0
0
ചെന്നൈ: വിരുദുനഗർ ജില്ലയിലെ ഗരിയപട്ടിക്ക് സമീപം കൽക്വാറിയിൽ വെടിമരുന്ന് സംഭരണശാല പൊട്ടിത്തെറിച്ച് 3 പേർ മരിച്ചു.
അവിയൂർ സ്വദേശി സേതുവിൻ്റെയും രാജപാളയം സ്വദേശി രാമൻ്റെയും ഉടമസ്ഥതയിലുള്ള ക്വാറി ഗരിയാപട്ടിക്കടുത്ത് കടമ്പൻകുളത്ത് ആണ് പ്രവർത്തിച്ചിരുന്നത്.
ഇന്നലെ രാവിലെ ഇവിടെ പതിവുപോലെ തൊഴിലാളികൾ ജോലി ചെയ്യുകയായിരുന്നു.
ഈ സമയം ഇവർ വാനിൽ നിന്ന് സ്‌ഫോടകവസ്തുക്കൾ ക്വാറിയിലെ വെടിമരുന്ന് ഡിപ്പോയിൽ ഇറക്കുകയായിരുന്നു.
പെട്ടെന്ന് സ്‌ഫോടകവസ്തുക്കൾ വലിയ ശബ്ദത്തോടെ പൊട്ടിത്തെറിക്കുകയായിരുന്നു. ഏകദേശം 2 കി.മീ. ദൂരെ വരെ സ്ഫോടന ശബ്ദം കേട്ടതയാണ് റിപ്പോർട്ടുകൾ.
അവിടെ ജോലി ചെയ്തിരുന്ന ടി.പുതുപ്പട്ടി കന്ദസാമി (47), കോവിൽപട്ടി ദുരൈ (25), കുറുസാമി (60) എന്നിവരാണ് മരിച്ചത്.
മരിച്ചയാളുകളുടെ ശരീരഭാഗങ്ങൾ ചിന്നിച്ചിതറി. കൂടാതെ സ്‌ഫോടകവസ്തുക്കൾ സൂക്ഷിച്ചിരുന്ന ഗോഡൗണും പൂർണമായും കത്തി നശിച്ചു.
അതുപോലെ സ്‌ഫോടക വസ്തുക്കളുമായി വന്ന വാനും സമീപത്ത് നിർത്തിയിട്ടിരുന്ന മറ്റൊരു വാനും മറിഞ്ഞു.
വിവരമറിഞ്ഞ് എത്തിയ അവിയൂർ പോലീസും മധുരയിൽനിന്ന് ബോംബ് സ്‌ക്വാഡ് വിദഗ്ധരും സ്ഥലത്തെത്തി പരിശോധന നടത്തി.
എസ്.ബി ഈ ഗോഡൗണിൽ എത്ര സ്‌ഫോടക വസ്തുക്കളാണ് സൂക്ഷിച്ചിരുന്നതെന്നും സ്‌ഫോടനം എങ്ങനെ ഉണ്ടായെന്നും കണ്ടെത്താൻ അന്വേഷണം നടക്കുകയാണെന്നും പോലീസ് പറഞ്ഞു.
അതേസമയം, അപകടത്തിൽ ഉചിതമായ നടപടി ആവശ്യപ്പെട്ട് കടമ്പൻകുളം അവിയൂർ ഉപ്പിലിക്കുണ്ട് ഗ്രാമവാസികൾ മധുര-തൂത്തുക്കുടി ദേശീയപാത തടഞ്ഞു. ഇതോടെ ഒരു മണിക്കൂറോളം ഗതാഗതം തടസ്സപ്പെട്ടു.
ഉദ്യോഗസ്ഥരും പോലീസും ചർച്ച നടത്തി ഉചിതമായ നടപടി സ്വീകരിക്കുമെന്ന് ഉറപ്പ് നൽകിയതിനെ തുടർന്നാണ് സമരം അവസാനിപ്പിച്ചത്.
പൊട്ടിത്തെറിയിൽ കടമ്പൻകുളത്ത് നിരവധി വീടുകളുടെ മേൽക്കൂര തകരുകയും ഭിത്തികൾക്ക് വിള്ളൽ വീഴുകയും ചെയ്തിട്ടുണ്ട്.
തങ്ങളുടെ വീടുകൾ അറ്റകുറ്റപ്പണി നടത്തണമെന്നും കൽക്വറി തുടരുന്നത് നിരോധിക്കണമെന്നും പൊതുജനങ്ങൾ ആവശ്യപ്പെട്ടു.
