Day: 3 February 2024

ചെന്നൈ : യാത്രാത്തിരക്ക് പരിഗണിച്ച് ടാറ്റാനഗറിൽനിന്ന് എറണാകുളത്തേക്ക് പ്രതിവാര പ്രത്യേക തീവണ്ടിസർവീസ് പ്രഖ്യാപിച്ചു. ഫെബ്രുവരി അഞ്ച്, 12 തിങ്കളാഴ്ചകളിൽ രാവിലെ 5.15-ന് ടാറ്റാ നഗറിൽനിന്നു പുറപ്പെടുന്ന തീവണ്ടി (08189) മൂന്നാംദിവസം പുലർച്ചെ 1.55-ന് എറണാകുളത്തെത്തും. തിരിച്ച് ഫെബ്രുവരി എട്ട്, 15 എന്നീ വ്യാഴാഴ്ചകളിൽ രാവിലെ 7.15-ന് എറണാകുളത്തുനിന്ന് പുറപ്പെടുന്ന വണ്ടി (08190) മൂന്നാംദിവസം പുലർച്ചെ 4.35-ന് ടാറ്റാനഗറിലെത്തും. റൂർക്കേല, വിജയവാഡ, കാട്പാടി, സേലം, പോത്തന്നൂർ, പാലക്കാട്, തൃശ്ശൂർ വഴിയാണ് യാത്ര. റിസർവേഷൻ മൂന്നിന് തുടങ്ങും.

ബെംഗളൂരു : സനാതന ധർമത്തിനെതിരായ പരാമർശം നടത്തിയകേസിൽ തമിഴ്‌നാട് മന്ത്രി ഉദയനിധി സ്റ്റാലിന് ബെംഗളൂരുവിലെ ജനപ്രതിനിധികളുടെ കേസുകൾ കൈകാര്യം ചെയ്യുന്ന പ്രത്യേകകോടതി സമൻസ് അയച്ചു. മാർച്ച് നാലിന് കേസിന്റെ വാദത്തിനായി ഹാജരാകാൻ ആവശ്യപ്പെട്ടാണ് സമൻസ്. ബെംഗളൂരു സ്വദേശി പരമേശ് നൽകിയ ഹർജിയിലാണ് നടപടി. കഴിഞ്ഞ സെപ്റ്റംബറിൽ ചെന്നൈയിൽ നടന്ന ഒരു സമ്മേളനത്തിലാണ് ഉദയനിധി സ്റ്റാലിൻ സനാതന ധർമത്തിനെതിരേ വിവാദപരാമർശം നടത്തിയത്. സനാതനധർമം ഡെങ്കി, മലേറിയപോലുള്ള പകർച്ചവ്യാധികളോട് താരതമ്യപ്പെടുത്തിയായിരുന്നു പരാമർശം. സനാതന ധർമം സാമൂഹിക നീതിക്കും തുല്യതയ്ക്കും എതിരാണെന്നും അത് തുടച്ചു നീക്കേണ്ടതാണെന്നും പറഞ്ഞിരുന്നു. ഇതിനെതിരേ…

ബെംഗളൂരു: എംജിആർ ചെന്നൈ സെൻട്രൽ – ബെംഗളൂരു – മൈസൂരു വീക്കിലി വന്ദേഭാരത് എക്സ്പ്രസ് (06037) സർവീസ് ദീർഘിപ്പിച്ചു. നേരത്തെ ജനുവരി 31 വരെയായിരുന്ന ചെന്നൈ – മൈസൂരു വീക്കിലി വന്ദേഭാരത് സർവീസ് മാർച്ച് 27 വരെയാണ് ദീർഘിപ്പിച്ചിട്ടുള്ളത് എന്ന് ദക്ഷിണ പശ്ചിമ റെയില്‍വേ അറിയിച്ചു. തിരിച്ചുള്ള സർവീസും (06038) മാർച്ച് 27 വരെ നീട്ടിയിട്ടുണ്ട്. ബുധനാഴ്ചകളിലാണ് ഇരുഭാഗങ്ങളിലേക്കും സർവീസ് നടത്തുന്നത്. ഫെബ്രുവരി 7 മുതൽ മാർച്ച് 27 വരെ 8 ട്രിപ്പുകളില്‍ സർവീസ് നടത്തും,

ചെന്നൈ : ചെന്നൈയിൽ മൂന്ന് ഇൻഫർമേഷൻ ടെക്നോളജി (ഐ.ടി.) പാർക്കുകൾ സ്ഥാപിക്കാനുള്ളനടപടികൾ സർക്കാർ ആരംഭിച്ചു. ഇതിലൂടെ 5000-ത്തിലധികംപേർക്ക് തൊഴിൽ ലഭിക്കും. ചെന്നൈ ഔട്ടർ റിങ് റോഡിനടുത്തായുള്ള മന്നിവാക്കം, മലയമ്പാക്കം, വണ്ടല്ലൂർ പ്രദേശങ്ങളിലാണ് പുതിയ ഐ.ടി. പാർക്കുകൾ സ്ഥാപിക്കുക. ഇതിനായി ടൈഡൽ പാർക്ക് ടെക്നോളജി കമ്പനിയുടെ അപേക്ഷയ്ക്ക് ചെന്നൈ മെട്രോപൊളിറ്റൻ ഡിവലപ്പ്മെന്റ് അതോറിറ്റി (സി.എം.ഡി.എ) പ്രാഥമിക അനുമതിനൽകി. ഭൂപ്രദേശം തിരഞ്ഞെടുത്ത് മെച്ചപ്പെടുത്തുന്ന ജോലികൾ പുരോഗമിക്കുകയാണ്. മലയമ്പാക്കത്തെ ഐ.ടി പാർക്കിന് 5.33 ഏക്കർ ഭൂമിയാണ് അനുവദിച്ചിരിക്കുന്നത്. ഏക്കറിന് മൂന്ന് കോടി രൂപയാണ് വില നിശ്ചയിച്ചിരിക്കുന്നത്. 5.04 ഏക്കറിലാണ്…