Day: 20 February 2024

ചെന്നൈ: ലിംഗമാറ്റ ശസ്ത്രക്രിയയ്ക്ക് ശ്രമിക്കുന്നതിനിടെ ട്രാൻസ് യുവതിയെ കൊലപ്പെടുത്തിയ കേസിൽ നാല് ട്രാൻസ്‌ജെൻഡർമാരെ സെമ്മഞ്ചേരി പോലീസ് വെള്ളിയാഴ്ച അറസ്റ്റ് ചെയ്തു. പെരുമ്പാക്കത്തെ ടിഎൻ അർബൻ ഹാബിറ്റാറ്റ് ഡെവലപ്‌മെൻ്റ് ബോർഡ് ഫ്ലാറ്റിൽ മാതാപിതാക്കളോടൊപ്പം താമസിച്ചിരുന്ന ട്രാൻസ് വുമൺ സിമി എന്ന സാധന (21) ആണ് കൊല്ലപ്പെട്ടത്. സാധന ജനുവരി 25ന് രാത്രി മുതൽ വീട്ടിൽ തിരിച്ചെത്താത്തതിനെ തുടർന്ന് പെരുമ്പാക്കം, സെമ്മഞ്ചേരി, നീലങ്കരൈ, തലമ്പൂർ എന്നീ പോലീസ് സ്റ്റേഷനുകളിൽ കാണാതായവരെക്കുറിച്ച് പരാതി നൽകി അവളെ കണ്ടെത്താൻ മാതാപിതാക്കൾ തീവ്രശ്രമം നടത്തി. സാധനയെ കൊറേ നേരം വിളിക്കാൻ ശ്രമിച്ചെങ്കിലും…

ചെന്നൈ: പൂനമല്ലിയിലെമാലിന്യകൂമ്പാരത്തിൽനിന്നും നിന്ന് നവജാത ശിശുവിനെ സമീപത്തെ ഒരു സ്ത്രീ രക്ഷപ്പെടുത്തി. പൂനമല്ലിയിലെ രാമാനുജ കൂടം സ്ട്രീറ്റിലെ മാലിന്യക്കൂമ്പാരത്തിലാണ് കുട്ടിയെ കണ്ടെത്തിയതെന്ന് പോലീസ് വൃത്തങ്ങൾ അറിയിച്ചു. വ്യാഴാഴ്ച രാത്രിയാണ് സ്ത്രീ കുഞ്ഞിൻ്റെ കരച്ചിൽ കേട്ടത്. തുടർന്ന് ശബ്ദത്തിൻ്റെ ഉറവിടത്തെ സമീപിച്ചപ്പോൾ അവിടെ കിടക്കുന്ന നവജാത ശിശുവിനെ കണ്ടെത്തുകയായിരുന്നു. ഉടൻ തന്നെ കുട്ടിയെ അടുത്തുള്ള സർക്കാർ ആശുപത്രിയിൽ എത്തിച്ചു. പ്രാഥമിക ചികിൽസയ്ക്കു ശേഷം കുട്ടിയെ എഗ്മോറിലെ സർക്കാർ ശിശു ആശുപത്രിയിലേക്ക് മാറ്റി. കുഞ്ഞിനെ ഉപേക്ഷിച്ചയാളെ കണ്ടെത്താൻ പോലീസ് കേസെടുത്ത് അന്വേഷണം നടത്തിവരികയാണ്.

ചെന്നൈ: വനിതാ മാധ്യമപ്രവർത്തകർക്കെതിരെ നടത്തിയ വിവാദ പ്രസംഗവുമായി ബന്ധപ്പെട്ട കേസിൽ നടൻ എസ് വി ശേഖറിന് ചെന്നൈയിലെ പ്രത്യേക കോടതി ഒരു മാസം തടവ് ശിക്ഷ വിധിച്ചു. കഴിഞ്ഞ വർഷം 2018 ൽ നടനും രാഷ്ട്രീയ വ്യക്തിത്വവുമായ എസ് വി ശേഖർ വനിതാ മാധ്യമപ്രവർത്തകരെക്കുറിച്ചുള്ള തൻ്റെ അഭിപ്രായങ്ങൾ സോഷ്യൽ മീഡിയയിൽ പങ്കുവെച്ചിരുന്നു . ഇതേത്തുടർന്ന്, തമിഴ്‌നാട് ജേണലിസ്റ്റ് പ്രൊട്ടക്ഷൻ അസോസിയേഷന് വേണ്ടി സെക്രട്ടറി മിതാർ മൊയ്തീൻ നൽകിയ പരാതിയുടെ അടിസ്ഥാനത്തിൽ ചെന്നൈ സെൻട്രൽ ക്രൈം ബ്രാഞ്ച് സൈബർ ക്രൈം വിഭാഗം ഇന്ത്യൻ ശിക്ഷാ നിയമപ്രകാരവും…

ചെന്നൈ : തമിഴ്‌നാട്ടിൽ മൂന്നുവർഷത്തിനിടെ സർക്കാർ ജോലികളിൽ നിയമനം നൽകിയത് 60576 പേർക്ക്. സർക്കാർ പുറത്തു വിട്ട കണക്കുകളിലാണ് ഇക്കാര്യം വ്യക്തമാക്കുന്നത്. ആരോഗ്യ-ജനക്ഷേമ വകുപ്പിൽ 4,286 തസ്തികകളിൽ നിയമനം നടത്തി. ഗ്രാമവികസന വകുപ്പിൽ 857 തസ്തികകളിലും ഉന്നതവിദ്യാഭ്യാസ വകുപ്പിൽ 1300 തസ്തികകളിലും നിയമനം പൂർത്തിയാക്കി. ജുഡീഷ്യൽ വകുപ്പിൽ 5,981 തസ്തികകളിലും സ്‌കൂൾ വിദ്യാഭ്യാസ വകുപ്പിൽ 1,847 തസ്തികകളിലുമാണ് നിയമനം. റവന്യു വകുപ്പിൽ 2,996 തസ്തികകളിൽ ജിവനക്കാരെ നിയമിച്ചു.

ചെന്നൈ : പുതിയ സാമ്പത്തികവർഷത്തേക്കുള്ള തമിഴ്‌നാട് സംസ്ഥാന ബജറ്റ്  ധനമന്ത്രി തങ്കം തെന്നരശ് നിയമസഭയിൽ അവതരിപ്പിക്കും. രാവിലെ 10-നാണ് ധനമന്ത്രിയുടെ ബജറ്റ് പ്രസംഗം ആരംഭിക്കുക. ലോക്‌സഭാ തിരഞ്ഞെടുപ്പിന്റെ പശ്ചാത്തലത്തിൽ വൻജനപ്രിയ പദ്ധതികൾ പ്രതീക്ഷിക്കുന്നുണ്ട്. നിയമസഭാ തിരഞ്ഞെടുപ്പിൽ ഡി.എം.കെയുടെ പ്രകടനപത്രികയിൽ വാഗ്ദാനം ചെയ്തിരുന്ന പാചകവാതക സബ്‌സിഡി ഇതുവരെ നടപ്പാക്കിയിട്ടില്ല. ബജറ്റിൽ ഇത് സംബന്ധിച്ച് പ്രഖ്യാപനം പ്രതീക്ഷിക്കുന്നുണ്ട്.