Day: 24 May 2024

ചെന്നൈ : പഴനിമല ക്ഷേത്രത്തിലെ ഭണ്ഡാരങ്ങളിൽ കാണിക്കയായി എത്തിയത് 3.69 കോടി രൂപ. കഴിഞ്ഞ പതിനാലുദിവസത്തെ വരുമാനമാണിത്. ക്ഷേത്രത്തിലെ കാർത്തികമണ്ഡപത്തിൽ പണം എണ്ണിത്തിട്ടപ്പെടുത്തി. 991 ഗ്രാം സ്വർണം, 19780 ഗ്രാം വെള്ളി, ഓസ്ട്രേലിയ, ശ്രീലങ്ക, സിങ്കപ്പുർ, മലേഷ്യ തുടങ്ങിയ രാജ്യങ്ങളിലെ കറൻസി നോട്ടുകൾ 484 എണ്ണവും ലഭിച്ചു. പഴനി ദേവസം ബോർഡ് ജോയിന്റ് കമ്മിഷണർ മാരിമുത്തു, ഡെപ്യൂട്ടി കമ്മിഷണർ ആർ.എസ്. വെങ്കിടേഷ്, അസി. കമ്മിഷണർ ലക്ഷ്മി എന്നിവർ നേതൃത്വം നൽകി.

ചെന്നൈ : പ്രധാനമന്ത്രി നരേന്ദ്രമോദിക്കെതിരേ ബി.ജെ.പി. സംസ്ഥാന ഓഫീസിന് മുന്നിൽ സമരം നടത്താനെത്തുന്ന കോൺഗ്രസുകാർ സമയമറിയിച്ചാൽ ബിരിയാണി തരാമെന്ന് പറഞ്ഞ സംസ്ഥാന അധ്യക്ഷൻ അണ്ണാമലൈക്ക് മറുപടിയുമായി ടി.എൻ.സി.സി. മുൻ പ്രസിഡന്റ് ഇ.വി.കെ.എസ്. ഇളങ്കോവൻ. ബി.ജെ.പി. ഓഫീസിൽ അണ്ണാമലൈ ബീഫ് റെഡിയാക്കി വെയ്ക്കണമെന്നും തങ്ങൾ വരുമെന്നും അദ്ദേഹം പ്രതികരിച്ചു. പുരി ജഗന്നാഥ ക്ഷേത്രത്തിലെ രത്‌നഭണ്ഡാരത്തിന്റെ താക്കോൽ തമിഴ്‌നാട്ടിലേക്ക് കൊണ്ടുപോയെന്ന പ്രധാനമന്ത്രിയുടെ പ്രസ്താവനയ്ക്ക് എതിരേയാണ് സംസ്ഥാനത്തെ കോൺഗ്രസ് സമരം പ്രഖ്യാപിച്ചത്. തമിഴ്‌നാട്ടുകാരെ മോഷ്ടാക്കളായി ചിത്രീകരിച്ച പ്രധാനമന്ത്രി മാപ്പുപറഞ്ഞില്ലെങ്കിൽ സമരം നടത്തുമെന്നായിരുന്നു ടി.എൻ.സി.സി. പ്രസിഡന്റ് കെ. സെൽവപെരുന്തഗൈ അറിയിച്ചത്.…

ചെന്നൈ : ഓൺലൈൻ ചൂതാട്ടത്തെ തുടർന്ന് കടക്കെണിയിലായ യുവാവ് ജീവനൊടുക്കി. കൃഷ്ണഗിരി ജില്ലയിലെ ഹൊസൂരിലാണ് സംഭവം. ഹൊസൂരിലുള്ള സ്വകാര്യകമ്പനിയിൽ ജോലി ചെയ്തിരുന്ന അരിയല്ലൂർ സ്വദേശി ആർ. മണിവാസകമാണ് (36) വീടിനുള്ളിൽ തൂങ്ങിമരിച്ചത്. ഒന്നര വയസ്സുള്ള മകനോടൊപ്പം ഭാര്യ അരുണ അരിയല്ലൂരിലുള്ള സ്വന്തംവീട്ടിൽ പോയതായിരുന്നു. കഴിഞ്ഞ ദിവസം തുടർച്ചയായി ഫോൺ വിളിച്ചിട്ടും മണിവാസകം ഫോണെടുക്കാതെ വന്നതോടെ അരുണ അയൽവീട്ടുകാരെ വിവരമറിയിച്ചു. ഇവർ അന്വേഷിച്ചു ചെന്നപ്പോഴാണ് വീടിനുള്ളിൽ മണിവാസകത്തെ തൂങ്ങിയനിലയിൽ കണ്ടെത്തിയത്. തുടർന്ന് പോലീസ് എത്തി മൃതദേഹം ഹൊസൂർ സർക്കാർ ആശുപത്രിയിലേക്ക് മാറ്റി. ഓൺലൈൻ ചൂതാട്ടത്തിലൂടെ 50…

ചെന്നൈ : എഗ്‌മോർ-ഗുരുവായൂർ എക്സ്പ്രസി (16127)ലെ ജനറൽ കോച്ചിൽ യാത്രക്കാർ തമ്മിലുണ്ടായ കൈയേറ്റത്തെത്തുടർന്ന് നാലു തൃശ്ശൂർ സ്വദേശികൾക്ക് പരിക്കേറ്റു. ബുധനാഴ്ച രാവിലെ എഗ്‌മോറിൽനിന്ന് 9.45-ന് പുറപ്പെട്ട തീവണ്ടി വൈകീട്ട് 7.15-ന് കോവിൽപ്പെട്ടി എത്തിയപ്പോൾ അവിടെനിന്ന് കയറിയവരാണ് നാലുപേരുമെന്ന് റെയിൽവേ പോലീസ് അറിയിച്ചു. തീവണ്ടിയിൽ നാല് പേരും മറ്റ് യാത്രക്കാരുമായി തർക്കത്തിലേർപ്പെട്ടു. തുടർന്നുണ്ടായ കൈയേറ്റത്തിലാണ് ഇവർക്ക് പരിക്കേറ്റത്. ഇതേത്തുടർന്ന് സഹയാത്രക്കാർ അപായചങ്ങല വലിച്ചു. തീവണ്ടി തിരുനെൽവേലി ജങ്ഷനിന് സമീപം നിർത്തി. സംഭവമറിഞ്ഞ് പോലീസെത്തി പരിക്കേറ്റ നാല് പേരെയും പാളയംകോട്ടൈ ഹൈഗ്രൗണ്ട് ഗവ. ആശുപത്രിയിൽ പ്രവേശിപ്പിച്ചു. വൈദ്യ…