Day: 15 March 2024

ചെന്നൈ : തമിഴ്‌നാട്ടിലെ ശ്രീലങ്കൻ അഭയാർഥിക്യാമ്പിൽ ജനിച്ചവർക്ക് ഇന്ത്യൻ പൗരത്വം നൽകണമെന്നാവശ്യപ്പെട്ട് സമർപ്പിച്ച ഹർജി മദ്രാസ് ഹൈക്കോടതി തള്ളി. അഭിഭാഷകനായ വി. രവികുമാർ സമർപ്പിച്ച ഹർജിയാണ് തള്ളിയത്. മാതാപിതാക്കൾ ഇന്ത്യൻ പൗരരാണെങ്കിൽ മാത്രമാണ് ജനനത്തിലൂടെ പൗരത്വം ലഭിക്കുകയുള്ളൂവെന്ന് നേരത്തേ ഈ വിഷയത്തിൽ കേന്ദ്ര ആഭ്യന്തരമന്ത്രാലയം വിശദീകരിച്ചിരുന്നു. എന്നാൽ, ഇതിനെ എതിർത്താണ് രവികുമാർ പൊതുതാത്പര്യ ഹർജി സമർപ്പിച്ചത്. പൗരത്വം വേണ്ടവരുടെ വിശദവിവരങ്ങളില്ലാതെ അഭയാർഥിക്യാമ്പിൽ ജനിച്ച എല്ലാവർക്കും പൗരത്വം നൽകണമെന്ന് ഉത്തരവിടാൻ സാധിക്കില്ലെന്ന് കോടതി വ്യക്തമാക്കി. ജനനത്തീയതി, മാതാപിതാക്കളുടെ പൗരത്വം, ജനിച്ച സ്ഥലം തുടങ്ങിയ അടിസ്ഥാനവിവരങ്ങൾ നൽകിയാൽ…

ചെന്നൈ: സുരക്ഷ കാരണങ്ങൾ ചൂണ്ടിക്കാട്ടി കോയമ്പത്തൂരിൽ പ്രധാനമന്ത്രി നരേന്ദ്രമോദിയുടെ റോഡ് ഷോക്ക് അനുമതി നിഷേധിച്ചു. മാർച്ച് 18ന് കോയമ്പത്തൂർ സന്ദർശിക്കുന്നതിന്റെ ഭാഗമായി നഗരപരിധിയിൽ നാലു കിലോമീറ്ററോളം റോഡ് ഷോ നടത്താനായിരുന്നു മോദി തീരുമാനിച്ചിരുന്നത്. അതിനാൽ ബിജെ.പി കോയമ്പത്തൂർ ഘടകം പൊലീസിന്റെ അനുമതി തേടിയിരുന്നു. എന്നാൽ പോലീസ് അനുമതി നിഷേധിക്കുകയായിരുന്നു. പൊതുജനങ്ങൾക്കുണ്ടാകുന്ന അസൗകര്യമാണ് പ്രധാനകാരണമായി കോയമ്പത്തൂർ പോലീസ് കമ്മീഷണർ ചൂണ്ടിക്കാട്ടിയത്. ബി.ജെ.പി റോഡ് ഷോക്കായി തെരഞ്ഞെടുത്ത സ്ഥലം സാമുദായിക സംഘർഷമുണ്ടാകാൻ സാധ്യതയുള്ള മേഖലയാണെന്നും പോലീസ് ചൂണ്ടിക്കാട്ടി. ആർ.എസ് പുരത്താണ് റോഡ് ഷോക്ക് അനുമതി തേടിയത്. 1998ൽ…

ചെന്നൈ : പ്രധാനമന്ത്രി മോദി 18-ന് കോയമ്പത്തൂരിൽ ‘റോഡ് ഷോ’ പരിപാടിയിൽ പങ്കെടുത്ത് പൊതുജനങ്ങളിൽ നിന്ന് വോട്ട് ശേഖരിക്കും. ലോക്‌സഭാ തിരഞ്ഞെടുപ്പിന്റെ പ്രചാരണാർഥമാണ് പ്രധാനമന്ത്രി നരേന്ദ്രമോദി 18-ന് കോയമ്പത്തൂരിലെത്തുന്നത്. കോയമ്പത്തൂർ ലോക്‌സഭാ മണ്ഡലത്തിൽ ബിജെപി രണ്ടുതവണ വിജയിച്ചിട്ടുണ്ട്. അതുകൊണ്ട് തന്നെ കോയമ്പത്തൂരിലാണ് ബിജെപി കൂടുതൽ ശ്രദ്ധ ചെലുത്തുന്നത്. ലോക്‌സഭാ തിരഞ്ഞെടുപ്പ് പ്രചാരണത്തിനായി തമിഴ്‌നാട്ടിൽ എത്തുന്ന പ്രധാനമന്ത്രി മോദി 18-ന് നീലഗിരി, കോയമ്പത്തൂർ, പൊള്ളാച്ചി, തിരുപ്പൂർ, ഈറോഡ് മണ്ഡലങ്ങളിലെ സ്ഥാനാർഥികൾക്കുവേണ്ടിയുള്ള പ്രചാരണറാലിയിൽ പങ്കെടുക്കുന്ന പ്രധാനമന്ത്രി നഗരത്തിൽ റോഡ് ഷോ നടത്തും. കോയമ്പത്തൂർ ഉൾപ്പെടെയുള്ള കൊങ്കുനാട്ടിലെ മണ്ഡലങ്ങളിൽ…

ചെന്നൈ : തിരുവണ്ണാമലൈ-തിരുപ്പത്തൂർ ജവാദു മലനിരകളിലെ വനത്തിനുള്ളിൽ ബി.ജെ.പി. പ്രവർത്തകനെ വെടിയേറ്റ് മരിച്ചനിലയിൽ കണ്ടെത്തി. ചെങ്ങം താലൂക്കിലെ അടിവാരം ഗ്രാമത്തിലെ ജി. ഏഴുമലൈ (27)യാണ് മരിച്ചത്. ഏതാനും ദിവസംമുമ്പ് എട്ടംഗസംഘത്തോടൊപ്പം ട്രക്കിങ്ങിനായി വനത്തിൽ പോയതായിരുന്നു ഏഴുമലൈ. അടുത്തദിവസം കുടുംബാംഗങ്ങളുമായി ഫോണിൽ സംസാരിച്ചിരുന്നു. പിന്നീട് വിവരമൊന്നും ലഭിച്ചില്ല. തുടർന്ന് ഏഴുമലൈയുടെ അച്ഛൻ ഗോവിന്ദരാജ് ചെങ്ങം പോലീസിൽ പരാതി നൽകി. സിങ്കാരപ്പേട്ട റെയ്‌ഞ്ചിലെ വനംവകുപ്പ് ഉദ്യോഗസ്ഥരുടെ സഹായത്തോടെ പോലീസ് നടത്തിയ തിരച്ചിലിലാണ് മൃതദേഹം കണ്ടെത്തിയത്. ഏഴുമലൈയുടെ ദേഹത്ത് വെടിയുണ്ടയുടെ മുറിവുകൾ കണ്ടെത്തിയതായി പോലീസ് പറഞ്ഞു. മൃതദേഹം പോസ്റ്റ്‌മോർട്ടത്തിനായി…