ചെന്നൈ : അഭ്യാസപ്രകടനത്തിനിടെ ബൈക്കുകൾ കൂട്ടിയിടിച്ച് രണ്ട് യുവാക്കൾ മരിച്ചു. തൂത്തുക്കുടി കുരുമ്പൂരിലുണ്ടായ അപകടത്തിൽ സുഹൃത്തുക്കളായ ജീവരത്തിനം (22), പ്രദീപ് കുമാർ (23) എന്നിവരാണ് മരിച്ചത്. ഇവർക്കൊപ്പമുള്ള ഭൂപതി രാജ പരിക്കുകളോടെ രക്ഷപ്പെട്ടു. ക്ഷേത്രത്തിലെ ഉത്സവത്തിൽ പങ്കെടുത്ത് മടങ്ങുന്നതിനിടെ വെള്ളിയാഴ്ച രാത്രി 11.30-ഓടെയാണ് യുവാക്കൾ റോഡിൽ ബൈക്കഭ്യാസം കാട്ടിയത്. പ്രദീപും ജീവരത്തിനവും ഓടിച്ചിരുന്ന ബൈക്കുകൾ നേർക്കുനേർ ഇടിക്കുകയായിരുന്നു. സംഭവസ്ഥലത്തുതന്നെ ഇരുവരും മരിച്ചു. ഭൂപതി രാജയുടെ ബൈക്കും ഇതിനിടയിലേക്ക് ഇടിച്ചുകയറിയെങ്കിലും പരിക്കുകളോടെ രക്ഷപ്പെട്ടു. സംഭവത്തിൽ പോലീസ് കേസെടുത്തു.
Read Moreബൈക്കഭ്യാസത്തിനിടെ ബൈക്കുകൾ കൂട്ടിയിടിച്ച് അപകടം : രണ്ട് യുവാക്കൾ മരിച്ചു
