Day: 23 February 2024

ചെന്നൈ : ചെഞ്ചേരിപുതൂരിൽ പണംവെച്ച്‌ ചീട്ടുകളിച്ച 22 പേരെ അറസ്റ്റ്‌ ചെയ്തു. രഹസ്യവിവരം ലഭിച്ചതനുസരിച്ച്‌ സുൽത്താൻപേട്ട സബ്‌ ഇൻസ്പെക്ടർ മുത്തുകൃഷ്ണനും സംഘവും രാത്രി പരിശോധന നടത്തുമ്പോൾ പിടിയിലാവുകയായിരുന്നു. പ്രതികളിൽനിന്ന്‌ ചീട്ടുകെട്ടുകളും 3,23,000 രൂപയും പിടിച്ചെടുത്തു.

ചെന്നൈ : തമിഴ്‌നാട് കാർഷികസർവകലാശാലയുടെ നേതൃത്വത്തിലുള്ള ആറാമത് കോവൈ പുഷ്പമേള ഇന്ന് തുടങ്ങും. സർവകലാശാല ബൊട്ടാണിക്കൽ ഗാർഡനിൽ 25 വരെ നടക്കുന്ന മേളയിൽ 200-ഓളം ഇനം പൂക്കൾ അണിനിരത്തിയിട്ടുണ്ട്. ടുലിപ് ഗാർഡൻ, ബോൺസായി ഐലൻഡ്‌, ഓക്‌സിജൻ പാർക്ക്, മിയവാക്കി ഗാർഡൻ, ആർട്ട് ഗാലറി, എന്നിവയാണ് മേളയുടെ പ്രധാന ആകർഷണം

ചെന്നൈ: എൽഇഡി റൂട്ട് മാപ് കൃത്യമായി പ്രവർത്തിക്കാത്തതിനെ തുടർന്നു മെട്രോ ട്രെയിൻ യാത്രക്കാർക്ക് ആശയക്കുഴപ്പം. യാത്രയുടെ പുരോഗതി അറിയാനും തൊട്ടടുത്ത സ്റ്റേഷനെപ്പറ്റിയുള്ള വിവരങ്ങൾക്കുമായി യാത്രക്കാർ ഏറെ ആശ്രയിക്കുന്ന എൽഇഡി റൂട്ട് മാപ്പാണു പല കോച്ചുകളിലും കൃത്യമായി പ്രവർത്തിക്കാത്തത്. മുഴുവൻ സ്റ്റേഷനുകളുടെയും പേരുകൾ അടങ്ങിയ റൂട്ട് മാപ്പിൽ, വരാൻ പോകുന്ന സ്റ്റേഷനുകളുടെ പേരുകൾക്കു ചുവടെ എൽഇഡി െവളിച്ചം കത്തുന്ന സംവിധാനവുമുണ്ടായിരുന്നു. സ്റ്റേഷൻ പേരുകൾ തമിഴിലും ഇംഗ്ലിഷിലും എഴുതിയ എൽഇഡി റൂട്ട് മാപ് ആണ് ട്രെയിനുകൾക്കുള്ളിൽ പലയിടങ്ങളിലായി സ്ഥാപിച്ചിട്ടുള്ളത്. ഒരു സ്റ്റേഷൻ കഴിയുമ്പോൾ അതിനു നേരെയുള്ള വെളിച്ചം…

ചെന്നൈ : സ്വാർഥതാത്പര്യമില്ലാതെ രാജ്യത്തിനായി ചിന്തിക്കുന്ന ആരുമായും ലോക്‌സഭാ തിരഞ്ഞെടുപ്പിൽ സഖ്യമുണ്ടാക്കാൻ തയ്യാറാണെന്ന് മക്കൾ നീതി മയ്യം നേതാവ് കമൽഹാസൻ. രാജ്യത്തിനു വേണ്ടി കക്ഷിരാഷ്ട്രീയം മറക്കുമെന്നും എന്നാൽ, ഫ്യൂഡൽ മനോഭാവം കാട്ടുന്ന പാർട്ടികളുമായി കൈകോർക്കില്ലെന്നും അദ്ദേഹം പറഞ്ഞു. മക്കൾ നീതി മയ്യം വാർഷികാഘോഷ പരിപാടികൾക്ക് ശേഷം പ്രതികരിക്കുകയായിരുന്നു കമൽ. തമിഴ്‌നാട്ടിൽ ഡി.എം.കെ.യുടെ നേതൃത്വത്തിലുള്ള ‘ഇന്ത്യ’ സഖ്യത്തിൽ മക്കൾ നീതി മയ്യം ചേരുമെന്ന റിപ്പോർട്ടുകളുണ്ട്. എന്നാൽ, ഇത് സ്ഥിരീകരിക്കാൻ തയ്യാറാകാതിരുന്ന കമൽ, ചർച്ചകൾ നടക്കുന്നുണ്ടെന്നും നല്ല വാർത്തയുണ്ടാക്കാൻ സമയമെടുക്കുമെന്നും പ്രതികരിച്ചു. ഭാവിയിൽ വിജയ്‌യുമായി കൈകോർക്കാൻ തയ്യാറാണെന്ന…

ചെന്നൈ: തമിഴ്‌നാട്ടിലെ കൃഷ്ണഗിരി ജില്ലയിൽ 32 ദിവസത്തിനിടെ 3 സ്ത്രീകളും 2 പുരുഷന്മാരുമടക്കം 5 പേരെങ്കിലും കാട്ടാനയുടെ ആക്രമണത്തിൽ കൊല്ലപ്പെട്ടതായി പിഎംകെ നേതാവും മുൻ കേന്ദ്രമന്ത്രിയുമായ അൻബുമണി രാമദാസ് പറഞ്ഞു. കേന്ദ്ര സർക്കാരിൻ്റെ കണക്കുകൾ പ്രകാരം 2019 നും 2022 നും ഇടയിൽ 3 വർഷത്തിനിടെ തമിഴ്‌നാട്ടിൽ 152 പേരെങ്കിലും കാട്ടാനകളുടെ ആക്രമണത്തിൽ കൊല്ലപ്പെട്ടിട്ടുണ്ടെന്നും അദ്ദേഹം പറഞ്ഞു. തമിഴ്‌നാട്ടിൽ, പ്രത്യേകിച്ച് പശ്ചിമഘട്ടത്തോട് ചേർന്നുള്ള ജില്ലകളിൽ മനുഷ്യരും മൃഗങ്ങളും തമ്മിലുള്ള സംഘർഷങ്ങൾ അനുദിനം വർദ്ധിച്ചുകൊണ്ടിരിക്കുകയാണെന്ന് ധർമ്മപുരിയിൽ നിന്നുള്ള മുൻ എംപി ഒരു പ്രസ്താവനയിൽ ആശങ്ക ഉന്നയിച്ചു.…