Author: News Desk

ചെന്നൈ: തമിഴ്‌നാട് കോയമ്പേട് മാർക്കറ്റിൽ തക്കാളി വില കിലോയ്ക്ക് 40 രൂപയായി. തമിഴ്‌നാടും സമീപ സംസ്ഥാനങ്ങളായ ആന്ധ്രാപ്രദേശ് , കർണാടക എന്നീ സംസ്ഥാനങ്ങളും കഴിഞ്ഞ ഏപ്രിൽ മുതൽ കടുത്ത ചൂടിലാണ്. തുടർന്ന് മേയ് മാസം ആദ്യം മുതൽ തമിഴ്നാട്ടിൽ ശക്തമായ കാറ്റിനൊപ്പം കനത്ത മഴയും പെയ്തു. ഈ കാലാവസ്ഥാ വ്യതിയാനം മൂലം കോയമ്പേട് മാർക്കറ്റിൽ തക്കാളിയുടെ വരവ് കുറഞ്ഞുവരികയാണ്. അതിനാൽ തക്കാളിയുടെ വില കുതിച്ചുയരുകയാണ്. ശനിയാഴ്ച വരെ കോയമ്പേട് മാർക്കറ്റിൽ മൊത്തവില കിലോയ്ക്ക് 40 രൂപയ്ക്കാണ് തക്കാളി വിറ്റത്. തിരുവല്ലിക്കേണി ജാംബസാർ, സൈദാപ്പേട്ട്, പെരമ്പൂർ…

ചെന്നൈ : അഭ്യാസപ്രകടനത്തിനിടെ ബൈക്കുകൾ കൂട്ടിയിടിച്ച് രണ്ട്‌ യുവാക്കൾ മരിച്ചു. തൂത്തുക്കുടി കുരുമ്പൂരിലുണ്ടായ അപകടത്തിൽ സുഹൃത്തുക്കളായ ജീവരത്തിനം (22), പ്രദീപ് കുമാർ (23) എന്നിവരാണ് മരിച്ചത്. ഇവർക്കൊപ്പമുള്ള ഭൂപതി രാജ പരിക്കുകളോടെ രക്ഷപ്പെട്ടു. ക്ഷേത്രത്തിലെ ഉത്സവത്തിൽ പങ്കെടുത്ത് മടങ്ങുന്നതിനിടെ വെള്ളിയാഴ്ച രാത്രി 11.30-ഓടെയാണ് യുവാക്കൾ റോഡിൽ ബൈക്കഭ്യാസം കാട്ടിയത്. പ്രദീപും ജീവരത്തിനവും ഓടിച്ചിരുന്ന ബൈക്കുകൾ നേർക്കുനേർ ഇടിക്കുകയായിരുന്നു. സംഭവസ്ഥലത്തുതന്നെ ഇരുവരും മരിച്ചു. ഭൂപതി രാജയുടെ ബൈക്കും ഇതിനിടയിലേക്ക് ഇടിച്ചുകയറിയെങ്കിലും പരിക്കുകളോടെ രക്ഷപ്പെട്ടു. സംഭവത്തിൽ പോലീസ് കേസെടുത്തു.

ചെന്നൈ : ജോലിചെയ്യുന്ന സ്ത്രീകൾക്കായി കൂടുതൽ ഹോസ്റ്റലുകൾ നിർമിക്കുന്നതിന് തമിഴ്‌നാട് സർക്കാർ 35.87 കോടി രൂപ നീക്കിവെച്ചു. ഹൊസൂർ, തിരുവണ്ണാമലൈ, സെയ്ന്റ്‌ തോമസ് മൗണ്ട് എന്നിവിടങ്ങിലാണ് പുതിയ ഗവ. വർക്കിങ് വിമൻസ് ഹോസ്റ്റലുകൾ തുടങ്ങുക. 432 പേർക്ക് ഇവിടെ താമസിക്കാനാവും. കഴിഞ്ഞവർഷമാണ് സംസ്ഥാനസർക്കാർ ‘തോഴി’ എന്നപേരിൽ 19 ജില്ലകളിൽ വർക്കിങ് വിമൻസ് ഹോസ്റ്റലുകൾക്ക് തുടക്കംകുറിച്ചത്. ആദ്യഘട്ടത്തിൽ നിർമിച്ച ഹോസ്റ്റലുകളിൽ 688 പേർക്ക് താമസിക്കാം. നിലവിൽ 259 സ്ത്രീകൾ ഈ സൗകര്യം ഉപയോഗിച്ചുവരുന്നു. സേലം, തഞ്ചാവൂർ, പെരമ്പലൂർ, വെല്ലൂർ, വിഴുപുരം, തിരുനെൽവേലി, അഡയാർ എന്നിവിടങ്ങളിലെ ഹോസ്റ്റലുകൾ…

ചെന്നൈ : സർക്കാർഭൂമി വ്യാജരേഖ ചമച്ച് വിറ്റതിന് ദമ്പതിമാരടക്കം മൂന്നുപേരെ താംബരം സിറ്റി പോലീസ് അറസ്റ്റ് ചെയ്തു. കാഞ്ചിപുരം ജില്ലയിലെ അധാനൂരിൽ പാർക്കു നിർമാണത്തിനായി മാറ്റിവെച്ച ഭൂമിയാണ് പ്രതികൾ വിറ്റത്. 58,000 ചതുരശ്രയടി വിസ്തീർണമുള്ള 24 പ്ലോട്ടുകൾ 5.3 കോടി രൂപ വാങ്ങിയാണ് പഴുതിവാക്കം സ്വദേശിക്കു കൈമാറിയത്. ഭൂമി വാങ്ങിയയാൾ ഗുഡുവാഞ്ചേരിയിലെ സബ് രജിസ്ട്രാർ ഓഫീസിൽ അന്വേഷിച്ചപ്പോഴാണ് കബളിപ്പിക്കപ്പെട്ടതായി മനസ്സിലാക്കിയത്. തുടർന്ന് താംബരം പോലീസിൽ പരാതിനൽകി. മടിപ്പാക്കം സ്വദേശികളായ എ. മുരുകൻ(44), ഭാര്യ എം. തിരുശെൽവി(37), ആർ. ദേവ (27) എന്നിവരെയാണ് അറസ്റ്റുചെയ്തത്.