Day: 8 February 2024

ചെന്നൈ: കേന്ദ്ര സർക്കാരിൽ നിന്ന് തമിഴ്‌നാടിന് അർഹമായ ഫണ്ട് ലഭിച്ചിട്ടില്ലെന്ന് കാണിച്ച് ഭരണകക്ഷിയായ ദ്രാവിഡ മുന്നേറ്റ കഴകത്തിൻ്റെ (ഡിഎംകെ) നേതാക്കൾ ചെന്നൈ, തിരുനെൽവേലി തുടങ്ങിയ സ്ഥലങ്ങളിൽ ആളുകൾക്ക് ഹൽവ വിതരണം ചെയ്തു. ഹൽവ പാക്കിൽ സീറോ എന്ന് പരാമർശിച്ചിരിക്കുന്ന നോട്ടീസിൽ കേന്ദ്ര ബിജെപിയെ പരിഹസിക്കുകയും സംസ്ഥാനത്തിൻ്റെ വിവിധ ഭാഗങ്ങൾ പ്രതികൂലമായിട്ടും കേന്ദ്ര സർക്കാർ തമിഴ്‌നാടിന് സഹായം അനുവദിച്ചിട്ടില്ലെന്ന് തമിഴ്‌നാട്ടിലെ ജനങ്ങളെ ബോധവത്കരിക്കാൻ ശ്രമിക്കുകയും ചെയ്തു. കഴിഞ്ഞ ഡിസംബറിലെ ചുഴലിക്കാറ്റിനെ തുടർന്നുണ്ടായ കനത്ത മഴ നഗരത്തെ ഒന്നാകെ ബാധിച്ചു. തുടർന്ന് ഉണ്ടായ വെള്ളപൊക്കത്തിൽ തമിഴ്‌നാടിന് അർഹമായ…

ചെന്നൈ : ശ്രീലങ്കയിൽനിന്ന് അഭയം തേടിയെത്തിയ അഞ്ചംഗ കുടുംബത്തെ തമിഴ്‌നാട് പോലീസ് രക്ഷപ്പെടുത്തി. രാമനാഥപുരത്തെ മണ്ഡപം അഭയാർഥി ക്യാമ്പിലെത്തിച്ച ഇവരെ ചോദ്യം ചെയ്യുകയാണ്. പുരുഷനും സ്ത്രീയും മൂന്ന് പെൺകുട്ടികളുമടങ്ങുന്ന സംഘം ശ്രീലങ്കയിലെ മാന്നാർ ജില്ലയിൽനിന്നാണ് ബോട്ടിൽ കയറിയത്. ധനുഷ്കോടിക്കടുത്ത് ആദമമ്പലം മണൽത്തിട്ടിൽ ഇവരെ ഇറക്കിവിട്ടശേഷം ബോട്ട് സ്ഥലംവിട്ടു. 24 മണിക്കൂർ നേരം അവർ അവിടെ കഴിഞ്ഞു. പിന്നീട് ശ്രീലങ്കൻ ബോട്ട് തിരിച്ചെത്തി അവരെ അവിടെനിന്ന് ഒന്നാം മണൽത്തിട്ടിൽ ഇറക്കിവിട്ടു. അവിടെനിന്നാണ് പോലീസ് കരക്കെത്തിച്ചത്. കൂടുതൽ വിവരങ്ങൾ അന്വേഷിച്ചുവരുകയാണെന്ന് പോലീസ് പറഞ്ഞു.

ചെന്നൈ: നീലഗിരി ജില്ലയിലെ ഊട്ടിക്കടുത്തുള്ള ലവ്‌ഡെയ്ൽ മേഖലയിൽ നിർമാണ ജോലിക്കിടെയുണ്ടായ മണ്ണിടിച്ചിലിൽ 6 തൊഴിലാളികൾ മരിച്ചു. മറ്റ് 4 പേരെ സാരമായ പരിക്കുകളോടെ രക്ഷപ്പെടുത്തി ചികിത്സയ്ക്കായി ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് ഭൂമിയുടെ ഉടമ ബ്രിഡ്ജോ, കരാറുകാരൻ പ്രകാശ്, മേസൺമാരായ സക്കീർ അഹമ്മദ്, ആനന്ദരാജ് എന്നിവരെ പോലീസ് അറസ്റ്റ് ചെയ്ത് അന്വേഷണം നടത്തി വരികയാണ്. ഈ സാഹചര്യത്തിൽ അപകടത്തിൽ മരിച്ചവരുടെ കുടുംബങ്ങൾക്ക് രണ്ട് ലക്ഷം രൂപ വീതം ധനസഹായം നൽകുമെന്ന് തമിഴ്നാട് മുഖ്യമന്ത്രി എം.കെ.സ്റ്റാലിൻ അറിയിച്ചു. അപകടത്തിൽ പരിക്കേറ്റ് ഉതഗൈ സർക്കാർ മെഡിക്കൽ കോളേജ്…

