Category: TAMILNADU

ചെന്നൈ : നാഗപട്ടണത്തിനും ശ്രീലങ്കയിലെ കാങ്കേശൻതുറയ്ക്കും ഇടയിലൂടെ കപ്പൽ സർവീസ് തുടങ്ങി. വെള്ളിയാഴ്ച രാവിലെ പുതുച്ചേരി മന്ത്രി നമശിവായം, നാഗപട്ടണം ജില്ലാ കളക്ടർ ആകാശ്, സെൽവരാജ് എം.പി. എന്നിവർ പച്ചക്കൊടിവീശി. 44 യാത്രക്കാരുമായി പുറപ്പെട്ട കപ്പൽ ഉച്ചയ്ക്ക് രണ്ടിന് കാങ്കേശൻതുറയിലെത്തി. ശനിയാഴ്ച രാവിലെ പത്തിന് കാങ്കേശൻതുറയിൽനിന്ന് പുറപ്പെട്ട് ഉച്ചയ്ക്ക് രണ്ടിന് നാഗപട്ടണത്തെത്തും. അന്തമാനിൽനിന്നുള്ള ‘ശിവഗംഗ’ എന്ന കപ്പലാണ് സർവീസ് നടത്തുന്നത്. സാധാരണക്ലാസിൽ 123 സീറ്റും പ്രീമിയം ക്ലാസിൽ 27 സീറ്റും ഉൾപ്പെടെ 150 സീറ്റുകളുണ്ട്. വെള്ളം, ഭക്ഷണം, അത്യാവശ്യ മരുന്നുകൾ എന്നിവ നൽകും. നാഗപട്ടണത്തുനിന്ന്…

ചെന്നൈ : ചെന്നൈയിലെ കോർപ്പറേഷൻ സ്കൂളുകളിൽ പഠിക്കുന്ന 3500 വിദ്യാർഥികൾക്ക് സവീത ഡെന്റൽ കോളേജും എം.കെ. മോഹൻ ചാരിറ്റബിൾ ട്രസ്റ്റ് മെഡിക്കൽ വിഭാഗവും ദന്തപരിശോധന നടത്തി. ക്യാമ്പിനൊപ്പം ദന്തശുചീകരണത്തിന്റെ പ്രാധാന്യത്തെപ്പറ്റി ബോധവത്ക്കരണ പരിപാടിയും നടത്തി. സവീത ഡെന്റൽ കോളേജിലെ ഡോ. എം. ബിപിൻ ഏകോപിപ്പിച്ച ക്യാമ്പ് പന്ത്രണ്ട് സ്കൂളുകൾ പിന്നിട്ട് ഷേണായി നഗറിലുള്ള തിരുവികാ സ്കൂളിൽ സമാപിച്ചു. ഡെപ്യൂട്ടി പോലീസ് കമ്മിഷണർ പ്രവീൺ കുമാർ മുഖ്യാതിഥിയായി.

ചെന്നൈ : പുതുക്കോട്ട ജില്ലയിൽ ഭ്രൂണഹത്യയെത്തുടർന്ന് യുവതി മരിച്ചു. കറമ്പക്കുടി തീത്തൻവിടുത്തി സ്വദേശി പരിമളേശ്വരന്റെ ഭാര്യ കലൈമണി(31)യാണ് മരിച്ചത്. ഗർഭിണിയായ കലൈമണി സ്വകാര്യ ആശുപത്രിയിൽ പരിശോധന നടത്തിയപ്പോൾ ഗർഭസ്ഥശിശു പെണ്ണാണെന്നു വിവരം ലഭിച്ചു. നേരത്തേ ഇവർക്ക് രണ്ടു പെൺകുട്ടികളുള്ളതിനാൽ മൂന്നാമത്തേത്‌ വേണ്ടെന്നു തീരുമാനിച്ച് അഞ്ചുമാസമുള്ള ഭ്രൂണം നീക്കംചെയ്യാൻ ഡോക്ടർമാരോട് ആവശ്യപ്പെട്ടു. ഡോക്ടർമാർ വിസമ്മതിച്ചെങ്കിലും കലൈമണിയും കുടുംബാംഗങ്ങളും നിർബന്ധിച്ചു. തുടർന്ന് രക്തസ്രാവംമൂലമാണ് കലൈമണി മരിച്ചത്. ഡോക്ടർമാർക്കെതിരേ നടപടിയാവശ്യപ്പെട്ട് ബന്ധുക്കൾ ആശുപത്രിയുടെ മുന്നിൽ പ്രതിഷേധിച്ചു. പോലീസെത്തി അനുനയിപ്പിച്ചാണ് ഇവരെ തിരിച്ചയച്ചത്.

