Month: January 2024

ചെന്നൈ : ലോക്‌സഭാ തിരഞ്ഞെടുപ്പിൽ സഖ്യധാരണ ഉടൻ ഉണ്ടാകുമെന്ന് മക്കൾ നീതി മയ്യം നേതാവും നടനുമായ കമൽഹാസൻ. ‘സഖ്യത്തെക്കുറിച്ച് പ്രവർത്തകർ വിഷമിക്കേണ്ടതില്ല. അക്കാര്യം താൻ നോക്കും. സഖ്യമുണ്ടാക്കിയാലും ബൂത്ത് കമ്മിറ്റി രൂപവത്കരണത്തിൽ പ്രവർത്തകർ പ്രത്യേകം ശ്രദ്ധ ചെലുത്തണം’- ചൊവ്വാഴ്ച ചേർന്ന മക്കൾ നീതി മയ്യം നിർവാഹക സമിതി യോഗത്തിൽ കമൽഹാസൻ നിർദേശം നൽകി. പരാതികളുണ്ടെങ്കിൽ നേതൃത്വത്തെ അറിയിക്കണം. പ്രവർത്തിക്കാത്ത ഭാരവാഹികൾക്കെതിരേ നടപടിയെടുക്കും. യോഗത്തിൽ വൈസ് പ്രസിഡന്റുമാരായ മൗര്യ, തങ്കവേലു, ജനറൽ സെക്രട്ടറി അരുണാചലം, സംസ്ഥാന സെക്രട്ടറിമാരായ സെന്തിൽ അറുമുഖം, തുടങ്ങിയവർ പങ്കെടുത്തു.

ചെന്നൈ: അന്തരിച്ച മുൻ തമിഴ്‌നാട് മുൻ മുഖ്യമന്ത്രി ജെ ജയലളിതയിൽ നിന്ന് കണ്ടുകെട്ടിയ വിലപിടിപ്പുള്ള വസ്തുക്കൾ തമിഴ്‌നാട് സർക്കാരിന് കൈമാറാൻ ബെംഗളൂരുവിലെ പ്രത്യേക കോടതി നിർദ്ദേശം നൽകി. ജയലളിതയ്‌ക്കെതിരായ അനധികൃത സ്വത്ത് സമ്പാദന കേസുമായി ബന്ധപ്പെട്ട കേസ് നടത്തിയതിന്റെ ചെലവിനത്തിൽ കർണാടക ഡിമാൻഡ് ഡ്രാഫ്റ്റ് വഴി അഞ്ച് കോടി രൂപ നൽകാനും തമിഴ്‌നാട് സർക്കാരിനോട് നിർദ്ദേശിച്ചു. ഈ തുക എസ്.ബി.ഐ. ചെന്നൈ ശാഖയിൽ ജയലളിതയുമായി ബന്ധപ്പെട്ട സ്ഥിരനിക്ഷേപത്തിൽനിന്ന് നൽകണമെന്നും നിർദേശിച്ചു. പ്രത്യേക കോടതി ജഡ്ജി എച്ച്.എ. മോഹന്റേതാണ് ഉത്തരവ് ബെംഗളൂരുവിലെ സർക്കാർ ട്രഷറിയിൽ സൂക്ഷിച്ച…

ചെന്നൈ: രാഷ്ട്രപിതാവ് മഹാത്മാഗാന്ധിക്കെതിരെ രൂക്ഷവിമർശനവുമായി തമിഴ്നാട് ഗവർണർ ആർ.എൻ രവി. ഗാന്ധിയുടെ സ്വാതന്ത്ര്യസമരം ഫലം കണ്ടില്ല. 1942-നു ശേഷം ഗാന്ധിയുടെ പോരാട്ടങ്ങൾ അവസാനിച്ചു. ബ്രിട്ടീഷുകാർക്കെതിരെ ചെറുത്തുനിൽപ്പ് ഉണ്ടായില്ലെന്നും ആർ.എൻ രവി. നേതാജിയുടെ ജന്മദിനത്തോടനുബന്ധിച്ച് ചെന്നൈ കിണ്ടിയിലെ അണ്ണാ യൂണിവേഴ്സിറ്റിയിൽ സംഘടിപ്പിച്ച പരിപാടിയിൽ സംസാരിക്കുകയായിരുന്നു അദ്ദേഹം. ബ്രിട്ടീഷുകാർ ഇന്ത്യ വിട്ടതിന്റെ കാരണം ഇന്ത്യൻ നാഷണൽ കോൺഗ്രസിന്റെ പോരാട്ടങ്ങളല്ല. 1942ന് ശേഷം മഹാത്മാഗാന്ധി നടത്തിയ സമരങ്ങൾ ഫലം കണ്ടില്ല. ഇന്ത്യക്കകത്ത് ആളുകൾ പരസ്പരം ഏറ്റുമുട്ടുന്ന സാഹചര്യം ഉണ്ടായിരുന്നു. നേതാജി സുഭാഷ് ഛത്ര ബോസ് ഇല്ലായിരുന്നെങ്കിൽ 1947ൽ ഇന്ത്യക്ക്…

