Month: August 2024

ചെന്നൈ : പോലീസുകാരെ ആക്രമിച്ച് രക്ഷപ്പെടാൻശ്രമിച്ച റൗഡിയെ കാലിൽ വെടിവെച്ചുവീഴ്ത്തി പിടികൂടി വനിത എസ്.ഐ. മൂന്ന് കൊലപാതകക്കേസുകൾ ഉൾപ്പെടെ 14 കേസുകളിൽ പ്രതിയായ എസ്.രോഹിത് രാജിനെയാണ് (34) ടി.പി. ഛത്രം എസ്.ഐ. കലൈസെൽവി സാഹസികമായി പിടികൂടിയത്. ഹെഡ് കോൺസ്റ്റബിൾമാരായ ശരവണകുമാറിനെയും പ്രദീപിനെയും ആക്രമിച്ച് രക്ഷപ്പെടാൻ ശ്രമിച്ചപ്പോഴായിരുന്നു ഇവർക്ക് ഒപ്പമുണ്ടായിരുന്ന കലൈസെൽവി രോഹിതിന്റെ കാലിന് നേരേ വെടിവെച്ചത്. ബി.എസ്.പി. സംസ്ഥാന അധ്യക്ഷൻ കെ.ആംസ്‌ട്രോങ്ങിന്റെ കൊലപാതകത്തെത്തുടർന്നാണ് ഒളിവിൽ കഴിയുന്ന റൗഡികളെ പിടികൂടാൻ പോലീസ് നടപടി ആരംഭിച്ചത്. ഇതിന്റെ ഭാഗമായി രോഹിത് രാജിനായും തിരച്ചിൽ ആരംഭിക്കുകയായിരുന്നു. കിൽപ്പോക്കുള്ള പഴയ…

ചെന്നൈ: സംസ്ഥാനത്തുടനീളം തദ്ദേശീയമായി ഉൽപ്പാദിപ്പിക്കുന്ന ശീതളപാനീയങ്ങളുടെ സാമ്പിളുകൾ പരിശോധിക്കാൻ ഭക്ഷ്യസുരക്ഷാ വകുപ്പ് ഉത്തരവിട്ടു. കഴിഞ്ഞ 10ന് വീടിന് പുറത്ത് 6 വയസുകാരിയായ പെൺകുട്ടി ശീതളപാനീയം വാങ്ങി കുടിച്ച് മരണമടഞ്ഞതിന്റെ ഭാഗമായാണ് നടപടി. തിരുവണ്ണാമലൈ ജില്ലയിലെ സെയാർ പ്രദേശത്തുള്ളവരാണ് രാജ്കുമാറും ജ്യോതിലക്ഷ്മിയും. ഇവരുടെ മകൾ കാവ്യ (6) ഒന്നാം ക്ലാസ് വിദ്യാർത്ഥിയായിരുന്നു. കഴിഞ്ഞ 10ന് വീടിന് പുറത്ത് കളിച്ചുകൊണ്ടിരുന്ന പെൺകുട്ടി അവിടെയുള്ള പെട്ടിക്കടയിൽ നിന്ന് 10 രൂപ വിലയുള്ള ശീതളപാനീയം വാങ്ങി കുടിച്ചു. അല്പസമയത്തിനുള്ളിൽ പെൺകുട്ടിക്ക് പെട്ടെന്ന് ശ്വാസംമുട്ടൽ ഉണ്ടാവുകയും ബോധംകെട്ടു വീഴുകയും ചെയ്തു. തുടർന്ന്…

ചെന്നൈ: സ്വാതന്ത്ര്യ ദിനത്തോടനുബന്ധിച്ച് ഓഗസ്റ്റ് 15 (വ്യാഴം) ചെന്നൈ ജില്ലയിലെ എല്ലാ ടാസ്മാക് മദ്യ റീട്ടെയിൽ ഷോപ്പുകളും അനുബന്ധ ബാറുകളും  തുറക്കില്ലെന്ന്  ചെന്നൈ ജില്ലാ കളക്ടർ രശ്മി സിദ്ധാർത്ഥ് ജഗഡെ ഇന്നലെ വാർത്താക്കുറിപ്പിൽ അറിയിച്ചു . ആഗസ്റ്റ് 15ന് (വ്യാഴം) ഹോട്ടലുകളോട് അനുബന്ധിച്ചുള്ള ബാറുകൾ, എഫ്എൽ 3(എ), എഫ്എൽ 3 (എഎ) എന്നിവ അടച്ചിടുമെന്നും ഇവ തുറന്ന് പ്രവർത്തിച്ച് കുറ്റക്കാരാണെന്ന് കണ്ടെത്തിയാൽ കർശന നടപടിയെടുക്കുമെന്നും ജില്ലാ കളക്ടർ പറഞ്ഞു.