ചെന്നൈ: 25 വയസ്സിന് താഴെയുള്ളവർ വോട്ടർ പട്ടികയിൽ ഉൾപ്പെടാൻ ജനന സർട്ടിഫിക്കറ്റ് നിർബന്ധമായും സമർപ്പിക്കണമെന്ന് തമിഴ്‌നാട് ചീഫ് ഇലക്ടറൽ ഓഫീസർ സത്യപ്രത സാഹു അറിയിച്ചു. അടുത്ത വർഷം ജനുവരി 1 യോഗ്യതാ തീയതിയായി തിരഞ്ഞെടുത്ത് ഫോട്ടോ സഹിതമുള്ള വോട്ടർ പട്ടിക പുതുക്കുമെന്ന് തിരഞ്ഞെടുപ്പ് കമ്മീഷൻ പ്രഖ്യാപിച്ചു . ഇതനുസരിച്ച് ആഗസ്റ്റ് 20 മുതൽ ഒക്ടോബർ 18 വരെ പോളിങ് സ്റ്റേഷൻ ഉദ്യോഗസ്ഥർ വീടുവീടാന്തരം കയറിയിറങ്ങി വോട്ടർപട്ടിക പരിശോധിക്കുക, പോളിങ് സ്റ്റേഷൻ പുനഃസംഘടിപ്പിക്കുക, വോട്ടർ പട്ടികയിലെയും വോട്ടർ ഫോട്ടോ ഐഡി കാർഡിലെയും അപാകതകൾ ഇല്ലാതാക്കുക, നല്ല…

ചെന്നൈ: ദേശീയ വനിതാ കമ്മീഷനിൽ നിന്ന് രാജിവെക്കുമെന്ന് നടിയും ബിജെപി നേതാവുമായ ഖുശ്പു പ്രഖ്യാപിച്ചു. ഞങ്ങളുടെ പരമോന്നത പാർട്ടിയായ ബിജെപിയെ പൂർണമായി സേവിക്കുന്നതിന് വേണ്ടിയാണ് ഞാൻ ദേശീയ വനിതാ കമ്മീഷനിൽ നിന്ന് രാജിവെക്കുന്നതെന്നും ഖുശ്‌ബു വ്യക്തമാക്കി. ഈ അവസരം നൽകിയ പ്രധാനമന്ത്രി മോദി, ആഭ്യന്തര മന്ത്രി അമിത് ഷാ, ബിജെപി ദേശീയ അധ്യക്ഷൻ ജെപി നട്ട എന്നിവർക്ക് ഹൃദയം നിറഞ്ഞ നന്ദി. എൻ്റെ വിശ്വസ്തതയും വിശ്വാസവും എന്നും ബിജെപിക്കൊപ്പമായിരിക്കും. അഭൂതപൂർവമായ ആവേശത്തോടെ ഇപ്പോഴിതാ ഞാൻ സജീവ രാഷ്ട്രീയത്തിലേക്ക് തിരിച്ചെത്തുകയാണ് എന്നും ഖുശ്‌ബു പറഞ്ഞു.

ചെന്നൈ: 33 ഡെപ്യൂട്ടി പൊലീസ് സൂപ്രണ്ടുമാരെ (ഡിഎസ്പി) സ്ഥലംമാറ്റി തമിഴ്നാട് പൊലീസ് ഡയറക്ടർ ജനറൽ ശങ്കർ ജിവാൾ ഇന്നലെ ഉത്തരവിറക്കി. ധർമ്മപുരി ജില്ലയിലെ ഡിഎസ്പി സിന്ധിനെ മദ്യനിരോധന എൻഫോഴ്സ്മെൻ്റ് യൂണിറ്റിലേക്കും കോയമ്പത്തൂർ ജില്ലാ കള്ളക്കടത്ത് വിരുദ്ധ യൂണിറ്റ് ഡിഎസ്പി ജനനി പ്രിയയെ വെയിറ്റിംഗ് ലിസ്റ്റിലേക്കും മാറ്റി, അരിയല്ലൂർ ജില്ലാ ക്രൈം റെക്കോർഡ്സ് ഡിവിഷൻ ഡിഎസ്പി തമിഴ്മാരൻ, തിരുവാരൂർ ജില്ല നന്നിലടുക്കം, തിരുത്തുറപ്പുണ്ടി ഡിഎസ്പി സോമസുന്ദരത്തെ തഞ്ചാവൂർ സിറ്റി പോസ്റ്റിലേക്കാണ് സ്ഥലം മാറ്റിയത്.