ചെന്നൈ : തമിഴ്‌നാട് നിയമസഭാസമ്മേളനം ഫെബ്രുവരി രണ്ടാംവാരം ചേരും. ബജറ്റും അവതരിപ്പിക്കും. മുഖ്യമന്ത്രിയുടെ തിരക്കുകൾകാരണമാണ് സമ്മേളനം അടുത്ത മാസത്തേക്കുമാറ്റിയത്. ധനമന്ത്രി തങ്കം തെന്നരസ് ബജറ്റ് അവതരണത്തിനു മുന്നോടിയായുള്ള തയ്യാറെടുപ്പുകൾ തുടങ്ങി. മന്ത്രിമാരുമായും വ്യവസായ വകുപ്പിലെ ഉന്നതാധികാരികളുമായും അദ്ദേഹം കൂടിയാലോചന നടത്തി. ഇനി വ്യവസായസംഘടനാ പ്രതിനിധികളുമായി ചർച്ചനടത്തിയശേഷം തുക അനുവദിക്കുന്നതിൽ തീരുമാനമുണ്ടാക്കും. വിശദാംശങ്ങൾ മുഖ്യമന്ത്രി എം.കെ. സ്റ്റാലിനുമായി ചർച്ചചെയ്യും. അതിനനുസരിച്ച് ബജറ്റിൽ പ്രഖ്യാപനങ്ങൾ ഉണ്ടാകുമെന്നാണ് കരുതുന്നത്.

ചെന്നൈ: ചെന്നൈ വിമാനത്താവളത്തില്‍ ഖേലോ ഇന്ത്യ യൂത്ത് ഗെയിംസിന്റെ ഭാഗമായി സ്ഥാപിച്ച കൂറ്റന്‍ ബലൂണ്‍ നിയന്ത്രണം വിട്ട് പതിച്ചു. രണ്ടാം റണ്‍വേയ്ക്ക് സമീപമാണ് ബലൂണ്‍ പറന്നെത്തിയത്. നെഹ്രു സ്റ്റേഡിയത്തില്‍ സ്ഥാപിച്ചിരുന്ന ബലൂണ്‍ എങ്ങനെയെത്തിയെന്നതില്‍ അന്വേഷണം തുടങ്ങി. രണ്ടാം റൺവേയ്ക്ക് സമീപമാണ് ബലൂൺ പതിച്ചത്. ബലൂൺ പറന്നുവരുന്നത് വാച്ച് ടവർ, സുരക്ഷാ ഉദ്യോഗസ്ഥർ കണ്ടില്ല. ചെന്നൈ നെഹ്റു സ്റ്റേഡിയത്തിലെ ബലൂണാണു പറന്നെത്തിയത്. സുരക്ഷാവീഴ്‌ചയിൽ അന്വേഷണം തുടങ്ങി. എയര്‍പോര്‍ട്ടിന് സമീപത്ത് അഞ്ച് ലെയര്‍ പരിശോധനയുണ്ടെങ്കിലും റണ്‍വേയ്ക്ക് സമീപത്ത് എത്തിയപ്പോഴാണ് ബലൂണ്‍ അധികൃതരുടെ ശ്രദ്ധയില്‍പ്പെട്ടത്. ആ സമയത്ത് വിമാനങ്ങള്‍…