ചെന്നൈ : രാഷ്ട്രീയത്തിലിറങ്ങുന്നതിനുള്ള തീരുമാനത്തിന് ആശംസനേർന്ന രജനീകാന്തിന് നന്ദി അറിയിച്ച് വിജയ്. ഫോണിൽവിളിച്ചു നന്ദി അറിയിച്ചുവെന്നാണ് വിജയുമായി ബന്ധപ്പെട്ട വൃത്തങ്ങളിൽനിന്ന് ലഭിക്കുന്നവിവരം. വിജയ്‌യുടെ രാഷ്ട്രീയ പ്രവേശത്തെക്കുറിച്ച് മാധ്യമപ്രവർത്തകർ ചോദിച്ചപ്പോഴായിരുന്നു രജനി ആശംസകൾ നേർന്നത്. അടുത്തിടെ ലാൽ സലാമിന്റെ ഓഡിയോ റിലീസ് ചടങ്ങിൽ പ്രസംഗിക്കുമ്പോഴും വിജയിയെ രജനി പ്രകീർത്തിച്ചിരുന്നു.

ചെന്നൈ : സ്കൂൾവാനിന്റെ മുൻ ചക്രം കയറി രണ്ടുവയസ്സുകാരൻ മരിച്ചു. കടലൂർ ജില്ലയിലെ പൺറൂട്ടിയിൽ ദയാളന്റെ മകൻ റക്സിനാണ് മരിച്ചത്. ദയാളന്റെ മൂത്തമകൻ രവികുമാറി(4)നെ വാനിൽ കയറ്റി തിരിച്ചുവരുന്നതിനിടെയാണ് അപകടം . രവികുമാറിനെ ദയാളൻ വാനിൽ കയറ്റുന്പോൾ റക്സിൻ വാനിനു മുന്നിൽ നിന്നിരുന്നത് ഡ്രൈവർ സഹായകുമാർ ശ്രദ്ധിച്ചിരുന്നില്ല. തുടർന്ന് വാഹനം മുന്നോട്ടെടുക്കുമ്പോൾ മുൻവശത്തെ ചക്രം കുട്ടിയുടെ ദേഹത്ത് കയറിയിറങ്ങുകയായിരുന്നു. ഗുരുതരമായി പരിക്കേറ്റ റക്സിനെ പൺറൂട്ടി സർക്കാരാശുപത്രിയിൽ എത്തിച്ചെങ്കിലും രക്ഷിക്കാനായില്ല. സംഭവത്തിൽ കടമ്പലിയൂർ പോലീസ് കേസെടുത്തു.

ചെന്നൈ : ഊട്ടി ലവ്‌ഡെയ്‌  ഗാന്ധി നഗറിലുണ്ടായ മണ്ണിടിച്ചിലിൽ ഏഴ് നിർമാണത്തൊഴിലാളികൾ ഉൾപ്പെടെ ആറ് സ്ത്രീകൾ സംഭവസ്ഥലത്ത് വെച്ച് തന്നെ മരിച്ചു. മതിൽ കെട്ടുന്ന ജോലിയിലായിരുന്നു തൊഴിലാളികൾ. ഗുരുതരമായി പരിക്കേറ്റ രണ്ട് തൊഴിലാളികളെ ഊട്ടി സർക്കാർ ആശുപത്രിയിൽ പ്രവേശിപ്പിച്ചു. ഒരു തൊഴിലാളിയെ അവശിഷ്ടങ്ങൾക്കിടയിൽ കാണാതായിട്ടുണ്ട്, രക്ഷാപ്രവർത്തനം പുരോഗമിക്കുകയാണ് എന്നും പോലീസ് പറഞ്ഞു. ജാഗ്രതാ നിർദേശം ലഭിച്ച ഫയർഫോഴ്‌സ് സ്ഥലത്തെത്തി മണ്ണിടിച്ചിലിൽ കുടുങ്ങിയ 8 പേരെ രക്ഷപ്പെടുത്തി. #WATCH | Six construction workers died on the spot while undergoing house construction…