിൻ പറഞ്ഞു. നാലുലക്ഷം കോടിയുടെ സംരംഭങ്ങൾക്കുള്ള നടപടികൾ വേഗത്തിലാക്കാൻ ഉദ്യോഗസ്ഥർക്ക് മുഖ്യമന്ത്രി നിർദേശം നൽകി. 50 ലക്ഷം പേർക്ക് ജോലി ഉറപ്പാക്കുകയാണ് അടുത്ത ലക്ഷ്യമെന്ന് സ്റ്റാലിൻ പറഞ്ഞു. മുഖ്യമന്ത്രിയായി സ്ഥാനമേറ്റശേഷം നടത്തിയ വിദേശ സന്ദർശനങ്ങളിലൂടെയും തമിഴ്‌നാട്ടിലെ നിക്ഷേപക സംഗമങ്ങളിലൂടെയുമാണ് കൂടുതൽ നിക്ഷേപം എത്തിച്ചത്. കഴിഞ്ഞമാസം…